1 Tesalonika1
1Ñwed emi oto Pọl, Sailas, ye Timoti. Enọ esọk ufọk Abasi ke Tesalonika, emi edide inyene Abasi Ete ye Ọbọñ Jisọs Kraist. Yak mfọn ye emem Abasi odu ye mbufo.2Ñnyin inọnọ Abasi ekọm kpukpru ini ibaña mbufo kpukpru, inyuñ iti ibaña mbufo ke mme akam ñnyin.3Ñnyin iti ke iso Abasi ye Ete, nte mbufo edade mbuọtidem mbufo esin ke edinam, nte ima mbufo anamde mbufo esin ifik ke ọkpọsọñ utom, ye nte idorenyin mbufo ke Ọbọñ ñnyin Jisọs Kraist ọsọñọde ada. Utibe Mbuọtidem Mmọ4Ñnyin imọdiọñọ mme nditọ Ete, ite ke Abasi ama mbufo, onyuñ emek mbufo ndidi Esie.5Koro ñnyin ikada Eti mbuk emi isọk mbufo, ikedighe ke ikọ inua ikpọñ ikpọñ, edi ekedi ñko ye odudu ye Edisana Spirit, ye ntọtuñọ edituk emi akpanikọ okotukde esit mbufo. Mbufo emefiọk nte ñnyin ikodude uwem ke ini emi ikodude ye mbufo, ekedi ke ufọn mbufo.6Mbufo ema ekpebe ñnyin ye Ọbọñ Jisọs, ndien okposuk edi emi mbufo ekekutde ukut eti eti, mbufo ema ebọ Eti Etop emi ke idara, emi otode Edisana Spirit.7Ke ntre, mbufo ema ekabade edi uwutñkpọ enọ kpukpru mme andinim ke akpanikọ emi edude ke Masidonia ye Kris.8Koro etop emi abañade Ọbọñ Jisọs, ọkọwọrọ ke otu mbufo, ikikaha ibine mbon Masidonia ye Kris ikpọñ, mbuọtidem mbufo ke Abasi ama asuana osim kpukpru ebiet. Ñkpọ efen ndomokiet isuhọke aba emi ñnyin ikpetiñde.9Kpukpru mme owo oro etiñ ebaña nte mbufo ekedarade ñnyin ke ini emi ñnyin ikedide ndise mbufo, ye nte mbufo ekpade edem enọ mme edibot ñkpri abasi, etiene Abasi, ndinam ñkpọ nnọ Ndodu ye Ata Abasi.10Ye ndibet mbeñe Eyen Esie ndito enyọñ, kpa Eyen Esie Jisọs emi Enye ekemenerede ke ñkpa, ndien Enye afak ñnyin osio ke iyaresit Abasi emi edidide.
Biblica, Inc.