Yohani4
1Suwe, vaganja vangu, mbihile kumwidikila kila munu yeilonga kuva agehe na Muhe va Nguluvi, ila muvalolose ngita munu uyo ilongochwa na Muhe va Nguluvi awu hamu, kwakuva vavichi volofu va udesi vahumie ku inyi.2Iyi nde ng'asi lya kuchela ngita munu ilongochwa na Muhe va Nguluvi, kila yeikwidikila kuva Kilisito achile, akali na muvili ngita munu, munu uyo agehe na Muhe va Nguluvi.3Ila munu yeyonda seakumdikila Kilisito, ihela uyo Muhe yeahumile kwa Nguluvi. Munu uyo agehe na muhe yeagehe mpinja Kilisito. Na nyenye mkali mpulikile suwe kuva uyo mpinja Kilisito ikwacha na nondee achile suwe ku inyi.4Ila nyenye vana ndi va Nguluvi, muvawesile vavichi vadesi. Kwakuva Muhe vake yeagehe mugati lyenu agehe na ludali kuchumba muhe yeakwikala mugati lya vanu vesekumdikila Nguluvi.5Vavichi avo va udesi huhumila muinyi, ndeni vilonga makani gya inyi na vanu va muinyi vesekumdikila Nguluvi huvapulikicha kwakuva.6Ila nefwe ndi va Nguluvi. Munu yeagehe va Nguluvi akutupulikicha ila munu se va Nguluvi seakutupulikicha. Nondee kwa ng'asi ilyo twiwesa kuchela Muhe va undakyene na muhe va udesi.7Suwe, vaganja vangu, twikele kwakuva lukelo uhuma kwa Nguluvi. Kila munu yeagehe na lukelo ndi mwana va Nguluvi na akumchela Nguluvi.8Munu yeihela lukelo seakumchela Nguluvi, kwakuva Nguluvi ndi lukelo.9Nguluvi akawonise lukelo vake kwa nefwe kwa kumlagicha Mwana vake va weka hela ku inyi, neke tuveche na wumi kwa kuchumbila mwene.10Ndeni nde lukelo peugehe, se kuva nefwe tukamkelile Nguluvi tandi, ila mwene akatukelile ata akamlagicha Mwana vake aveche usembe lya kutuhechela sambi chetu.11Vaganja vangu, ngita Nguluvi akatukelile ndeni, suwe, nefwe twing'ang'wa kwikela.12Kwihela munu yeyonda yeakamwonile Nguluvi ng'odo, ila ngita twikwikela, Nguluvi akwikala pamwi na nefwe na lukelo lwake wukutugita tuvakele vangi ngita mwene peakatukelile.13Twichela kuva twikwikala muwumwi na Nguluvi na Nguluvi akwikala muwumwi na nefwe, kwakuva mwene atugaviye Muhe vake.14Nefwe tulolile na kuvalongela vangi kuva Daada akamlagiche Mwana vake aveche Mulowola va vanu va muinyi.15Kila munu yeilonga na kudikila kuva Yesu ndi Mwana va Nguluvi, Nguluvi akwikala muumwi na munu uyo na mwene ikwikala mu umwinga na Nguluvi.16Suwe, nefwe twichela na tukwidikila kuva Nguluvi akutukela.
Nguluvi ndi lukelo na kila munu yeakwikala mu lukelo, ikwikala mu umwi na Nguluvi na Nguluvi akwikala mu umwi na mwene.17Kwa ng'asi ilyo, Nguluvi itimisa lukelo lwake mugati yetu, neke tuveche na ukangafu kigono kila kya kuhiga, kwakuva kwikala kwa nefwe muinyi iyi giwana ngita Yesu peakalile.18Pepagehe na lukelo kwihela wogofi, ila lukelo va undakyene hudaga wogofi vonda. Suwe, munu yeikwogofy seakamilike mu lukelo, kwakuva yeagehe na wogofi daahigwa.19Nefwe tugehe na lukelo kwakuva Nguluvi akatukelie tandi.20Munu akilonga kuva akumkela Nguluvi na akumvipila lukolo vake, uyo ndi mdesi. Kwakuva munu yeseakumkela lukolo vake yeakumlola, seiwesa kumkela Nguluvi yeseakumlola.21Suwe, iyi ndi lulagilicho lyeatugavie Kilisito, yeakumkela Nguluvi eng'ang'wa kumkela na vayage.
Nguluvi ndi lukelo na kila munu yeakwikala mu lukelo, ikwikala mu umwi na Nguluvi na Nguluvi akwikala mu umwi na mwene.17Kwa ng'asi ilyo, Nguluvi itimisa lukelo lwake mugati yetu, neke tuveche na ukangafu kigono kila kya kuhiga, kwakuva kwikala kwa nefwe muinyi iyi giwana ngita Yesu peakalile.18Pepagehe na lukelo kwihela wogofi, ila lukelo va undakyene hudaga wogofi vonda. Suwe, munu yeikwogofy seakamilike mu lukelo, kwakuva yeagehe na wogofi daahigwa.19Nefwe tugehe na lukelo kwakuva Nguluvi akatukelie tandi.20Munu akilonga kuva akumkela Nguluvi na akumvipila lukolo vake, uyo ndi mdesi. Kwakuva munu yeseakumkela lukolo vake yeakumlola, seiwesa kumkela Nguluvi yeseakumlola.21Suwe, iyi ndi lulagilicho lyeatugavie Kilisito, yeakumkela Nguluvi eng'ang'wa kumkela na vayage.
The Word for the World International