VALOMA13
1Kila munu avapulikiche vevakuvalongecha, kwakuva umwimike vonda uhuma kwa Nguluvi na vala vevilongocha nondee vavikilwe na Nguluvi.2Munu yeyonda yeipinja ulongochi apinja lulagilicho lwa Nguluvi na vala yevagita ndeni davahigwa.3Kwakuva vanu vevagita manofu sevavakogopa vanu vevakuvalongocha, ila vala vevagita manjanganifu nde vevakuvakogopa vanu vevakuvalongocha. Ngita wikela ubihile kuvakogopa vene umwimike, gite ganofu na davakunjuma.4Kwakuva vene nde vanjagila va Nguluvi, figita kasi ngajila lya kuvatanga nyenye. Ila pemwigita manjanganifu, muvakogope kwakuva viwesa kuvatova. Vene ndi vanjagila va Nguluvi na viwonesa luvipo lwake kwa vala vevigita manjanganifu.5Ndeni, mwing'ang'wa kuvapulikicha vanu vevakuvalongocha, sekwakuva mwimkogopa Nguluvi, ila kwakuva mwichela mwing'ang'wa kugita ndena.6Nde kwakuva nyenye mwihomba kodi, kwakuva vene vakumgumbanikila Nguluvi na viyihechile kwakuva lya kumgundamikila mwene.7Mumuhombe kila munu kyeking'ang'wa kuhombwa munu va kuhombwa usulu na mumuhombe usulu, vakuhombwa kodi na mumuhombe kodi, yeang'ang'wa kuginywa mugavile uginyange.8Mubihile kuvecha na lideni kwa munu yeyonda, ila muveche na lideni lya kukelana. Yeakumkela mweyage, daivecha aidikile malagilicho ga Musa.9Malagilicho ndi aga, “Bihile kugita ugoni, bihile kudocha, bihile kuhicha, bihile kudobokela finu fya mweyago.” Na chingi chonda, chivikilwe pamwi mulilagilicho ili limwi, “Mkele mweyago ngita pewiyikela yumwene.”10Munu peakumkela mweyage se akumgitila manjanganifu, ila munu peakumkela mweyage itimisa lagilicho.11Mwigite ndeni, kwakuva mwichela chipindi cha kuhuma mutulo kifikile, kwakuva nondee, ulowa vetu ugehe pepi hilo kuhuma petuvangile kumdikila Yesu.12Pamiye ugehe pepi kumala na pamunyi ugehe pepi kumala. Ndeni, tubihile kugita manjanganifu ga kisi na tugite manofu ga welu.13Figono fyonda mwikale kwa uginyange ngita peing'ang'wa kwakuva tukwikala muwelu, sekwa lihungu njanganifu lya kuliya hilo na kugala, sekwa uhafu na ugoni awu kwa ndewo na wifu.14Ila muveche ngita Kilisito Yesu, baho muchileke kuchikovekela ludobokelo cha mvili na kugita ludobokelo cha sambi.
The Word for the World International