Magito5
1Pakali na munu yumwi litawa lyake Anania, pamwi na mdala vake Safila, vakaguchile mgunda lyao.2Ila Anania na mdala vake vakapatine kufiya pono lya sendi chevapatile na kusindika pono lya sendi yeisigie kwa vanjagila.3Baho Peteli akamuhuchile, Anania wuli mlekile setani akwingie munumbula lyako na kukugita umchange Muhe va Nguluvi, kwakufiya sendi chingi cheuguchie mgunda vako?4Pewave kugucha mgunda ukali vako na peuguchile, sendi chikali chako, wuli ulamuwe kugita njowo ilyi? Veve seumchangile munu, ila umchangile Nguluvi?5Bahobaho Anania peapulike njowo icho, akague panyi afuwe. Vanu vonda vevapulike luchowo ilyo, vakaogwipe hilo.6Vadimi vakafikile, vakanyamuwe ligubiko vakaugubikile mvili vake, vakauhumicha kwivala na vakausila.7Pegachumbile ngita masaa gadatu, mdala vake seachelile njowo chochonda chechimuhumie mgosi vake, akaingie mugati.8Peteli akamhuchile, “Nilongele, wuli ichi sendi chonda chempatile pemguchile mgunda?” Safila akamhigile, “Ndakyene, nde chicho.”9Peteli akamuhuchile, “Wuli veve na mgosi vako mpatine kumchanga Muhe va Nguluvi va Mtwa? Pulike! Vala vanu vakahelele kumusila mgosi vako, nonde vegehe kwivala lya mlyangilo na vakukutegula na veve ndena”10Bahobaho Safila akague panyi pepi na magulu gya Peteli, akafuwa. Vala vadimi peviingie vakamwene afuwe, ifyo vakamuhumicha kwivala, vakahele kumusila pepi na mgosi vake.11Lipinga lyonda lya vanu vonda vevakali vakumdikila Yesu na vanu vonda vevapulike njowo chila vakaogwipe hilo.12Vanjagila vakagitile umanyitu na fimanyilo fyolofu pavanu. Vadikila vakali vatang'ana pamwi mulidamwa lya Solomoni.13Vanu yesevamwidikie Yesu vakali vakuvanjuma hilo. Hata ifyo kwihela ambalye akagelile kulongochana navo kwakuva vakaogwipe.14Hata ifyo vanu vevamwidikie Mtwa likahongeleke hilo vagosi kwa vadala.15Kuhumila na gala gyevagitile vanjagila, vanu vakali vakuvasindika vatamwa mung'asi na kuvagonecha paulili na pakitefu neke peichumba Peteli, linyigi lyake livachumbile mukyanya lyawo na kivananiche.16Vanu volofu vafikile kumwani lya mung'umbung'umbu lya ku Yelusalemu, vakavaletile vatamwa vawo na vala vakali na lihoka, navo vonda vakananichwe.17Baho mtekechi mkomi na vayage, vanu va lipinga lya Vasadukayo va pono pala, vakavawonela wifu vanjagila na vakalamule kuvakanila.18Vakavabatile vanjagila na kuvavika mukihopo.19Ila vakati va pamie ndumindumi va kuluhano kwa Nguluvi, achile na akadindue mlyangilo mkomi va mukihopo akavahumiche kwivala avalongie,20“Muhele na mukakwime ku Kaye lya Nguluvi, mkavalongie vanu njowo chonda cha wumi ugu umiya.”21Vanjagila vakadikile, vakaingile ku Kaye lya Nguluvi, nyolasagala, vakavanga kuvawulanicha vanu.
Mtekechi mkomi na vayage pevafikile, vekekung'ese mulidamo, pambele vakavalagilicha vadima va kihopo vavalete vala vanjagila kuhuma mukihopo.22Ila vala vapuga va Kaye lya Nguluvi pevafikile ukoya sevavawene. Vakawuyile muludamo kuvalongela njowo icho,23vakalonga, “Tuwene milyangilo gyonda mukihopo gidindilwe na vadima vakuudima milyangilo. Ila petudinduwe mlyangilo setumwene munu yeyonda mugati!”24Ila mkomi va vapuga va Kaye lya Nguluvi, filongochi na vatekechi vala pevapulike ago, vakasugwime hilo, vakahuchine namuna njowo dachivecha.25Munu yumwi akachile akavalongie, “Mpulikiche vala vanu vemvadindile mukihopo, nondee vakuvawulanicha vanu ukoya ku Kaye lya Nguluvi!”26Baho mkomi va vapuga va Kaye lya Nguluvi pamwi na vanu vake vakahele ku Kaye lya Nguluvi, vakavaletile mulidamo, ila sevatumile ludali kwakuva vakavaongwipe vanu ngavatova na maganga.27Vakavasindika vala vanjagila na vakavahimiche pautalo lwa ludamo. Mtekechi mkomi akavahuchile,28“Tukavakanile kuwulanicha kwa litawa lya munu uyu, nondee mlole kyemgitile mgalutiche mawulanicho gyenu ponda ku Yelusalemu na mukutuswitilicha nefwe kwa kufuwa kwa munu uyu.”29Peteli pamwi na vanjagila vangi vahigile, “Tung'ang'wa kumpulika Nguluvi na se kuvapulika vanu.30Nyenye mukamdochile Yesu kwa kumkong'olela mulipindilihicho ila Nguluvi va daada vetu amchulubuche.31Nguluvi amnamule na kumvika uginyange kuchumba vonda na kumgita aveche Mkomi na Mkombosi, neke aveche kuvagite vanu va Isilaeli vachileke sambi chawo na Nguluvi avalekele sambi chawo.32Nefwe tuchiwene njowo icho na Muhe va Nguluvi yeavagavile Nguluvi kwa vala yevakumpilika na mwene mlola va njowo icho.”33Vananzi vonda va mulidamo pevapulike ago, vakavavipie, vakalamuwe kuvadocha vanjagila.34Ila Mfalisayo yumwi litawa lyake Gamalieli, yeakali muwulanichi va malagilicho na yeanginywa hilo na vanu vonda, akaimile pautalo lya lila ludamo, akasakile vala vanjagila vahumichwe kwivala kwa muda mdodo.35Baho akavalongie vala vananzi va muludamo, “Vaisilaeli vayangu, mwilolele kinu kyemwisaka kuvagitila vanu ava!36Dahile ludodo, kukahumie munu yumwi litawa lyake Teuda, alongile mwene ndi munu mkomi na vanu mya chitai vakaungine nave. Ila akadochwa, baho vanu vake vakayaganika na kasi lyake ikasilile baho.37Pambele lyake kangi, chipindi cha kuvalilwa vanu, akahumile Yuda va ku Galilaya. Mwene akavakwega vanu vakamfuatila, ila na mwene fifila akadochwa na vapinga vake vakayaganika.38Nondee ndikuvalongela mu njowo ichi, mbihile kuvagita kinu kyokyonda vanu ava, muvaleke! Ngita njowo ichi chivangichwe na vanu na chiyaganika chene.39Ila ngita ivangichwe na Nguluvi, damuvesa hamu kuvakanila ila damvecha mukumpinga Nguluvi.”
Ludamo londa vedikie gyealongile Gamalieli.40Vakavakemela vala vanjagila, vakaswitilicha vatovwe ndomondo na kuvakanila vabihile kuwulanicha kangi kwa litwa lya Yesu, baho vakaleka vahele.41Vanjagila vakahumile kwivala lya lila ludamo kuno vikeduka hilo, kwakuva vakali ving'ang'wa kuhingwa kwajili lya litawa lya Yesu.42Sevalekile kuvawulanichila vanu na kuvadalikila Njowo Chinofu kuva Yesu ndi Kilisito. Vakaendelie kuwulanicha figono fyonda ku Kaye lya Nguluvi na ku kaye cha vanu.
Mtekechi mkomi na vayage pevafikile, vekekung'ese mulidamo, pambele vakavalagilicha vadima va kihopo vavalete vala vanjagila kuhuma mukihopo.22Ila vala vapuga va Kaye lya Nguluvi pevafikile ukoya sevavawene. Vakawuyile muludamo kuvalongela njowo icho,23vakalonga, “Tuwene milyangilo gyonda mukihopo gidindilwe na vadima vakuudima milyangilo. Ila petudinduwe mlyangilo setumwene munu yeyonda mugati!”24Ila mkomi va vapuga va Kaye lya Nguluvi, filongochi na vatekechi vala pevapulike ago, vakasugwime hilo, vakahuchine namuna njowo dachivecha.25Munu yumwi akachile akavalongie, “Mpulikiche vala vanu vemvadindile mukihopo, nondee vakuvawulanicha vanu ukoya ku Kaye lya Nguluvi!”26Baho mkomi va vapuga va Kaye lya Nguluvi pamwi na vanu vake vakahele ku Kaye lya Nguluvi, vakavaletile mulidamo, ila sevatumile ludali kwakuva vakavaongwipe vanu ngavatova na maganga.27Vakavasindika vala vanjagila na vakavahimiche pautalo lwa ludamo. Mtekechi mkomi akavahuchile,28“Tukavakanile kuwulanicha kwa litawa lya munu uyu, nondee mlole kyemgitile mgalutiche mawulanicho gyenu ponda ku Yelusalemu na mukutuswitilicha nefwe kwa kufuwa kwa munu uyu.”29Peteli pamwi na vanjagila vangi vahigile, “Tung'ang'wa kumpulika Nguluvi na se kuvapulika vanu.30Nyenye mukamdochile Yesu kwa kumkong'olela mulipindilihicho ila Nguluvi va daada vetu amchulubuche.31Nguluvi amnamule na kumvika uginyange kuchumba vonda na kumgita aveche Mkomi na Mkombosi, neke aveche kuvagite vanu va Isilaeli vachileke sambi chawo na Nguluvi avalekele sambi chawo.32Nefwe tuchiwene njowo icho na Muhe va Nguluvi yeavagavile Nguluvi kwa vala yevakumpilika na mwene mlola va njowo icho.”33Vananzi vonda va mulidamo pevapulike ago, vakavavipie, vakalamuwe kuvadocha vanjagila.34Ila Mfalisayo yumwi litawa lyake Gamalieli, yeakali muwulanichi va malagilicho na yeanginywa hilo na vanu vonda, akaimile pautalo lya lila ludamo, akasakile vala vanjagila vahumichwe kwivala kwa muda mdodo.35Baho akavalongie vala vananzi va muludamo, “Vaisilaeli vayangu, mwilolele kinu kyemwisaka kuvagitila vanu ava!36Dahile ludodo, kukahumie munu yumwi litawa lyake Teuda, alongile mwene ndi munu mkomi na vanu mya chitai vakaungine nave. Ila akadochwa, baho vanu vake vakayaganika na kasi lyake ikasilile baho.37Pambele lyake kangi, chipindi cha kuvalilwa vanu, akahumile Yuda va ku Galilaya. Mwene akavakwega vanu vakamfuatila, ila na mwene fifila akadochwa na vapinga vake vakayaganika.38Nondee ndikuvalongela mu njowo ichi, mbihile kuvagita kinu kyokyonda vanu ava, muvaleke! Ngita njowo ichi chivangichwe na vanu na chiyaganika chene.39Ila ngita ivangichwe na Nguluvi, damuvesa hamu kuvakanila ila damvecha mukumpinga Nguluvi.”
Ludamo londa vedikie gyealongile Gamalieli.40Vakavakemela vala vanjagila, vakaswitilicha vatovwe ndomondo na kuvakanila vabihile kuwulanicha kangi kwa litwa lya Yesu, baho vakaleka vahele.41Vanjagila vakahumile kwivala lya lila ludamo kuno vikeduka hilo, kwakuva vakali ving'ang'wa kuhingwa kwajili lya litawa lya Yesu.42Sevalekile kuvawulanichila vanu na kuvadalikila Njowo Chinofu kuva Yesu ndi Kilisito. Vakaendelie kuwulanicha figono fyonda ku Kaye lya Nguluvi na ku kaye cha vanu.
The Word for the World International