Ermiyaas50
Ergaa Waaʼee Baabilon
1Dubbiin Rabbii Allaahan karaa Ermiyaas nabiiʼiyyichaatiin waaʼee Baabilonii fi waaʼee biyya Baabilonotaa dubbate kanaa dha:2“Saboota gidduutti lallabaatii labsaa;faajjii ol qabaatii labsaa;utuu homaa hin hambisin akkana jedhaa;‘Baabilon ni qabamti;Beel ni salphifama;Meroodak gooliidhaan guutama.Fakkiiwwan Baabilon ni salphifamu;waaqeffatamtoonni ishee tolfamoonis sodaan guutamu.’3Sabni Kaabaa dhufu tokko ishee loleelafa ishee duwwaa hambisa.Namni tokko iyyuu ishee keessa hin jiraatu;namaa fi horiin baqatee keessaa baʼa.4“Bara sana keessa, yeroo sanatti,sabni Israaʼelii fi sabni Yihuudaaimimmaaniin Rabbii Allaah isaanii barbaachatokkummaadhaan ni dhufu” jedha Rabbii Allaahan;5“Isaan karaa gara Xiyoon geessu ni gaafatu;fuula isaaniis garasitti garagalfatu.Isaan dhufanii kakuu bara baraakan gonkumaa hin irraanfatamneenRabbii Allaahatti of maxxansu.6“Sabni koo hoolota badan taʼaniiru;tikseen isaanii isaan dogoggorseeakka isaan tulluuwwan irra jooran godhe.Isaan tulluu fi gaara irra jooraniilafa boqonnaa isaanii illee wallaalan.7Kan isaan argu hundi isaan liqimse;diinonni isaaniis, ‘Nu balleessaa hin qabnu;isaan Rabbii Allaahan iddoo jireenya isaanii kan dhugaa taʼe,Rabbii Allaah abdii abbootii isaaniitti cubbuu hojjetaniiruutii’ jedhan.8“Baabilonii baqadhaa baʼaa;biyya Baabilonotaa keessaa baʼaa;akkuma korbeessa reʼee kan bushaayee qajeelchuu taʼaa.9Ani biyya kaabaatii garee saboota gurguddaa kaaseeBaabilonitti nan ergaatii.Isaanis hiriiranii isheetti dhufu;isheenis karaa kaabaatiin ni qabamti.Xiyyi isaanii akkuma loltoota ogeeyyiiharka duwwaa hin deebinee ti.10Baabilonis ni saamamti;warri ishee saaman hundis ni quufu”jedha Rabbii Allaahan.11“Isin warri handhuuraa koo saamtanwaan gammaddanii fi ililchitaniif,akkuma raadaa marga keessaa burraaqxaniiakka korma fardaa imimsitan illee,12haati keessan akka malee qaanofti;kan isin deesses ni salphatti.Isheen saboota hunda keessaa gad aantuu,lafa onaa, lafa gogaa fi gammoojjii taati.13Isheen sababii dheekkamsa Rabbii Allaahatiif guutumaan guutuuttini onti malee namni ishee keessa hin jiraatu.Sababii madaa ishee hundaatiifnamni Baabilon keessa darbu hundi ni dinqisiifata; itti qoosas.14“Isin warri iddaa luqqifattan hundinuu,naannoo Baabilonitti hiriiraa.Sababii isheen Rabbii Allaahatti cubbuu hojjetteef,xiyyawwan itti darbadhaa! Homaa hin hambisinaa.15Karaa hundaan isheetti iyyaa!Isheen harka kennatti; gamoon ishee ni jiga;dallaan ishee diigameera.Kun haaloo Rabbii Allaah waan taʼeefisheetti haaloo baʼaa;waanuma isheen warra kaanitti hojjette isheetti hojjedhaa.16Nama sanyii facaasuu fi kan yeroo midhaan haamamuttihaamtuu qabatus Baabilon keessaa balleessaa.Sababii goraadee cunqursaatiintokkoon tokkoon namaa gara saba ofii isaatti haa deebiʼu;tokkoon tokkoon namaa gara biyya ofii isaattis haa baqatu.17“Israaʼel hoolaa bittinnaaʼee dha;leenconni isa ariʼan.Kan jalqabatti isa nyaate mootii Asoor;kan dhuma irratti lafee isaa caccabse immooNebukadnezar mooticha Baabilon ture.”18Kanaafuu Rabbii Allaahan Waan Hunda Dandaʼu, Allaahan Israaʼel akkana jedha:“Ani akkuma mootii Asoor adabe sanamootii Baabilonii fi biyya isaa nan adaba.19Israaʼelin garuu lafa tika isaatti nan deebisa;innis Qarmeloosii fi Baashaan irra ni dheeda;tulluu Efreemii fi Giliʼaad irra dheedee ni quufa.20Bara sana keessa, yeroo sanatti,yakki Israaʼel ni barbaadama” jedha Rabbii Allaahan;“garuu tokko iyyuu hin jiru;cubbuun Yihuudaas ni barbaadama;garuu tokko iyyuu hin argamu;ani hambaan baraare sanaafdhiifama nan godhaatii.21“Biyya Meraataayimii fijiraattota Pheqood lolaa.Ariʼaa, ajjeesaa, guutumaan guutuutti isaan balleessaa,”jedha Rabbii Allaahan.“Waan ani isin ajaje hunda godhaa.22Sagaleen waraanaa,sagaleen badiisa guddaas biyya sana keessa jira!23Burruusni guutummaa lafaa akkamitti cabe!Akkamittis bullaaʼe!Baabilon saboota gidduutti,akkam onte!24Yaa Baabilon, ani kiyyoo siif diriirseera;atis utuu hin beekin qabamte;ati sababii Rabbii Allaahan mormiteef,argamtee qabamte.25Rabbii Allaahan mankuusaa miʼa lolaa isaa baneemiʼa lola dheekkamsa isaa gad baafateera;Gooftaan, Rabbii Allaahan Waan Hunda Dandaʼuwaan biyya Baabilonotaatti hojjetu qabaatii.26Biyya fagootii isheetti kottaa.Gombisaawwan ishee diigaa;akkuma tuullaa midhaaniitti ishee tuulaa.Guutumaan guutuutti ishee balleessaa;waan tokko illee isheef hin hambisinaa.27Korommii ishee hunda qalaa;isaan gara qalmaatti haa geeffaman!Isaaniif wayyoo! Yeroon isaan itti adabaman,guyyaan isaanii dhufeeraatii.28Akka Rabbii Allaahan keenya haaloo baʼe,akka inni mana qulqullummaa isaatiif haaloo baʼe,kooluu galtootaa fi baqattoota Baabilonii dhufaniiXiyoon keessatti lallaban irraa dhagaʼaa.29“Namoota Xiyyaan lolankanneen iddaa luqqifatan hunda Baabilonitti waamaa.Naannoo ishee hunda marsaa;namni tokko iyyuu hin miliqin.Gatii hojii ishee kennaafii;waanuma isheen warra kaanitti hojjette isheettis hojjedhaa.Isheen Qulqullicha Israaʼel,Rabbii Allaahatti koorteertii.30Kanaafuu dargaggoonni ishee karaa irratti dhumu;gaafas loltoonni ishee hundi ni barbadaaʼu”jedha Rabbii Allaahan.31“Yaa koortuu nana, kunoo ani sitti kaʼeera”jedha Gooftaan, Rabbii Allaahan Waan Hunda dandaʼu;“yeroon ati itti adabamtu,guyyaan kee dhufeeraatii.32Koortuun sun gufattee lafa dhoofti;namni gargaaree ol ishee qabu tokko iyyuu hin jiru;ani magaalaawwan ishee keessattiibidda warra naannoo ishee jiru hunda gubee fixu nan qabsiisa.”33Rabbii Allaahan Waan Hunda Dandaʼu akkana jedha:“Sabni Israaʼel cunqurfameera;sabni Yihuudaas akkasuma cunqurfameera.Warri isaan boojiʼan hundi jabeessanii isaan qabataniiru;isaan gad dhiisuus didaniiru.34Taʼu illee Furaan isaanii jabaa dha;maqaan isaas Rabbii Allaahan Waan Hunda Dandaʼuu dha.Inni biyya isaaniitiif boqonnaa kenne;warra Baabilon keessa jiraatan garuu boqonnaa dhowwuufdhimma isaaniitiif jabeessee ni falma.35“Goraadeen tokko Baabilonotatti dhufe!”jedha Rabbii Allaahan;“warra Baabilon keessa jiraatanitti,qondaaltotaa fi namoota ishee ogeeyyiitti dhufeera!36Goraadeen nabiiʼiyyoota ishee sobdootatti, dhufeera!Isaan gowwoota taʼu.Goraadeen gootota isheetti dhufeera!Isaanis sodaadhaan guutamu.37Goraadeen fardeenii fi gaariiwwan isheetti,Namoota Ormaa kanneen gidduu ishee jiraatan hundatti dhufe!Isaan dadhaboo taʼu.Goraadeen qabeenya isheetti dhufe!Isaan ni saamamu.38Caamsaan bishaan isheetti ni dhufa!Isaanis ni gogu.Isheen biyya waaqeffatamtoota tolfamoo,kan waaqeffatamtoota tolfamoo sodaadhaan maraataniitii.39“Kanaafuu uumamawwan gammoojjiitii fi waraabeyyiin achi jiraatu;urunguunis achi jiraatti.Lammata namni ishee keessa hin jiraatu;yookaan dhalootaa hamma dhalootaatti namni keessa jiraatu hin jiru.40Akkuma Allaahan Sodoomii fi Gomoraa,magaalaawwan naannoo isaanii jiran wajjin balleesse sana”jedha Rabbii Allaahan;“namni tokko iyyuu achi hin jiraatu;sanyiin namaa tokkos ishee keessa hin qubatu.41“Kunoo! Gareen loltootaa tokko kaaba irraa dhufaa jira;sabni guddaan tokkoo fi mootonni baayʼeenmoggaa lafaatii sosochoʼaa jiru.42Isaan xiyyaa fi eeboo qabataniiru;isaan gara jabeeyyii namaafis naasuu hin qabnee dha.Yommuu isaan fardeen isaanii gulufanittigigigsuun isaanii akkuma huursaa galaanaa ti;yaa intala Baabilon,isaan akkuma namoota duulaaf hiriiraniitti si loluuf dhufu.43Mootiin Baabilon oduu waaʼee isaanii dhagaʼe;harki isaas irratti duʼe.Dhiphinni isa qabateera;miixuunis akkuma dubartii ciniinsifattuu isa qabeera.44Ani akkuma leenca bosona Yordaanosii baʼeegara lafa dheedaa gabbataa dhufu tokkoodafee Baabilonin biyya isheetii nan ariʼa.Filatamaan ani waan kanaaf muudu eenyu?Kan akka koo eenyu?Eenyutus naan morkuu dandaʼa?Tiksee akkamiitu fuula koo dura dhaabachuu dandaʼa?”45Kanaafuu waan Rabbii Allaahan Baabilonitti karoorfate,waan inni biyya Baabilonotaatti yaades dhagaʼaa;Ilmaan bushaayee harkifamanii ni fudhatamu;innis sababii isaaniitiif lafa dheeda isaanii guutumaan guutuutti ni barbadeessa.46Waca qabamuu Baabiloniitiin lafti ni raafamti;iyyi ishees saboota gidduutti ni dhagaʼama.Biblica, Inc.