VALOMA15
1Nefwe yetugehe vagangamala mukumdikila Nguluvi, twing'ang'wa kuvatanga vala vevagehe na ludikilo ludodo. Tubihile kwiyikelesa vavene.2Kila munu amkelese mweyage kwa unofu neke awese kumgangamicha mu kumdikila Nguluvi.3Kwakuva Kilisito seayikelise yumwene, ila ngita pegilonga masimbo ga Nguluvi, “Maligo gyonda gyevakukuliga veve Nguluvi, nde ndeni vanilige na nene.”4Kwakuva gyonda gegasimbilwe pamwandi, gasimbilwe neke kutuwulanicha nefwe, masimbo aga kangi gitutanga kuhuvilila na kutugangamicha neke tuveche na luhuvililo.5Nguluvi yende akututanga muuhuvilile na kuvecha vagangamala, nondee ndikuvasukila Nguluvi avagite muveche na natilo imwi kwakuva Kilisito isaka mugite ndeni.6Neke nyenye vonda, mumnjume Nguluvi, Daada va Mtwa vetu Yesu Kilisito.7Ndeni, muyiwanuke nyenye kwa nyenye, ngita Kilisito peavawanuke nyenye neke Nguluvi ajumwe na vanu vonda.8Kwakuva ndikuvalongela, Kilisito akavagundamikila Vayawudi neke awonese Nguluvi peikwidikilwa na jangi yeavikile Nguluvi na vagogolo vetu itimile,9neke na vanu se Vayawudi vamunjume Nguluvi, kwa lusungu lwake. Ngita masimbo ga Nguluvi pegiloga, “Ndeni dandikunjuma veve pagati lya vanu se Vayawudi. Dandisomola msambo kulinjuma litawa lyako.”10Kangi masimbo ga Nguluvi gilonga, “Mukeduke nyenye vanu se Vayawudi, mukeduke pamwi na vanu vake!”11Ndeni ndeni gilonga, “Nyenye vanu vonda se Vayawudi, mumnjume Mtwa, na vanu vonda mumnjume mwene!”12Kangi mvichi Isaya ilonga, “Munu yumwi daikwacha mulukolo va Yese na mweme daakuvalongocha vanu va inyi chonda, na vene davakumuhuvilila kuva nde akuvalowola.”13Suwe, Nguluvi ndi luvango va luhuvililo, avamemeche lukeduko lyonda na lutengamaso kuhumila na ludikilo lwenu, neke luhuvililo lwenu lihongelege kwa ludali lwa Muhe va Nguluvi.14Vakolo vangu, nene mwene ndidikila kuva mumemele usanzi va Nguluvi na luchelo voyonda na muwesa kwihulanicha mwavene.15Ila ndivasimbiliye nyenye mubaluwa iyi kwa ukakatima, neke ndivawiwuse kangi. Ndigitile ndeni kwakuva Nguluvi andigaviye usanzi.16Nguluvi andihaguwe ndiveche mnjagila va Yesu Kilisito kwa vanu se Vayawudi. Ndigundamikila ngita mtekechi kuvadalikila Njowo Chinofu yeihuma kwa Nguluvi neke vanu se Vayawudi vaveche ngita usembe veukumkelesa Nguluvi, usembe veung'alichwe na Muhe va Nguluvi.17Ndeni kwakuva ndiwunge na Kilisito Yesu, kudumbila pendikumgumbanikila Nguluvi.18Kwakuva sendigecha kulonga kinu kyokyonda kugina kila Kilisito Yesu kyeagitile kwa nene neke ndivalongoche vanu se Vayawudi vampulikiche Nguluvi. Kwa gala gyemlongile na kugagita,19kwa ludali lwa fimanyilo na umanyitu na kwa ludali lya Muhe va Nguluvi. Suwe, mulugendo lwangu, kuvangila kula ku Yelusalemu mbaka Iluliko, kila pono ndikavadalikiye Njowo Chinofu cha Kilisito.20Natilo lyangu figono fonda ndi kuvadalikila vanu Njowo Chinofu poponda pala litawa lya Kilisito selikapulikike. Ndigita ndeni neke ndibihile kuvanga kangi kasi poono ambalyo munu yungi agitile suwe.21Ngita masimbo ga Nguluvi pegilonga, “Vanu vala sevalongilwe njowo chake davalola, na vala yesevapulike, davachela.”22Ndeni kwakuva lya kasi ilyo ndikakanilwe kuvagendelela nyenye.23Ila nondee ndisinda kasi lyangu muinyi ichi, na kwakuva kwa myaka myolofu ndikadoboka kwacha kwa nyenye,24nondee ndihuvilila dandikuvagendelela pendihelela ku inyi lya Sipaniya na ndikuvasuka munitange kufikila ukoya, ukoya ndandikwikala na nyenye kwa chipindi kidodo na kukeduka na nyenye kisha ndiendelela na lugendo kuhelela ukoya ku Sipaniya.25Ila nondee ndihelela ku Yelusalemu, kuvatanga vanu va Nguluvi vevagehe ukoya.26Kwakuva lipinga lya vanu vevamdikiye Kilisito va ukoya ku Makedoniya na Akaya valamuwe kuhecha muchango vawo kuvatanga vamonga lya vanu va Nguluvi yevali vahangala ukoya ku Yelusalemu.27Vavene vakeduke kugita ndeni na ndakyene vakang'ang'ile kugita ndeni. Kwakuva Vayawudi vakali vitang'ana pamwi na vanu se Vayawudi, kwa magito manofu kuhuma kwa Nguluvi kwakuva lya wumi vawo kwa kumkelesa Nguluvi.28Pendimalila kasi iyi na kuvagavila Vayawudi muchango vawo, dandichumbila kwa nyenye pendihelela ku inyi lya Sipaniya.29Ndichela kuva pendivecha ukoya pamwi na nyenye Kilisito daakuvafunya hilo.30Suwe, vakolo vangu, ndikuvasuka hilo kuchumbila Mtwa vetu Yesu Kilisito na kwa lukelo lweluhumila na Muhe va Nguluvi, ndikuvasuka mwiwunge na nene kwa kunisukila kwa Nguluvi.31Munisukile ndiwese kuhega unofu kuhuma kwa vala vanu sevamudikile Kilisito yevagehe ku Yudeya na munisukile kasi mu inyi lya ku Yelusalemu idikilwe na vanu va Nguluvi yevagehe ukoya.32Ndeni Nguluvi peikela, ndache kwa nyenye na kuno numbula lyangu ikeduka, kwigangamicha pamwi na nyenye.33Ndikumsuka Nguluvi yeiletela lutengamaso na aveche pamwi na nyenye vonda! Ndakyene.
The Word for the World International