Magito14
1Ukoya Ikonio Paulo na Balinaba vakaingile mu kaye lya kufunyila Vayawudi ngita pevihongile. Ukoya vakadalika kwa ukakatima mkomi mbaka Vayawudi na vanu va inyi yingi vakamdikie Nguluvi.2Ila vala Vayawudi yevakanile kudikila, vakavayovela vanu se Vayawudi vavapinje avo vadikila.3Ifyo Paulo na Balinaba vakakalile ukoya kwa figono fyolofu vakidalika kwa ukakatima njowo cha Mtwa, nave Mtwa akavachelise usanzi vake, kwa kuvagavila umwimike va kugita kimanyilo na umunyitu.4Ila vanu va mwami ugo vakagawanikile, vangi vakwiwungile na Vayawudi na vangi vakwiwungile na vanjagila.5Vamonga lya vanu se Vayawudi na Vayawudi vakwiwungile na vamonga lya filongochi, vakagitile mupango va kuvagitila vanjagila unjanganifu na kuvatova maganga.6Vanjagila pevachele njowo icho, vakanyiliye ku Lisitila na Delibi ku kumwani va Likaoniya na pono cha pepi,7ukoya vakaendeliye kudalika Njowo Nofu.8Kukali na munu yumwi ukoya ku Lisitila yeakali mtenda kuhuma kubabwa na akali sewesile kugenda haa.9Munu uyu ampulikiche Paulo peakali akidalika. Paulo akamlolile akamwene analyo mbatwa lya kunanichwa,10Paulo akalongile kwa lichwi likomi, “Wime kwa magulu gyako!” Bahobaho yula munu akahimile kisato, akavangile kugenda.11Lila lipinga lya vanu pevalolile gyeagitile Paulo, vakabwatike kwa luga lya Kilikaoniya, vakalonga, “Valungulu vevagehe ngita mivili gya vanu gitukwikile!”12Vakamkemela Balinaba Seu na Paulo vakamkemela Helimesi, kwakuva Paulo akali kilongochi mkomi.13Mtekechi va kaye lya nguluvi Seu, lyelikali kwivala lya mwani, akasindika ng'ambako na malembecho gya uluva palutalo lya mlyango mkomi va ku mwani, mwene na lipinga lya vala vanu vakasakile kuvahechela usembe lya kunyanya vala vanjagila.14Ila vanjagila Paulo na Balinaba pevapulike njowo icho, vakademula myenda gyawo na kunyilila mu lipinga lya vanu, vakabwatike,15“Nyenye vanu wuli mwigita njowo ichi? Nefwe ndi vanu ngita nyenye hela. Tuvaletile Njowo Nofu, neke muchileke kufifunya fing'omong'omo na msedukile Nguluvi yeagehe uwumi, yeawumbile luhano na inyi na inyanza na fyonda fyefigehe.16Pamwandi Nguluvi akavalekile vanu se Vayawudi vendelee kugita gala gevikela.17Ila Nguluvi sealekile kuvawonisa mwene poyuli kwa kuvagitila manofu, kuvaletele ndonya kuhuma kuluhano neke muveche na mabenelo kwa chipindi chake, avagavile kyakula fyolofu na kuvamemicha ukeduka munumbula lyenu.”18Vanjagila vakawesile kulikanila lila lipinga libihele kuvahechela usembe ila seikali upefu kuvakanila kwa machowo gyawo.19Baho vamonga lya Vayawudi yevahumile Anitiokia na Ikonio, vakavagita vanu vaveche pamwi navo. Vakamtova Paulo kwa maganga, vakamkwega mbaka kwivala lya mwani, vakahochile afue.20Ila vadikila pevakekung'esile na kumchungutila, Paulo akalamwike na kuwuya ku mwani. Kigono kyekifuatile Paulo na Balinaba vakahele Delibi.21Paulo na Balinaba vakadalike Njowo Nofu mu mwani lwa Delibi na kuvagita volofu vamdikie Yesu. Baho vakawuyile ku mwani lwa Lisitila na Ikonio na Anitiokia inyi lya Siliya.22Vavagitile vachulila vakale unofu na kuvasuka vakale muudikilo. Vakavalongie, “Twing'ang'wa kuchumbila mu magudo gyolofu, neke twingile mu Ung'achale va Nguluvi.”23Vakahaguwe vavaha kuhuma mu kila lipinga lya vanu yevamdikie Kilisito pevamalile kumlumba Nguluvi na kwikala bila kuliya neke kuvavika panyi lya ulongochi va Nguluvi vevamdikie.24Baho vakachumbile mu inyi lya Pisidiya, vakafikile ku mwani lya Pamfiliya.25Pevamalile kudalika wula unanza ukoya ku mwani va Peliga, vakahele ku inyi lya Atalia.26Kuhuma ukoya vakang'ie wato vakawuyile mwani va Anitiokia, pono ambako pamwandi vakali vakavafunyile kwa kasi lya Nguluvi ambalyo nondee vakali vaimalile.27Pevafikile Anitokiya vakavakemela vevamdikie Nguluvi pamwi, vakamlongie gala Nguluvi gyeagitile pamwi navo na file kuvatanga vanu se Vayawudi vamdikie Kilisito.28Vakakalile pamwi na vala vevimdikie Yesu kwa figono fyolofu.
The Word for the World International