1 Pita5
Item Enọde Mme Ada Idaha Ufọk Abasi
1Ami mbeñe mme ada idaha ufọk Abasi emi edude ke otu mbufo. Ami emi ndide ada idaha kiet ke idem mi, ami ndi ntiense mbaña mme ukut Kraist, ndien ami ñyebuana ke ubọñ emi ediyararede iwut. Ami mme ekpe mbufo ubọk nte:2edi mme ekpeme erọñ enọ mme erọñ emi Abasi ọnọde mbufo, enyuñ ekpeme mmọ ke unyime esit nte Abasi oyomde mbufo enam, idighe ke edinyenyik. Enam utom mbufo, idighe ke ntak ukpe okuk, edi oto ke ata udọñ esit ndinam ñkpọ nnọ Abasi.3Ekuñwana ndikakara mme mmọ emi esinede ke idak ukpeme mbufo, edi, edi uwutñkpọ enọ mme erọñ.4Ndien ke ini emi Etubom mme ekpeme erọñ ediwọrọde iwut idem, mbufo eyebọ utibe anyanya emi midikpaha mmọñ.5Ke ukem usuñ emi, mbufo ñkparawa iren, enyene ndisuk idem mbufo nnọ mme ikpọ irenowo emi esọñọde mbufo. Ndien kpukpru mbufo enyene ndisine ọfọñ enyọñ idem nsuhọde idem ke ndinam ñkpọ nnọ kiet eken; koro ikọ Abasi etiñde ete, “Abasi asasua owo ntañidem, edi ọnọ owo nsuhọde idem mfọn.”6Esuhọde idem mbufo ndien esin ke idak ọkpọsọñ ubọk Abasi, man otodo Enye ekpemenede mbufo ke enyọñ ke eti ini Esie.7Etop kpukpru mfina mbufo edori Enye ke idem, koro Enye ekerede abaña mbufo8Eda ke ikpat mbufo, edu ke ukpeme! Owo asua mbufo, Setan, ke oyo akanade nte ekpe emi okunide, koyom owo emi enye awaide.9Esọñọ eda ke mbuọtidem mbufo, enyuñ esin enye, koro mbufo ediọñọde ete ke mme nditọ ete mbufo ke mbuọtidem ke ofuri ererimbot ke ebebe ke uduot ukut emi.10Edi ke mbufo ema ekekut ukut ke esesit ini, Abasi kpukpru mfọn, emi okotde mbufo edibuana ke nsinsi ubọñ Esie ke ebuana ye Kraist, eyenam mbufo ke idem Esie efọn ema, onyuñ ọnọ mbufo nsọñọnda, ye odudu, ye itiat idak isọñ emi enyenede iwuk.11Yak odudu enyene Enye ke nsinsi. Amen.12Edi Sailas, emi ami ndade nte eyen ete anam akpanikọ, añwam mi ndiwet ñwed emi nnọde mi esọk mbufo. Ami ñyom ndisọñọ mbufo idem, ñnyuñ nnọ mbufo ikọ ntiense mi emi edide ata mfọn emi otode Abasi. Esọñọ eda nte ọfọnde ke esit.13Ufọk Abasi emi edide eyen ete mbufo ke Babilọn, emi Abasi ekemekde, ọnọ ekọm esọk mbufo kpa ntre ñko ye eyen mi Mak.14Ekọm kiet eken ye utiminua ima ikọt Abasi. Yak emem Abasi odu ye kpukpru mbufo emi edide eke Kraist.Biblica, Inc.