Jems4
Nso Ida Eñwan Idi?
1Mmọñ ke mme eñwan ye utọk ke otu mbufo eto? Mmọ eto ke udọñ itọñ emi mbufo enyenede ebaña uwem inemesit; emi akade iso ndiñwana eñwan ke esit idem mbufo.2Mbufo eyeyom mme ñkpọ, edi mbufo ikemeke ndinyene mmọ, do mbufo edu ke mbeñeidem ndiwot owo. Mbufo ekop ọkpọsọñ udọñ ebaña mme ñkpọ, edi mbufo ikemeke ndinyene mmọ, do mbufo etọhọ utọk enyuñ eñwana eñwan. Mbufo inyeneke se mbufo eyomde koro mbufo mibeñeke Abasi.3Ndien ke idem ini emi mbufo ebeñede, mbufo ibọhọ koro ntak edibeñe mbufo mifọnke; mbufo ebeñe mme ñkpọ man mbufo eda ekebiat ke mme etime etime ido inemesit mbufo.4Mme mbon unana akpanikọ, nte mbufo ifiọkke ite ke ndidi ufan ye ererimbot ọwọrọ ndidi asua ye Abasi? Owo ekededi emi oyomde ndidi ufan ye ererimbot, anam idem esie asua Abasi.5Kukere ete ke ikọ Abasi iwọrọke ñkpọ, ke emi ọdọhọde, ete, “spirit emi Abasi esinde ñnyin ke idem ọyọhọ ye ñkpọsọñ udọñ.6Edi mfọn emi Abasi ọnọde ñnyin ọsọñ odudu akan oro. Nte ikọ Abasi ọdọhọde ete, Abasi esin mbon ntañidem, edi ọnọ mbon nsuhọde idem mfọn.”7Ke ntre, esuhọde idem mbufo esin ke idak Abasi. Ekunyime enọ Setan, ndien enye eyefehe ọkpọñ mbufo.8Esaña ekpere Abasi, ndien enye eyesaña ekpere mbufo. Eyet ubọk mbufo, mme anam idiọkñkpọ. Enam esit mbufo asana, mbufo mme mbon mbubik.9Efuhọ, esio ñkpo eyet, enyuñ etua eyet; ekpuhọ imam mbufo esin ke ñkpo eyet, ekpuhọ inemesit mbufo esin ke mfuhọ!10Esuhọde idem mbufo ke iso Abasi, ndien Enye eyemenede mbufo.11Ekusioño kiet eken ndo, nditọ ete mi. Owo ekededi emi osioñode eyen ete esie ndo, mme ndikpe enye ikpe, osioño ibet ndo onyuñ ekpe ibet ikpe. Edieke afo ekpede ibet ikpe, ọwọrọ afo udighe kiet aba ke otu mme mmọ emi esukde ibuot enọ ibet, edi, edi enyemi ekpede ibet ikpe.12Abasi ikpọñ ikpọñ edi ọnọ ibet ye ekpe ikpe. Enye ikpọñ ikpọñ ekeme ndinyaña mme ndibiat uwem owo. Afo ekere ete imọ idi anie emi ekemede ndikpe owo nte afo ikpe?13Ke emi ekpañ utọñ enọ mi, mbufo oro edọhọde ete, “Mfin mme ñkpọñ ñnyin iyeka isañ ke obio kiet, emi ñnyin ididuñde do isua kiet inyuñ inam mme mbubehe emi idinamde ata ediwak okuk.”14Mbufo idiọñọke se uwem mbufo edidide ñkpọñ. Mbufo etie nte ntuhube, emi odude ke esisit ini, ndien osop.15Se mbufo ekpenyenede nditiñ edi ntem, “Edieke Abasi enyimede, ñnyin iyedu uwem inam emi mme oko.”16Edi ke emi, mbufo ke etañ idem, ke enyuñ enam inua, mme nnam inua ntem inenke.17Ke ntre, owo emi minamke eti ñkpọ emi enye ọfiọkde ete ke ana imọ inam, anam idiọkñkpọ.Biblica, Inc.