Zozue16
1Nu ka ɛ haa ha hio bezang pɛ Zozɛf nɛ wal dea mbala, lingia angiri ha Zurdain, sanga nɛ Zeriko, ha wal gutɛ swe mɔ ndong, ka haa li hazang lea. Angiri ha Zeriko, yo gɔna zang kpɛnu hapata yo danga hazang kandɔnu ngari mɔ Betel.2Hakɛ, yo nɛ̂a ha wal Luz, pena ha Atarot, bhandi ka hio wi Arki ɔnua,3hapata, yo zilo ha wal ɔnu swe, hazang kandɔnu pɛ hio wi mɔ Yafleti. Hapata yo kuo Bet-Horon-mɔ-gdɔk nɛ Gezer, yo nɛ̂a nɛ gboa ha gasa nana li tong mɔ Mediterane.4Hio bezang pɛ Zozɛf, ɛngi osa nde hio kandɔ pɛ Manase nɛ pɛ Efraim, kapana nu ndɔng ha soko mbwa.5Hio pɛl nam mɔ zang kandɔ pɛ Efraim kpaa pɛ mbwa ma bhal nu ka lingia nɛ̂a ha Atrot-Adar, ha wal gdɔk gutɛ swe, gboa Bet-Horon-mɔ-kala.6Fin yo hɔa gasa nana li tɔng mɔ Mediterane. Ha wal kala, yo nɛ̂a sanga nɛ Mikmetat. Ha wal gutɛ swe mɔ Mikmetat, yo nɛ̂a Taanat-Silo yo pena hazang Taanat-Silo mɔ nɛ̂a Yanoa.7Hakɛ, yo zilo ha Atarot nɛ Naara, kpamay ha Zeriko nɛ yo hɔa ha Zurdain.8Ha wal ɔnu swe mɔ Mikmetat, yo nɛ̂a ha Tapua gboa ngbang nɛ kolo mɔ Kana, kpamay ha gasa nana li tɔng mɔ Mediterane. Tuka ɛngɛ ka ɛ baa haa nɛ nu ha hio pɛl nam mɔ zang kandɔ pɛ Efraim.9Wange ɛ aa hazu hio le nɛ hio bebe le fɛt ha pɛtɛa, ka dung hazang nu pɛ hio wi mɔ zang kandɔ pɛ Manase.10Hio wi mɔ Efraim tɛyin fin hio wi mɔ Kanaan ka ɔnu ha Gezer na. Mbwa bhɔna ka a ɔanu sising fin ha soko hio wi mɔ Efraim ɛ haa mbwa hio ngaya tom.
The Seed Company