Yohanna21
1Kǝrsǝ ndaˈan Yesu nggǝrkan pǝnan fat kǝmsichiyan, ǝ kapa kufi Galili. Ə mbanɗi pǝɗǝn fatˈyan ya:2Siman Biturus, Toma. (Thla thlǝ ˈya fee wa wanmoɗata), Nataniyel thla ɓech ǝ Kaana yi hahi Galili, wanchi Zabadi, tǝ fowun kǝmsichǝ chap tandǝ mǝt arta.3Siman Biturus ndang kan tanda wa, “Nggǝta chi kǝ tǝmnda.” Ndang kanda wa, “Naˈan ɗǝta tǝ wechi.” Minni pǝɗakandǝ kǝ yimnda kǝ hur kombawaltaˈan, kǝɗu witiˈni kǝs wandǝ ǝna wa.4Led walwurta, Yesu thlar kan ha chichangnda, paɗ kǝmsichiyan sǝn wanda wa Yesu wa.5ˈYak Yesu tanda ndakan wa, “Shikechina yirfiyowunsǝ wa?”
“Auwa,” nggǝmndǝ nda.6Ndakan wa, “Mǝkam mapatˈɗan tǝ harsǝm i kombawal taˈan nowun mbǝs fowunna.” Kǝ chikandǝ kǝdu, mbahǝn wandǝ kahandǝ kombawal taˈan wa, kǝthlǝm tertǝ yirǝfchǝɗi nech huran.7Kǝn kǝmsiɗi yahtǝ Yesu kaan ndandǝ Biturus wa, “Thleya Thlǝwira niya.” Kǝ sǝkkǝ Siman Biturus anchi ndatǝn wa, “Thleya Thlǝwirniya.” Tǝrkan kapatˈyan kǝn kan kǝ filˈyan (Kǝthǝm choh kǝtanchǝ ha, hǝmkan kǝ hur ˈyaman).8Parak takǝt kǝmsichaˈan anchi tǝ kombawaltaˈan, tandǝ kah yirǝfchǝ heet hur mapaɗan. Kǝthlǝm langgǝ ndǝ ha tǝ chǝchanda wa nechan nat kǝɗ ɗǝf sartǝ aruˈ.9Kǝ chekanda nakan ndǝ waɗi njaˈ tǝ fee tǝ chalwata kǝsta, nakandǝ yirfa ɗaran tǝ njohǝma ǝ minni.10Nda ndak Yesu wa, “Ɓamatǝn fowun yirǝfcha hur thla kǝstǝwun nakanya.”11Kǝthlǝm ndaˈan Siman Biturus nggǝrkan kǝ hur kombawal taˈan. Kaɓankan mapaɗan kǝ mii chichangnda heet tǝ paktǝ yirifcha, aruˈ arta tǝ kumchit ɗǝrman nggǝrsǝ mahkan. Chika nakan terchanda, ɗahwu mapaɗan kaɗ wa.12Mbuˈan ndak Yesu wa, “Ɓama kǝ sǝmwun ɗǝsǝmǝn walwurta.” Yowunsi hur kǝmsichaˈan ˈyan mbahǝchǝ chihandǝ wa, “Wun nako wa?” Sǝnda wa mǝthlan Thlǝwira Yesu.13Ɓak Yesu, tǝrkan njohǝman fǝrankan tanda, chikan kǝɗu paɗ tǝ yirfan.14Thleya nech kǝ mahkaan pǝn fati Yesu kǝmɗi kǝmsichiˈyan, kǝrsǝ thlaˈtiyan hur mǝmatecha.15Kǝrsǝ tǝɓandǝ sǝm ɗǝsǝmǝn walwurta, ndang kǝ Yesu Siman Biturus wa, “Siman waˈi Yohanna, mbireen fee ya ha tǝ mbǝnfa nenchi wa?”
Nggǝman kan ndakan wa, “Aa, Thlǝwira, shinin wa yahinchi wechi.”
Ndang kǝ Yesu wa, “Paro wan chohrechinchi.”16Nggǝr kǝ Yesu chihanda yi chapataˈan ndat wa, “Siman waˈi Yohanna, thlǝ mbǝnchofa nenchi wa?”
Nggǝman kan wa, “Aa, Thlǝwira shinin wa yahinchi wechi.”
Ndak Yesu wa, “Paro chohrechinchi.”17Yi mahkan nan ndang kan wa, “Siman waˈi Yohanna, yehin nenchi wa?”
Sǝɓ kǝ hwiri Biturus kaɗi ǝ mbuˈti ini yi mahkanan ndandǝn yuwa, “Yehin nenchi wa?” Ndakan wa, “Thlǝwira, shinin chika mǝ nat; Shinin wa yahinchi wechi.”
Ndak Yesu wa, “Paro chohrechinchi.18Kittaˈan nggǝt mbuˈuta, ǝ kimshektiyo, no kwasandǝ indiyo kǝ pǝɗen kǝ mǝɗi yahtusi. Kǝɗu ma sherin kaɗi no panandǝ harchiyo ha, paɗ yowun samǝn nech kwasuta, paɗ kǝ ɗǝ tǝ wechi kǝ mǝɗi yah waktu ɗǝta.”19Ndech Yesu kǝɗu tǝn pǝn weˈtǝ mǝrtǝɗi naa Biturus chita, thla nech manaandǝ Farta. Kǝ tǝɓan kan mbuˈichiˈni kǝna ndandǝ wa, “Paro nenchi.”20Tǝɓǝr kǝ Biturus ha nakan kǝmsiɗi thlǝ mbǝndǝ Yesu faɗan yu mǝthlan para tandǝ kǝrsa. Thleya mǝthlan nech kǝ thla, tǝngngǝschi ha kafi Yesu, fartǝɗi natndǝ sǝm ɗǝsǝmǝn tathla farwita. Ndatǝn wa, “Thlǝwira wun nech fǝr wechi?”21Kǝ nak Biturus kǝmsiˈan, kǝɗu chihan kan Yesu wa, “Thlǝwira, mǝthlan kǝni?”22Nggǝman kǝ Yesu wa, “Ma ǝ yahinchisi kǝ tar ha, kǝ fartǝɗi nati ɓata, mǝ nech kǝ yu huran?”23Kǝthlǝm ndaˈan welkǝ shenuˈtiˈini ha hur wanmancha kǝ fǝ fǝr kit cha, tǝ ndat wa kǝmsiɗa nech mǝr wa. Kǝɗu Yesu mbuˈwa wa nan mǝrta wa. Ndechan wa, “Ma ǝ yahinchisi kǝ tar ha, kǝ fartǝɗi nati ɓata, mǝ nech kǝ yu huran?”24Thleya nech kǝ kǝmsiɗi sǝnchǝ ichiɗi si sǝɓcha, mǝthlan paɗ yaranchǝ ichiɗi ha ya. Sǝn mǝn wa sǝnɗi fǝrtǝn ɓi kǝ kit.25ǝtǝ Ichisi terchan thla thlǝnandǝ Yesu. Ma tǝn fee yarandǝ chik yen ha, chichan fǝ wa chika hur heshiɗiya nech mbahǝn tǝr ɗelwerchaˈan thla naa fee yarandǝ ha wa.
“Auwa,” nggǝmndǝ nda.6Ndakan wa, “Mǝkam mapatˈɗan tǝ harsǝm i kombawal taˈan nowun mbǝs fowunna.” Kǝ chikandǝ kǝdu, mbahǝn wandǝ kahandǝ kombawal taˈan wa, kǝthlǝm tertǝ yirǝfchǝɗi nech huran.7Kǝn kǝmsiɗi yahtǝ Yesu kaan ndandǝ Biturus wa, “Thleya Thlǝwira niya.” Kǝ sǝkkǝ Siman Biturus anchi ndatǝn wa, “Thleya Thlǝwirniya.” Tǝrkan kapatˈyan kǝn kan kǝ filˈyan (Kǝthǝm choh kǝtanchǝ ha, hǝmkan kǝ hur ˈyaman).8Parak takǝt kǝmsichaˈan anchi tǝ kombawaltaˈan, tandǝ kah yirǝfchǝ heet hur mapaɗan. Kǝthlǝm langgǝ ndǝ ha tǝ chǝchanda wa nechan nat kǝɗ ɗǝf sartǝ aruˈ.9Kǝ chekanda nakan ndǝ waɗi njaˈ tǝ fee tǝ chalwata kǝsta, nakandǝ yirfa ɗaran tǝ njohǝma ǝ minni.10Nda ndak Yesu wa, “Ɓamatǝn fowun yirǝfcha hur thla kǝstǝwun nakanya.”11Kǝthlǝm ndaˈan Siman Biturus nggǝrkan kǝ hur kombawal taˈan. Kaɓankan mapaɗan kǝ mii chichangnda heet tǝ paktǝ yirifcha, aruˈ arta tǝ kumchit ɗǝrman nggǝrsǝ mahkan. Chika nakan terchanda, ɗahwu mapaɗan kaɗ wa.12Mbuˈan ndak Yesu wa, “Ɓama kǝ sǝmwun ɗǝsǝmǝn walwurta.” Yowunsi hur kǝmsichaˈan ˈyan mbahǝchǝ chihandǝ wa, “Wun nako wa?” Sǝnda wa mǝthlan Thlǝwira Yesu.13Ɓak Yesu, tǝrkan njohǝman fǝrankan tanda, chikan kǝɗu paɗ tǝ yirfan.14Thleya nech kǝ mahkaan pǝn fati Yesu kǝmɗi kǝmsichiˈyan, kǝrsǝ thlaˈtiyan hur mǝmatecha.15Kǝrsǝ tǝɓandǝ sǝm ɗǝsǝmǝn walwurta, ndang kǝ Yesu Siman Biturus wa, “Siman waˈi Yohanna, mbireen fee ya ha tǝ mbǝnfa nenchi wa?”
Nggǝman kan ndakan wa, “Aa, Thlǝwira, shinin wa yahinchi wechi.”
Ndang kǝ Yesu wa, “Paro wan chohrechinchi.”16Nggǝr kǝ Yesu chihanda yi chapataˈan ndat wa, “Siman waˈi Yohanna, thlǝ mbǝnchofa nenchi wa?”
Nggǝman kan wa, “Aa, Thlǝwira shinin wa yahinchi wechi.”
Ndak Yesu wa, “Paro chohrechinchi.”17Yi mahkan nan ndang kan wa, “Siman waˈi Yohanna, yehin nenchi wa?”
Sǝɓ kǝ hwiri Biturus kaɗi ǝ mbuˈti ini yi mahkanan ndandǝn yuwa, “Yehin nenchi wa?” Ndakan wa, “Thlǝwira, shinin chika mǝ nat; Shinin wa yahinchi wechi.”
Ndak Yesu wa, “Paro chohrechinchi.18Kittaˈan nggǝt mbuˈuta, ǝ kimshektiyo, no kwasandǝ indiyo kǝ pǝɗen kǝ mǝɗi yahtusi. Kǝɗu ma sherin kaɗi no panandǝ harchiyo ha, paɗ yowun samǝn nech kwasuta, paɗ kǝ ɗǝ tǝ wechi kǝ mǝɗi yah waktu ɗǝta.”19Ndech Yesu kǝɗu tǝn pǝn weˈtǝ mǝrtǝɗi naa Biturus chita, thla nech manaandǝ Farta. Kǝ tǝɓan kan mbuˈichiˈni kǝna ndandǝ wa, “Paro nenchi.”20Tǝɓǝr kǝ Biturus ha nakan kǝmsiɗi thlǝ mbǝndǝ Yesu faɗan yu mǝthlan para tandǝ kǝrsa. Thleya mǝthlan nech kǝ thla, tǝngngǝschi ha kafi Yesu, fartǝɗi natndǝ sǝm ɗǝsǝmǝn tathla farwita. Ndatǝn wa, “Thlǝwira wun nech fǝr wechi?”21Kǝ nak Biturus kǝmsiˈan, kǝɗu chihan kan Yesu wa, “Thlǝwira, mǝthlan kǝni?”22Nggǝman kǝ Yesu wa, “Ma ǝ yahinchisi kǝ tar ha, kǝ fartǝɗi nati ɓata, mǝ nech kǝ yu huran?”23Kǝthlǝm ndaˈan welkǝ shenuˈtiˈini ha hur wanmancha kǝ fǝ fǝr kit cha, tǝ ndat wa kǝmsiɗa nech mǝr wa. Kǝɗu Yesu mbuˈwa wa nan mǝrta wa. Ndechan wa, “Ma ǝ yahinchisi kǝ tar ha, kǝ fartǝɗi nati ɓata, mǝ nech kǝ yu huran?”24Thleya nech kǝ kǝmsiɗi sǝnchǝ ichiɗi si sǝɓcha, mǝthlan paɗ yaranchǝ ichiɗi ha ya. Sǝn mǝn wa sǝnɗi fǝrtǝn ɓi kǝ kit.25ǝtǝ Ichisi terchan thla thlǝnandǝ Yesu. Ma tǝn fee yarandǝ chik yen ha, chichan fǝ wa chika hur heshiɗiya nech mbahǝn tǝr ɗelwerchaˈan thla naa fee yarandǝ ha wa.
The Seed Company