ROM15
1Ñnyin emi isọñde idem ke mbuọtidem ikpenyene ndiñwam mbio mmemidem ekeme ndibiom mme mbiomo mmọ. Ñnyin ikunam ñkpọ ndinem idem ñnyin esit.2Utu koro, ñnyin kiet kiet ikpenyene ndinem mbọhọiduñ ñnyin esit ke ufọn esie man oto do ikeme ndinam enye ọkọri ke mbuọtidem.3Koro Kraist ikanamke inemesit inọ idem Esie. Utu koro kpa nte ñwed Abasi ewetde ete, “Mme emiom emi mme mmọ oro emiomde mbufo odoro mi ke idem.”4Kpukpru se ewetde ke ñwed Abasi ekewet ndida ñkpep ñnyin ñkpọ, man otodo ñnyin ikpedori enyin ito ime ye idọñesit emi ikọ Abasi ọnọde ñnyin.5Yak Abasi emi ọnọde ime ye idọñesit ọnọ mbufo spirit edidiana kiet ke otu mbufo nte mbufo etienede nti uwutñkpọ Kraist,6man otodo ke esit kiet ye uyo kiet mbufo ekpenọ Abasi ye Ete Ọbọñ ñnyin Jisọs Kraist ubọñ.
Mme Mmọ Emi Midighe Mme Ju Ekeme Ndidara
7Edara kiet eken kpa nte Kraist akadarade mbufo, man mbufo eda itoro enọ Abasi.8Koro ami ndọhọ mbufo nte ke Kraist ekedi anam ñkpọ nnọ mme Ju man enye owut ete ke edi anam akpanikọ, onyuñ anam mme eñwọñọ emi Enye ọkọñwọñọde ọnọ mme ete ete osu,9ndien ñko, man Enye ọnọ mme mmọ emi midighe mme Ju ukeme nditoro Abasi ke mbọm Esie, nte ikọ Abasi ọdọhọde, ete,“Ke ntak emi ami ñyetoro Fi ke otu mme mmọ emi midighe mme Ju,ñyekwọ ikwọ itoro nnọ Enyiñ Fo.”10Onyuñ ọtọñọ ntak ọdọhọ ete,“Edara, mme mmọ emi midighe mme Ju,ye mme idut emi Abasi emekde.”11Ndien ñko,“Etoro Abasi kpukpru mbufo mme mmọ emi midighe mme Ju;etoro Enye kpukpru mbufo mme idut.”12Ndien ñko, Aisaya ọdọhọ ete,“Kiet ke ubon Jesi eyedi,eyemenede enye enim ndikara mme kpukpru mme idut,ndien mmọ eyedori enyin ke enye.”13Yak Abasi emi edide oruñ idorenyin, ọyọhọ mbufo ye kpukpru idara ye emem ke ntak mbuọtidem emi mbufo enyenede ke Enye, man otode idorenyin mbufo akpaka iso ndikọri ke odudu Edisana Spirit.14Mme nditọ ete mi, ami ke idem mi mọyuhọ nte ke mbufo emeyọhọ ye nti ido, emeyọhọ ye kpukpru ifiọk, ndien mbufo emekeme ndikpep kiet eken.15Edi ke ñwed mi emi, ami mmewet mbufo uko uko mbaña mme ñkpọ ifañ emi ñkpetide mbufo ini kiet efen. Ami ñnyene uko oto ke mfọn emi Abasi ọkọnọde mi,16ndidi asañautom Kraist Jisọs, ke otu mme mmọ emi midighe mme Ju, ye utom mme oku ke ndikwọrọ Eti Mbuk Obio Ubọñ Abasi, man otodo mme mmọ emi midighe mme Ju ekpekabade edi mme enọ emi Abasi edibọde, emi Edisana Spirit anamde esana.17Ke ntem, ke edidiana kiet ye Kraist Jisọs, ami mmekeme ndien nditañ idem ke utom emi ami namde nnọ Abasi.18Ami ndinyene uko nditiñ mbaña se Kraist ebede ke ubọk mi anam ke edinam mme mmọ emi midighe mme Ju esuk ibuot enọ Abasi oto ke ikọ ye edinam mi,19ke odudu emi asañade ye mme utibe ñkpọ, adiana ye odudu Spirit. Do ndien, ke edisaña nto Jerusalem ñka Ilirikọm, ami ñkwọrọ ofuri ofuri Eti Mbuk emi abañade Kraist.20Udọñ esit mi kpukpru ini ekedi ndikwọrọ Eti Etop emi ke mme ebiet emi owo mikekopke kaña ibaña Kraist, man ami ndibọp ndori ke itiat idak isọñ emi owo efen ekesinde.21Nte ikọ Abasi etiñde, ete, “Mme mmọ emi owo miketiñke inọ mmọ ibaña Enye eyekut, ndien mme mmọ emi mikopke, eyeñwaña mmọ.”22Ke ntak emi ke ekebiọñọ mi ediwak ini ndidi ndise mbufo.23Edi idahaemi ami mma ñkekure utom mi ke ñkanñkuk emi, ñko sia ekedide udọñ mi ke ata anyan isua ndikut mbufo,24ami menyene idorenyin ndinam ntre idahaemi. Ami ñkpama ndikut mbufo ke usuñ isañ mi ndika obio Sipen, man mbọ uñwam nto mbufo ke ndika do, ke mma ñkedara ye mbufo ke esisit ini.Ediñwam Ikọt Abasi Ke Ini Unana
25Idahaemi, nte ededi, ami ñyom ndika Jerusalem ke ntak utom ikọt Abasi do ñko.26Koro mme ufọk Abasi ke Masidonia ye Kris ema ebiere ke idara ndinọ mme enọ ndida ññwam mbon unana ke otu ikọt Abasi ke Jerusalem.27Mmọ ke idem mmọ ekebiere ndinam emi. Edi ke ata akpanikọ mmọ enyene mfighe ke esit mmọ ndiñwam mme mbon unana oro; mme Ju ekebuana mme edidiọñ mmọ ke ñkpọ spirit ye mme mmọ emi midighe mme Ju, ndien mme mmọ emi midighe mme Ju ñko ekpenyene ndinam ñkpọ nnọ mme Ju ke ndibuana edidiọñ nti ñkpọ uwem emi ye mmọ28Ke ini ami mmannam utom emi mma, ndien ñnyuñ ñyak kpukpru okuk emi ekenọde mi nnọ mmọ, ami ñyekpọñ mmọ ñka Sipen ndien ñyewaha nse mbufo mbemiso ami mbe.29Ke ini ndidide ndise mbufo, ami mmọfiọk nte ke ami ndidi ye ọyọhọ udomo edidiọñ emi otode Kraist.30Ami mmekpe ye mbufo nditọ ete, ke ntak Ọbọñ ñnyin Jisọs Kraist ye ke ima emi Spirit ọnọde; ebuana ye ami ke ndibọñ akam eti eti nnọ Abasi mbaña mi.31Ebọñ akam ete yak Abasi anyaña mi osio ke ubọk mme mmọ emi minimke ke akpanikọ ke Judia, ñko yak utom mi ke Jerusalem edi se ikọt Abasi do edidarade.32Ndien, ke ntre ami ñyedi ndise mbufo ye ọyọhọ idara, edieke edide uduak Abasi, ndien mbọ nduọkodudu ke ifure ye mbufo.33Yak emem Abasi odu ye kpukpru mbufo. Amen.Biblica, Inc.