Vaefesu6
1Nyenye vana muvadikile valelo venu ngita peing'angwa kwa vanu vevamwidikile Kilisito, kwakuva kwa kugita ndeni kukumkelesa Nguluvi.2Malagilicho ga Nguluvi gilonga, “Muvapulikiche daada na maye vako,” Iyi ndi lulagilicho lya kwanja leligehe na jangila,3neke, “Uveche na lufunyo na kwikala myaka myolofu muinyi.”4Na nyenye vadaada mubihile kuvavipicha vana venu, ila muvalele muuginyange na muvawulaniche gya Kilisito.5Nyenye vasutu muvapulikiche vakomi venu baha muinyi kwa uginyange na kuvadikila mugite ndeni kwa numbula yonda, ngita pemukumpulikicha Kilisito.6Mubihile kuvagitila unofo chipindi avo vakomi pekuvalola, neke vavanjume. Ila mveche mkuvagitila ngita vanyingendwa va Kilisito, mgite kwa numbula lyonda ngita peing'ang'a Nguluvi.7Mugite kasi chenu kwa numbula yonda, ngita fila mu kumgitila kasi Mtwa na sevanu.8Mwiwiwuke kuva kila munu yeigita manofu, aveche vasutu awu sevasutu, daiwanuka fupo lyake kuhuma kwa Mtwa.9Na nyenye vakomi, muvagitile unofu vasutu venu na mbihile kuvaogofya. Muwiwuke kuva nyenye ndeni ndeni ngita vawo, mugehe na Mtwa yulayula va kuluhano na mwene seigita kwaumwilila.10Ndeni, ndikuvang'ang'ila muveche vakangafu kwa kwiwunga na Mtwa na kwa kutangwa na ludali vake ngomi.11Mufwale fyalukilo fyonda fya kwitovela fyeavagavile Nguluvi neke muveche kuchipinja natilo njanganifu cha Setani.12Setukwitova na vanu, ila tukwitova na vatavala na mahoka gyegitavala na gyegigehe na ludali lya kila ayina muinyi iyi na mahoka gegitavala kisi muinyi lya vanu vevafuwe.13Ndena mufwale fyalukilo fyonda fya Ngulivi, neke muwese kwitova mukigono kya uwofu dakikwacha. Na dapemsindile fita mwendelele kuvecha vakangafu.14Suwe, mwime ukangafu, undakyene va Nguluvi, uveche ngita fila mpuga peyivopa lufunga mukigudi kuyivika unofu neke awese kutovana fita. Kangi, ngita fila mpuga peifwala ngao mukihafu neke ayidime na misale na migoha mufita, ndeni ndeni na nyenye mung'ang'wa muveche na kyanda kinofu neke muyidime na Setani,15na ludoboko lya kudalika Njowo Nofu lya lutengamaso iveche ngita makobasi mumagulu gyenu.16Figono fyonda kudikila kwa nyenye kuveche ngita ngawu mumawoko gyenu, ivagite muwese kuchima msale gya lyoto gya yula Setani.17Muwanuke ulowolo uveche ngita kofila lya kyuma na luchowo lwa Nguluvi ngita lipanga lyemugavilwa na Muhe va Nguluvi.18Muveche musuka figono fyonda, kwa masuko gogonda ngita Muhe va Nguluvi peakuvalongocha. Mulolele hilo kwakuva lya lukani ulo kila chipindi na mbihile kufwahila kuvasukila vanu vonda va Nguluvi.19Munisukile na nene neke pendiywanga Nguluvi anigavile kya kulonga, nivese kuvalongela vanu lupwepo lwa Njowo Nofu kwa ukakatima.20Nene nde mnanzi va Njowo Nofu na kasi iyo nde yeindigitile ndiwopwe. Munisukile neke ndiwese kudalika kwa ukakatima ngita peing'ang'wa.21Lukolo vetu, Tikiko yeakumgumbanikila Nguluvi unofu hilo, dakuvalongela njowo changu chonda neke muchele kyendikigita nondee.22Ndikumlagicha kwa nyenye neke avalongele njowo chetu neke avanamache.23Ndikumsukila kwa Nguluvi Daada na kuhuma kwa Mtwa Yesu Kilisito nyenye lukolo avagavile lutengamaso na lukelo na ludikilo.24Ndikumsuka Nguluvi aveche msanzi kwa nyenye vonda vemukumkela Mtwa vetu Yesu Kilisito kwa lukelo seuhela mwiso.
The Word for the World International