1 Pita1
1Ñwed emi oto Pita emi edide Ọbọsuru Jisọs Kraist. Ñwet nnọ mme ikọt Abasi emi Abasi ekemekde, emi esuanade edọñọ nte mme isenowo ke ñkanñkuk Pọntus, Kelesia, Kapadosia, Esia ye Bitinia.2Ekemek mbufo eto ke uduak Abasi Ete, enyuñ enam mbufo edi mme ndisana owo oto ke Spirit Esie, ndisuk ibuot nnọ Jisọs Kraist man eda iyip Esie enam mbufo esana. Yak mfọn ye emem enyene mbufo ọyọhọ ọyọhọ.
Idara Ye Idomo
3Yak ñnyin inọ Abasi ye Ete Ọbọñ ñnyin Jisọs Kraist ekọm, koro ke ntak akwa mbọm Esie, Enye ama ọnọ ñnyin obufa uwem ke edimenede Jisọs Kraist nsio ke ñkpa. Emi anam esit ñnyin ọyọhọ ye odu uwem idorenyin.4Ke ntre, ñnyin idori enyin ndibọ uwak edidiọñ emi Abasi enimde ọnọ ikọt Esie. Enye enim mmọ ọnọ mbufo ke enyọñ, ke ebiet emi mmọ midibuhu, mme ndibiara, mme ndikpa mmọñ.5Mmọ edu enọ mbufo emi otode ke mbuọtidem, Abasi ada odudu Esie etim mbufo enim ọnọ edinyaña emi ediyararede ke utit ini.6Edara kabaña ñkpọ emi, okposuk edi, ekeme ndidi nte ana mbufo efuhọ ke esisit ini oto ke nsio nsio uduot ukut emi mbufo ekutde.7Mme ñkpọ emi etiene mbufo man eyarade ewut nte ke mbuọtidem mbufo edi ata eti. Idem gold, emi ekemede ndibiat, eda ikañ edomo enye ese ñko, man enye ekpebighi. Ndien mbufo eyebọ itoro, ubọñ ye ukpono ke usen emi ediyararede Jisọs Kraist.8Mbufo emema Enye, okposuk edi emi mbufo mikwe Enye ke enyin. Mbufo emenim Enye ke akpanikọ, okposuk edi emi mbufo mikwe Enye idahaemi. Ndien mbufo eyọhọ ye utibe idara, emi owo mikemeke ndida ikọ inua ñyarade,9koro mbufo ebọde udori mbuọtidem emi edide edinyaña ukpọñ mbufo.10Ekedi se itukde edinyaña emi ke mme Asiak Uduak Abasi ekenam nduñọde eti eti ebaña, ndien mmọ eketiñ uduak Abasi ebaña enọ emi Abasi ọkọnọde mbufo.11Mmọ ema eñwana ndidiọñọ mbaña ini emi ini oro edidide ye nte ini oro edisañade idi. Emi ekedi ini emi Spirit Kraist ke idem mmọ okowutde, kadaña emi Spirit eketiñde abaña ukut emi Kraist edibede ke esit, ye ubọñ emi editienede.12Abasi ama ayarade ọnọ mme asiak uduak Abasi emi, nte ke utom mmọ idighe ke ufọn idem mmọ, ke edi ke ufọn mbufo, kadaña emi mmọ eketiñde ebaña mme ñkpọ emi mbufo ekopde idahaemi eto mme isuñutom emi esuande Eti Mbuk emi, eto odudu Edisana Spirit emi edọñde eto enyọñ. Mme ñkpọ emi edi se mme enjel ekpemade ndidiọñọ.13Ke ntre, ebeñe esit mbufo enim enọ edinam. Eneñede eda, enyuñ ewuk idorenyin mbufo ofuri ofuri ke edidiọñ emi edinọde mbufo ke ini emi ediyararede Jisọs Kraist iwut.14Esuk ibuot enọ Abasi, ndien ekuyak uwem mbufo afiak okoduk ke idak ukara udọñitọñ emi mbufo ekenyenede ke ini emi ekedude uwem ke idak ndisime.15Utu ke oro, edi edisana ke kpukpru edinam mbufo, kpa nte Abasi emi okokotde mbufo edide edisana.16Ikọ Abasi ọdọhọ ete, “Mbufo enyene ndidi edisana, koro Ami ndide edisana”.17Mbufo ekot Enye Ete, ke ini emi mbufo ebọñde akam enọ Abasi, emi ekpede ikpe ye kpukpru owo kiet kiet etiene se owo kiet kiet akanamde ke ntre, ebiat ofuri mme usen uwem mbufo mi ke isọñ ke nditeñe Enye.Ema Ekpe Usio Isop
18Koro mbufo emediọñọ se ekekpede ndida ñkpọk mbufo nsio ke mme mbiara ido uwem emi mbufo ekebọde eto mme ete ete mbufo. Ikedighe ñkpọ emi ekemede ndibiat urua esie nte gold mme silfa;19ekekpọk mbufo eyak oto ke nsọñurua uwa Kraist, emi eketiede nte eyen erọñ emi minyeneke ndo.20Abasi ama ememek Enye mbemiso Enye obobot ererimbot, ndien ama ayarade Enye ke mme utit usen emi ke ntak mbufo.21Mbufo ekebe ke Enye enim Abasi ke akpanikọ, emi ekemenerede Enye osio ke ñkpa ndien ọnọ Enye ubọñ, man mbuọtidem ye idorenyin mbufo ọwuhọ ke Abasi ikpọñ ikpọñ.22Ndien ke emi ke ntak emi mbufo esukde ibuot enọ akpanikọ, mbufo emenam idem mbufo asana, ndien emekabade enyene ata ntọtuñọ ima ebaña nditọ ete mbufo ke Ọbọñ. Ema kiet eken ke ofuri esit mbufo.23Koro oto ke odu uwem ye nsinsi ikọ Abasi ema enam mbufo emana obufa nte nditọ enọ Ete emi odude uwem ke nsinsi, idighe Enyemi edikpade.24Kpa nte ikọ Abasi etiñde, ete, “Kpukpru owo etie nte mbiet añwa, ndien kpukpru ubọñ mmọ etie nte ndiye ikọñ esie. Mbiet akpaña, ndien mme ndiye ikọñ esie ekeñe,25edi ikọ Abasi ododu ke nsinsi.” Emi edi ikọ emi Eti Mbuk emi adade ọsọk mbufo.Biblica, Inc.