Yohani5
1Kila munu yeikwidikila kuva Yesu ndi Kilisito, uyo ndi mwana va Nguluvi. Kila yeakumkela daada humkela na mwana kangi.2Ndeni, twichela kuva tukuvakela vana va Nguluvi, kwa ng'asi lya kumkela Nguluvi na kukolela malagilicho gyake.3Kwakuva kumkela Nguluvi ndi kugakolela malagilicho gyake. Na malagilicho gyake se makangafu,4kwakuva kila yeagehe mwana va Nguluvi akuiwesa sambi cha muinyi. Ndeni sambi ichi tukuchiwesa kwa kudikila kwetu.5Wuli ndi ani yeiwesa kuchiwesa sambi cha muinyi? Ndi yula yeikwidikila kuva Yesu ndi Mwana va Nguluvi.6Nguluvi akatuchelise makani ga Yesu Kilisito kwa kubatiswa mumalenga na kwa kufuwa pakipindilihicho. Seachile kwa kubatisa kwa malenga ng'ani, ila kwa malenga na kwa danda. Mwene Muhe va Nguluvi nde undakyene ilonga makani ga Yesu Kilisito.7Suwe, vagehe vadatu vevakutugita tuchele kuva Yesu ahumile kwa Nguluvi,8Ave ndi Muhe na malenga na danda, ava vadatu vilonga lukani lulalula kuva Yesu ahumile kwa Nguluvi.9Tukuvadikila vanu pevilonga lukani lwa undakyenye, ila kila kyealonga Nguluvi ndi kikomi hilo. Ndeni nde Nguluvi peatulongie undakyene kutigila Mwana vake.10Kila munu yeakumwidikila Mwana va Nguluvi agehe na undakyene weakatulongie Nguluvi, ila vanu sevakumwidikila Nguluvi vakumgita mwene mdesi, kwakuva sevakudikila kila kyeakuvalongela Nguluvi kutigila Mwana vake.11Iki nde Nguluvi akatulongie, Nguluvi agatugavie wumi va figono fyonda na wumi ugo ugehe kwa Mwana.12Yeyonda yeagehe na Mwana va Nguluvi agehe na wumi ugo, yeihela Mwana va Nguluvi ihela na wumi.13Ndikuvasimbila muchele kuva mgehe na wumi va figono fyonda ngajila mwiso nyenye yemwikwidikila kwa litawa lya Mwana va Nguluvi.14Na nefwe tugehe vakakatima pautalo lya Nguluvi kwakuva tugehe na undakyene kuva petukumsuka kyokyonda kwa lukelo lwake akutugavila.15Nefwe tuchela kuva hutupulikicha petukumsuka kyokyonda, twichela kuva hutugavila gyonda getukumsuka.16Munu yoyonda peakumlola muyage agitile sambi yeseikumsindika mukufuwa, ing'ang'wa kumsukila kwa Nguluvi, Nguluvi akumgavila wumi munu uyo. Ndilonga njowo ichi kwa vala yevigita sambi ngita icho. Ila igehe sambi yeikumsindika munu mukufuwa na nene sendilonga kuva mng'ang'wa kumsuka Nguluvi kwa ajili iyo.17Kugita lukani lyoyonda yeseikumkelesa Nguluvi ndi sambi, ila igehe sambi yeseikumnenga munu na Nguluvi figono fyonda ngajila mwiso.18Twichele kuva kila yeagehe mwana va Nguluvi seigita sambi, kwakuva Mwana va Nguluvi humdima unofu na yula Setani seiwesa kumgitila lyolyonda.19Twichela kuva nefwe ndi va Nguluvi na vanu vangi vonda sevakumdikila Nguluvi vilongochwa na Setani.20Twichela kuva Mwana va Nguluvi achile, akatugavie luhala neke tumchele Nguluvi va undakyene, na nefwe tugehe na uumwi na Nguluvi va undakyene na muumwi na Mwana vake, Yesu Kilisito. Uyu nde Nguluvi va undakyene na wumi va figono fyonda ngajila mwiso.21Vana vangu, mwikale kutali na valungulu vangi!
The Word for the World International