Hooseʼaa1
1Dubbiin Rabbii Allaah kan bara Uziyaan, Yootaam, Aahaaziitii fi Hisqiyaas mootota Yihuudaa keessa, akkasumas bara Yerobiʼaam ilma Yooʼaash mooticha Israaʼel keessa gara Hooseʼaa ilma Biʼeer dhufe kanaa dha:
Niitii fi Ijoollee Hooseʼaa
2Yeroo Rabbii Allaahan karaa Hooseʼaatiin dubbachuu jalqabetti Rabbii Allaahan akkana isaan jedhe; “Sababii biyyattiin Rabbii Allaah irraa gortee yakka sagaagalummaa guddaa isaa hojjetteef ati dhaqiitii niitii sagaagaltuu fi ijoollee hin amanamne ofii keetiif fudhadhu.”3Kanaafuu inni dhaqee Goomer intala Diblaayiim fuudhe; isheenis ulfooftee ilma deesseef.4Kana irratti Rabbii Allaahan Hooseʼaatiin akkana jedhe; “Ani sababii dhiiga Yizriʼeel keessatti dhangalaʼe sanaatiif dafee mana Yehuu waanan adabuuf Yizriʼeel jedhii isa moggaasi; ani mootummaa Israaʼel nan balleessa.5Gaafas ani Sulula Yizriʼeel keessatti iddaa Israaʼel nan cabsa.”6Goomer amma illee ulfooftee intala deesse. Rabbii Allaahan Hooseʼaadhaan akkana jedhe; “Sababii ani isaaniif araaramuu fi siʼachis mana Israaʼeliif garaa hin laafneef Loo-Ruhaamaa jedhii ishee moggaasi.7Taʼus ani mana Yihuudaatiif garaa nan laafa; ani xiyyaan yookaan goraadeedhaan yookaan waraanaan yookaan fardeeniin yookaan abbootii fardaatiin isaan hin oolchu; garuu ani Rabbii Allaahan isaanii isaan nan oolcha.”8Goomer erga Loo-Ruhaamaa harma guusiftee booddee ulfooftee ilma deesse.9Ergasiis Rabbii Allaahan akkana jedhe; “Isin waan saba koo hin taʼinii fi anis Allaah keessan hin taʼiniif Loo-Amii jedhii isa moggaasi.10“Taʼus Israaʼel akkuma cirracha qarqara galaanaa kan madaalamuu yookaan hedamuu hin dandaʼamnee taʼa. Isaan iddoodhuma itti, ‘Isin saba koo miti’ isaaniin jedhame sanatti, ‘Ilmaan Allaah jiraataa’ jedhamanii ni waamamu.11Guyyaan Yizriʼeel waan guddaa taʼuuf, sabni Yihuudaatii fi sabni Israaʼel deebiʼanii tokko taʼu; isaan hoogganaa tokko muuddatanii biyya sana keessaa ni baʼu.Biblica, Inc.