ኢስያሳ8
አሶረ ካትያ ዩሳ
1መና ጎዳይ ታና ሀዋዳን ያጌዳ፤ “ዎልቃማ ጻ ዋራቃታ አካደ፥ ‘ኦሞዶ ኤሌላ! ቦንቂያዉ ኤሌላ!’ ያጋደ፥ ናባበትያ ፕዶልያን ጻፋ።2ቄስያ ኦርዮናነ ይባራክያ ናኣ ዛካራሳ አማንያ ማርካቱዋ ኦደ ታን ሱንና” ያጌዳ።3ሄዋፐ ጉይያን፥ ታን ትምቢትያ ኦድያ ታ ማቻትና ግሳድ፤ ያትና፥ አ ሻሃራደ እት ናኣ የላዱ፤ መና ጎዳይ ታና ሀዋዳን ያጌዳ፤ “አ ሱን፥ ‘ማሀር-ሻላል-ሀሽ-ባዝ’ ያጋደ ሱን።4ናአይ፥ ‘ታ አዎ፥ ታ አቴ’ ያጊደ ጼስያዋ ኤራናፐ ካሰ፥ አሶረ ጋድያ ካቲ ዳማስቆ ዱረተነ ሳማርያ ኦሞዱዋ አኪደ አፋና” ያጌዳ።5መና ጎዳይ ቃይካ ታዉ ሀዋዳን ያጊደ ሃሳዬዳ፤6“ሀ አሳይ ሎዳን ጎግያ ሳልሆማ ሃቱዋ እጺደ፥ ራጺናነ ራማልያ ናኣ ናሸቲደ አኬድኖ።7ሄዋ ድራዉ፥ ታን ጎዳይ ምኖነ ዳሮ ግድያ ኤፍራጺሳ ሃ፥ አሶረ ካትያ አ ቶራንቻቱዋ ኡባና አሀና ሀናይ። እ ሻፍያ ኡባ ኩሚደ ከሳና፤ ጋጻ ኡባ ማዪደ ጎጋና።8ክጺደ ጎጊደ፥ ይሁዳ ገላና፤ ኤሊደ ያና አና፤ ኩን ቆያ ጋካና። አቤት አማኑኤላ፥ ካፉ ባረ ቀፍያ ምጭያዋዳን፥ ሃ ኩን ነ ጋድያ ኡባ ቦላን ምጨታና” ያጌዳ።9ህንተኖ ካዉተቶ፥ እትፐ ሺቅተ! ሽን ህንተ መኤረታና! ሃኮ ቢታ ኡባን ደእያ አሳቶ፥ ስስተ! ኦላዉ ጊግተ! ሽን ህንተ መኤረታና! ኤ፥ ኦላዉ ጊግተ፤ ሽን ህንተ መኤረታና!10ኦላ ኦለታናዉ ማቀትተ፤ ሽን ህንተ ማቁ ላለታና፤ ህንተ ሀልቹዋ ሃሳይተ፤ ሽን ህንተ ሀልቹዋ ሀላና፤ አያዉ ጎፐ፥ ጾሳይ ኑናና ደኤ።ጾሳን አማነቱሳ
11መና ጎዳይ ባረ ምኖ ኩሽያ ታ ቦላ ዎደ፥ ታዉ ሃሳዬዳ፤ ታን ሀ አሳ ኦግያ ካለና ማላ፥ ታና ሀዋዳን ያጊደ ሴሬዳ፤12“ሀ አሳይ ማካላ ማቆ ግያዋ ኡባ ማካላ ማቆ ጎፕተ፤ ኡንቱንቱ ያይያባዉ ያዮፕተ ዎይ ዳጋሞፕተ።13ህንተ ጌሻ ጋናዉ በስያዌ ኡባፐ ዎልቃማ መና ጎዳ፤ ህንተ አዉ ያያናዉነ ዳጋማናዉ በሰ።14እ ጌሻ ሳ ግዳናዋ፤ ሽን ይሁዳ ጋድያ አሳዉነ እስራኤልያ ጋድያ አሳዉ እ ቢያ ሹቻነ ኩንድስያ ዛላ ግዳናዋ፤ የሩሳላመን ደእያ አሳዉ እ ግትያነ ጲረ ግዳናዋ።15ኡንቱንቱፐ ዳሩ በታና፤ ኩንዲደካ መአና፤ ጲርያን ኦይቀቲደካ ኦሞደታና” ያጌዳ።16ታን ኦዴዳዋ ናጋ፤ ታ ኤርስያ ቆማቱ ግዶን ህግያ አታማ።17ታን ባረ ሶምኡዋ ያቆባ ዛራቱዋፐ ገንያ መና ጎዳ ናጋና፤ ቃይ አን አማነታና።18ታናነ ታዉ መና ጎዳይ እሜዳ ናናቱዋ በእተ። ኑን ጽዮነ ደርያን ደእያ ኡባፐ ዎልቃማ መና ጎዳፐ እስራኤልያዉ ማላታነ ማርካ።19“ሳሱኪደነ ዙዙሚደ ሃሳይያ ሻሬቾቱዋነ ሞይትልያ ሃሳይስያዋንታ ኦችተ” ያጊደ ህንተና ዞርያ አሳይ ደኤ። ሀይቄዳዋንታ ፓጻ ደእያዋንቱባ ኦችያዋፐ፥ አሳይ ባረንቱ ጾሳ ኦቻናዉ በሰኔ?20ህግያነ ጾሳይ ኦድያዋ ስስተ! ሄ አሳቱ ሀ ቃላዳን ሃሳያና ዮፐ፥ ኡንቱንቶ ሳአይ ዎንተና።21አሳይ ዋየቲድነ ኮሻቲደ፥ ጋድያን ቶይላካታና፤ ኡንቱንቱ ኮሻቴዳ ዎደ ይሎቲደ፥ ፑደ ጼሊደ ባረንቱ ካትያነ ባረንቱ ጾሳ ሸቃና።22ሳኣኮ ዱገ ጼሊደ፥ ዋይያ፥ ማነ ያሽያ ሾኑዋ በአና፤ ኡንቱንቱ ባራ ማዉ ኦለታና።The Word for the World International