Vabulaniya13
1Mwendelele kukelana ngita peing'ang'wa kwa vanu vevamudikile Kilisito.2Mubihile kusemuwa kuvawanuka vagenji mukaye lyenu, kwa kugita ndena vanu vangi vapatile kuvawanuka vandumindumi va kuluhanao kwa Nguluvi ngajila kuchela.3Muvawiwuke vala vevawopilwe ngita fila muwopilwe navo. Muvaviwuke vala vevigudiswa ngita ndeni na nyenye mwiguda ngita vawo.4Ndova, ying'ang'wa kuginywa na vanu vonda, mgosi na mdala vabihile kuvasa na vanu vangi. Nguluvi daakuvahiga vagoni na vapeji.5Mubihile kudoboka sendi, mugwite na finu fyemnafyo. Kwakuva Nguluvi akalongile, “Sendikuleka ng'odo vala sendikutaga ng'odo.”6Ndeni, nde kwakuva tuwesa kulonga ngajila uogofi, “Mtwa nde yeakunitanga, sendikogopa. Wuli munu akunigita liki?”7Muvawiwuke filongosi venu vevawulaniche luchowo lwa Nguluvi. Muvawiwuke pevakalile na pevafuwe, mwiwane navo pevavamudikiye Nguluvi.8Yesu Kilisito ndi yula yula, golo na neng'uli na mbepali.9Mubihile kunyamuliwa na mawulanicho gangi gegakuvagita muhelele kuno na kuno. Kwakuva, numbula chenu ching'ang'wa chigangamalichwe kwa usanzi va Nguluvi, sekukolela malagilicho gya fyakuliya, kwakuva malagilicho ago segavatangile vala vanu vevafwatile.10Nefwe tugehe na kindangavala kya kumgundamikila Nguluvi, mumo vala vatekechi vevigita kasi mukyama lya kutang'anila Vayawudi, seving'ang'wa kuliya usembe veuhechilwe.11Mtekechi mkomi isindika danda lya vang'oko mupono pang'alile hilo na kuihecha ngita litambiko kwakuva lya sambi, ila wuchi va vang'oko avo unyanywa kwivala lya kambi.12Nde kwakuva, Yesu akagudile na kufuwa kwivala lya mwani neke avang'aliche vanu kwa danda lyake yumwene.13Suwe, tumuheleliye kwivala lya kambi, tukaligwe ngita pealigilwe mwene.14Kwakuva baha painyi twihela mwani vewikala mbepali, ila tukuuchindila wula weukwacha.15Suwe, kuchumbila Yesu, tumuhechele Nguluvi litambiko lya kumnjuma mbepali. Kwakuva Njowo chetu cha kujma litawa lyake nde ngita tambiko vetu ve tukumuhechela.16Muendelele kutanga vayenu kwa finu fyemunafyo, mukigita ndeni, nde litambiko lyelikumkelesa Nguluvi.17Muvapulikiche filongochi venu na kukolela geakuvalagilicha, vao vakwihecha kwajili lyenu ngajila kutulula na ving'ang'wa kuhumulila kasi lyao pautalo lya Nguluvi. Pemukuvapulikicha davigita kasi chawo kwa lukeduko, ngita dasemukuvapulikicha davigita kasi chawo kwa kusugwima, ndeni lukani ulo daselikuvatanga nyenye.18Mutusukile kwa Nguluvi. Ndakyene tuchela kuva numbula chetu sechituwonesa kuva tukosiye, kwakuva twigangamala kugita gegagehe manofu kwa vanu vonda.19Ndikuvasuka hilo, munisukile neke Nguluvi andiwuyise kwa nyenye kisato.20Nguluvi yeamchulubuche Mtwa vetu Yesu Kilisito, mwene ndi Mtekechi Mkomi va kondolo, kwakuva kwa kusukula danda lyake yeiwonesa lyagano lya kigono kyonda ndi lya undakyene,21Nguluvi avagavile ludali lwa kugita geakukela Nguluvi. Kangi, agite munumbula chenu makani gyonda gegikumkelesa, kwa ng'asi lya Yesu Kilisito. Mwene anjumwe figono fyonda fyefihela mwiso. Ndakyene.22Vakolo vangu, ndikuvasuka hilo muveche mukugafwatila njowo ichi cha kuvagangamicha numbula, ambagyo gendisimbile mubaluwa iyi kwa udodo.23Ndisaka muchele kuva mkolo vetu Timoteo ahechiliwe kuhuma mukihopo. Ngita daikwacha kwa nene kisatu, suwe dandikwacha na mwene kuvalola.24Muvahungile filongochi venu vonda pamwi na vanu vevemudikiye Kilisito! Vanu vevamudikiye Kilisito va inyi lya Italiya vakuvahungila.25Tukumsukila Nguluvi aendelele kuvagavila usangi vake nyenye vonda.
The Word for the World International