Zozue15
1Nu ka ɛ haa nɛ wal mbala ha hio pɛl nam mɔ zang kandɔ pɛ Zuda nɛ̂a gboa lingia mɔ Edom, baa kpenu mɔ Zin nɛ wal gdɔk.2Lingia nu mɔ wal gdɔk angiri ha Fea nana li tɔng mɔ wal gdɔk.3Yo pena nɛ wal gdɔk gboa ngari mɔ hio Tole baa fin kpenu mɔ Zin. Nɛ wal gdɔk mɔ Kades-Barnea nɛ̂a gboa Hesron nɛ Adar, kiforo fin baa wal mɔ Karka.4Nɛ̂a nɛ wal mɔ Asmon gboa ngbang nɛ kolo mɔ Ezipte baa gasa nana-li tong mɔ Mediterane. zɔk bhandi ka lingia mɔ Zuda pen ang nɛ wal gdɔk.5Nɛ wal gutɛ swe, lingia dungɔ nɛ gasa Fea nana li tɔng gboa ha bhandi ka li Zurdain gɔsi ang. Yo nɛ bhandi kpamay ka lingia mɔ wal kala pen ang.6Lingia danga nɛ wal Bet-Hogla, pena nɛ wal kala mɔ Bet-Araba, nɛ̂a fin gboa ma ta ka ɛ saa nde ta pɛ Bohan bem pɛ Ruben.7Lingia danga fin ha wal mɔ Debir pena nɛ wal bikɔnu mɔ Akor, baa fin nɛ wal kala, yo kiforo fin nɛ wal mɔ Gilgal, ha sɔngsi kuso ngari mɔ Adumim, ka dung ha bebe bikɔnu nɛ wal gdɔk. Hapata, nɛ̂a nɛ baa hio ndog li mɔ En-Semes nɛ̂a nɛ kpa En-Rogel.8Lingia danga nɛ pen fin ha bikɔnu mɔ Hinom, ha wal gɔssa pɛa ha wal gdɔk ha pɛtɛ bebe ngari pɛ hio wi mɔ Yebus, ka Zeruzalɛm ang. Hapata, ha wal zu ngari ka dung nɛ wal ɔnu swe mɔ bikɔnu mɔ Hinom nɛ kpogio lingia dungɔ nɛ bikɔnu pɛ hio wi mɔ Refa, nɛ wal kala.9Hakɛ, lingia nduko ha wal hio ndong li mɔ Neftoa nɛ yo nɛa gboa hio le ka dung sanga nɛ ngari mɔ Efron, sɔngsi nde wɛnɛ ayolsi nɛ wal mɔ Baala, ka ɛ saa fin nde Kiriat-Yearim.10Lingia zikoro nɛ wal ɔnu swe mɔ Baala ha wal ngari mɔ Seir, pena fin nɛ gɔsi ha wal kala mɔ zungari mɔ hio kumbɔ, ɛngi tɔnde ngari mɔ Kesalon, zilo fin ha Bet-Semes nɛ kpala Timna.11Lingia boka ha yolsa ha wal kala mɔ le Ekron, zifolo nɛ wal Sikaron, nɛ yolsa ha wal Yabne nɛ pena ha zungari mɔ Baala. Yo nɛ̂a nɛ gɔsi ha nana li tɔng mɔ Mediterane.12Lingia mɔ wal ɔnu swe yo nɛ nana li tɔng Mediterane. Zɔk, lingia nu ka ɛ haa ha hio pɛlnam mɔ zang mɔ kandɔ pɛ Zuda.13Kaleb, bem pɛ Yefune, kpaa pɛa ma bhal nu hazang le mɔ Zuda, tuka ɛngɛ ka Wankpoo baa ha nɛ nu ha Zozue. Ɛ haa ha wɛnɛ Kiriat-Arba, ɔsa nde le Arba, ka ɛ saa mɛsɛ Hebron. Arba nɛ ling kotowi mɛ hio wi mɔ Anak.14Kaleb yinɔ hio pɛl nam tar mɔ Anak : pɛ Sesai, pɛ Ahiman nɛ pɛ Talmai.15Wɛnɛ gutɛ ha Hebron, nɛ̂a dea-da nɛ hio wi mɔ le mɔ Debir, le ka ɛba saa ha ngimɔ ɛngi nde Kiriat-Sefer.16Kaleb tɔa : «Mibe haa bem pɔm mɔ bhoko Aksa ha wi ka bekpa wal mɔ baa le mɔ Kiriat-Sefer nde wɛnɛ asi.»17Otniel, bem pɛ Kenaz yamɛ Kaleb, wɛnɛ baa lea nɛ Kaleb haa bem pɛa Aksa haa wɛnɛ nde wɛnɛ asi.18Ngimɔ ka Aksa hɔa sanga nɛ Otniel, wɛnɛ ana Otniel nde Otniel a ani fɔ ha kɔ bafa wa Kaleb. Hapata Aksa zilo hazu toefok pɛa. Bafa wa Kaleb ana wɛnɛ : ‹‹Mɛ ngoya nɛ ge?»19Wɛnɛ kiforo wen: «Mɛ dede longo mɔ haa mi. Mɛ haa mi hio ndong li, hazu nu ɛngɛ ka mɛ haa mi nɛ wal gdɔk nɛ kota nu.» Kaleb haa wɛnɛ ndong li nɛ wal kala nɛ hio ndong li mɔ wal gdɔk.20Ɛngɛ nɛ nu ka hio pɛl nam mɔ kandɔ pɛ Zuda kpaa ha wal kapanamɔ.21Hio le ka dung ha wal gdɔk nu pɛ Zuda, sanga nɛ lingia mɔ Edom dungɔ nɛ: Kabseel, Eder, Yagur,22Kina, Dimona, Adeada,23Kedes, Hasor, Itnan,24Zif, Telem, Bealot,25Hasor-Hadata, Keriot-Hesron, ka ɛ saa fin nde Hasor,26Amam, Sema, Molada,27Hasar-Gada, Hesemon, Bet-Pelet,28Hasar-Sual, Berseba nɛ hio le ndɔng ha pɛtɛa,29Baala, Iyim, Esem,30Eltolad, Kesil, Horma,31Siklag, Madmana, Sanesana,32Lebaot, Silim nɛ En-Rimon. Hio lea fɛt nɛ bhuze bwa zanga mɔrk gbala nar, nɛ hio bebe le fɛt ha pɛtɛa.33Hio le ka dung ha nanga ngari nɛ hio ɛ ndɔng: Esetaol, Sora, Asena,34Zanoa, En-Ganim, Tapua, Enam35Yarmut, Adulam, Soko, Azeka,36Saaraim, Aditaim, Gedera nɛ Gederotaim. Hio lea fɛt nɛ bhukɔ gbala nar, nɛ hio bebe le fɛt ha pɛtɛa.37Hio ma lea fin nɛ: Senan, Hadasa, Migdal-Gad,38Dilan, Mispe, Yokteel,39Lakis, Boskat, Eglon,40Kabon, Lahemas, Kitlis,41Gederot, Bet-Dagon, Naama nɛ Makeda. Hio lea fɛt nɛ bhukɔ zanga mɔrkɔ gbala ndang nɛ hio bebe le fɛt ha pɛtɛa.42Fin nɛ Libna, Eter, Asan,43Ifta, Asena, Nesib,44Keila, Akzib nɛ Maresa. Hio lea nɛ mɔrkɔ zanga nar nɛ hio bebe lea fɛt pɛtɛa.45Ɛ kpaa fin Ekron, hinɛ hio sɛkɛ-sɛkɛ bebe le nɛ hio bebe le fɛt ha pɛtɛa,46hio le nɛ hio bebe le fɛt ka zikoro Asdod ha soko Ekron nɛ gasa nana li tong mɔ Mediterane,47Asdod nɛ Gaza hinɛ hio sɛkɛ-sɛkɛ bebe le nɛ hio bebe le ha pɛtɛa, tee gboa gbang nɛ kolo mɔ Ezipte nɛ gboa gasa nana li tong mɔ Mediterane.48Hio le ka dung hazu ngari nɛ ɛ ndɔng: Samir, Yatir, Soko,49Dana, Kiriat-Sana, ka ɛ saa fin Debir,50Anab, Estemoa, Anim,51Gosen, Holon nɛ Gilo. Hio lea nɛ bhukɔ gbala ndang, nɛ hio bebe le fɛt ha pɛtɛa.52Hio ma lea dungɔ nɛ Arab, Ruma, Esan,53Yanum, Bet-Tapua, Afeka,54Humeta, Kiriat-Arba, ka ɛ saa fin nde Hebron, nɛ Sior, hio lea nɛ̂ mɔrkɔ zanga nar, nɛ hio bebe le fɛt ha pɛtɛa.55Hio ma lea nɛ Maon, Karmel, Zif, Yuta,56Yizreel, Yokdeam, Zanoa,57Kain, Gibea nɛ Timna hio lea nɛ bhukɔ gbala ndang nɛ hio bebe le fɛt ha pɛtɛa.58Ɛ kpaa fin Halul, Bet-Sur, Gedor,59Maarat, Bet-Anot nɛ Eltekone, tɛ gbosi hio lea nɛ mɔrkɔ zanga ndang, nɛ hio bebe le fɛt ha pɛtɛa,60mɛgi Kiriat-Baal, ka ɛ saa fin nde Kiriat-Yearim, nɛ Raba, tɛ gbosi hio lea nɛ bwa, nɛ hio bebe le fɛt ha pɛtɛa.61Hio le ka dung hazang kpɛnu nɛ hio ɛ ndɔng: Bet-Araba, Midin, Sekaka,62Nibesan, Ir-Mela nɛ En-Gedi tɛ gbosi hio lea nɛ mɔrkɔ zanga ndang, nɛ hio bebe le fɛt ha pɛtɛa.63Hio bezang pɛ Zuda kpaa wal mɔ yin hio wi mɔ Yebus na, ka ɔnu ha Zeruzalɛm, nɛ mbwa bhɔnaka ɔa sising fin hazang lea hinɛ hio wi mɔ Zuda.
The Seed Company