ROM16
Ekọm Kiet Eken
1Ami nda eyen ete ñnyin añwan Fibe ñwut mbufo, emi anamde ñkpọ ọnọ Abasi ke ufọk Abasi ke Senkras.2Edara enye ke enyiñ Ọbọñ nte odotde ye ikọt Abasi, enyuñ enọ enye uñwam ekededi emi enye oyomde oto mbufo; koro enye ke idem esie edide eti ufan ọnọ ediwak owo kpa ye ami nde.3Ami mọnọ ekọm esọk Brisila ye Akwila, mme nsaña utom mi ke iñwañ utom Kraist Jisọs,4emi ekenyimede ndiwa uwem mmọ ke ntak mi. Ami madara ke edinam mmọ ye ami, inyuñ idighe ami ikpọñ, mme ufọk Abasi emi edude ke otu mme mmọ emi midighe mme Ju ediana do ñko.5Ekọm ufọk Abasi emi esobode ke ufọk mmọ. Ekọm edima ufan mi Epinetọs emi ekedide akpa owo ke ñkanñkuk Esia nditiene Kraist.6Ekọm Meri emi akanamde ọkpọsọñ utom ọnọ mbufo.7Ekọm Andrọnikọs ye Junia nditọ ete Ju emi ekedude ke ufọk ñkpọkọbi ye ami. Mme Ọbọsuru etim ediọñọ mmọ, mmọ ñko ekebem mi iso edi nditọ Abasi.8Enọ Ampliatọs ekọm mi, edima ufan mi ke Ọbọñ.9Ekọm Ọrbanọs, nsaña utom ñnyin ke Kraist, ye Stakis, edima ufan mi.10Ekọm Apele emi ema ekedomo akpanikọ esie ye Kraist ese. Ekọm kpukpru mme mmọ oro etode ufọk Aristobulọs.11Ekọm Erodiọn, Ju nte ami, ye mme nditọ ete emi edide mme ikọt Abasi ke ufọk Nasisọs.12Ekọm Trifina ye Trifosa, emi esinde ifik ke utom Abasi, ye edima ufan mi Persis emi anamde nti utom ọnọ Ọbọñ.13Ekọm Rufọs owo emi etop esie ọwọrọde ada asaña asaña ke utom Abasi ye eka esie, emi akadade mi onyuñ anam ñkpọ ye ami nte eyen esie.14Ekọm Asinkritọs, Flekọn, Ermis Batrọbas, Ermas, ye kpukpru mme ikọt Abasi eken emi edude ye mbufo.15Ekọm Filolokọs ye Julia ye Neriọs ye eyen eka esie añwan, ye Olimpas ye ofuri ikọt Abasi emi edude ye mmọ.16Ekọm kiet eken ye ntiminua nditọ eka, kpukpru mme ufọk Abasi Kraist enọ ekọm mmọ esọk mbufo.17Ami mme kpe ye mbufo, nditọ ete mi, ekpeme mmọ oro etọde ubahade, enyuñ etimerede mbuọtidem mme owo, enyuñ etuahade ye ukpepñkpọ emi mbufo ekebọde. Eda nsan nsan ye mmọ.18Koro mme mmọ emi; enamde mme uduot ñkpọ ntem inamke ñkpọ inọ Kraist Ọbọñ ñnyin, edi enam enọ idibi mmọ, Mmọ eda inem ikọ inua ye mme ikọ abiaña ewọñọde esit mme mmọ emi miduehe isop.19Kpukpru owo ekop ebaña iwuk mbufo ke Eti Etop Uwọrọ ufin emi, ndien ke ntak emi esit enem mi ye mbufo. Ami ñyom mbufo edi mme enyene ibuot owo ebaña se ifọnde, edi enana ndo ke se, idiọkde.20Ndien Abasi emi edide oruñ emem ñnyin, eyesọhi Setan ke idak ikpat mbufo idibighike. Yak mfọn Ọbọñ ñnyin Jisọs Kraist odu ye mbufo.21Timoti, edima nsaña utom mi, ọnọ ekọm esọk mbufo, kpa ntre Lusiọs, Jesin, ye Sosipata emi edide; Ju nsaña ñnyin.22Ami Tetiọs, andiwet ñwed emi mmọnọ ekọm ikọt Abasi esọk mbufo.23Enye emi ami nduñde ke ufọk esie, Keyọs emi ufọk Abasi esobode ke ufọk esie ọnọ ekọm esọk mbufo. Erastọs, akama okuk obio ye eyen ete ñnyin Kwatọs, enọ ekọm esọk mbufo.24Yak mfọn Ọbọñ ñnyin Jisọs Kraist odu ye kpukpru mbufo. Amen.25Eyak ñnyin inọ Abasi ubọñ. Enye ekeme ndinam mbufo esọñọ eda ke mbuọtidem mbufo nte asañade ekekem ye Eti mbuk emi ami ñkwọrọde, etop emi abañade Jisọs Kraist, ye nte asañade ekekem ye ediyarade ndedibe akpanikọ emi ekedibede ke ata anyan emana emi ekebede.26Idahaemi nte ededi, emen akpanikọ oro eyarade añwa añwa oto ke se mme prọfet ekewetde, emi otode ke uyo Ndodu Abasi, ema enam kpukpru idut ediọñọ ebaña; man otodo kpukpru owo ekpenim ke akpanikọ enyuñ esuk ibuot enọ Enye.27Yak ubọñ enyene Abasi Ete kierakiet, emi edide Enye ikpọñ ikpọñ ọfiọk kpukpru ñkpọ, ke Enyiñ Jisọs Kraist, ke nsinsi. Amen.Biblica, Inc.