Magito6
1Mufigono ifyo, vadikila vakali vigina kuhongeleka, kukahumile mang'ung'unilo mugati lya vadikilwa veviywanga Kigiliki na vala veviywanga Kiebulania. Vala veviywanga Kigiliki vakang'ung'utile kuva vagane vawo visemwa kugavilwa fyakuliya kila kigono.2Vala vanjagila kumi na vavili vakavakemeliye vala vevamdikie Yesu, vakavalongie, “Se unofu nefwe tuleke kulanducha luchowo lya Nguluvi na kuvagavila kya kyakuliya.3Suwe lukololo vangu, muhagule vanu saba pagati lyenu yevali vanofu, vevamemile ludali lwa Nguluvi na vevali na unginyange na avo ndi tukuvagavila kasi lya kuvagava kyakula.4Na nefwe twikala figono fyonda kusuka na kuwulanicha luchowo lwa Nguluvi.”5Gala gyevalongile gagavakelise vanu vonda. Vakavahaguwe Sitefano, munu munya mbatwa ngomi na yeamemilwe Muhe va Nguluvi, Filipo na Pulokolo na Nikanoli na Timona na Palimena na Nikolayo va Anitiokia yeakali aokokile mudini lya Kiyawudi.6Vakavavikile palutalo lya vanjagila, navo vakavavikila mawoko na vakavasukie.7Luchowo lya Nguluvi likagina kulutala na vadikilwa ukoya ku Yelusalemu ikahongelike hilo na lipinga likomi lya vatekechi vakamdikie Yesu.8Nguluvi akamfunyile Sitefano na kumgavila ludali lwa kugita umunyitu na fimanyilo fikomi kwa vanu.9Vamonga va vanu vevahumile kaye lya kutang'anila Vayawudi yeikemelwe, “Kaye lya kutang'anila vanu hulu.” Vangi vahumile Kulene na Alekisandilia na vevahumile ku Kilikiya na mkowa va Asia, vakavangile kulumbana na Sitefano.10Ila sevawesile kumkana kwakuva lya unginyange lwake na kwakuva lya yula Muhe yamulongochile chipindi peilonga.11Suwe, vakavayovelela vanu vamonga neke valonge, “Tumpulikiche Sitefano njowo cha kumpinja Musa na ekumliga Nguluvi.”12Kwa njowo icho vakavalongela vanu na vagogolo na vawulanichi va malagilicho. Navo vakamweleliye Sitefano, vakambatile na kumsindika palutalo lya lidamo likomi lya Vayawudi.13Vakavaletile valola va udesi palutalo lya lidamo yevalongie, “Munu uyu seileka kulonga makani mawofu ku kaye baha lya Nguluvi na pakyanya lya malagilicho gya Musa.14Kwakuva tukampulikile akilongile kuva uyu Yesu va Nasaleti daitunyula Kaye lya Nguluvi na kutiligicha kutali malagilicho getugavilwe na Musa.”15Vanu vonda vevakali mula mulidamo vakamuhulutie meho Sitefano, vakauwene wuso vake uvechile ngita ndumindumi va kuluhano va Nguluvi.
The Word for the World International