ኢስያሳ7
ካትያ አካዛዉ ዬዳ ኪታ
1ኦዝያና ናአይ እዮኣታም የሌዳ አካዝ ይሁዳ ጋድያን ካተቴዳ ዎደ፥ ሶርያ ጋድያ ካቲ ራጺንነ እስራኤልያ ጋድያ ካቲ ራማልያ ናአይ ፓቁህ የሩሳላመ ኦላናዉ ዬድኖ፤ ሽን ጾናናዉ ዳንዳይበይክኖ።2ሶርያ ጋዲ ኤፍሬማ ቢታና እትፐ ኦላዉ ጫቀቴዳዋ ዳዊታ ዛርያፐ ካተቴዳ ካቲ ስሴዳ ዎደ፥ ደርያን ጫርኩ ቃያ ምዳን፥ አካዛ ዎዛናይነ አ አሳ ዎዛናይ ዳጋማን ሻቢረቴዳ።3ያትና፥ መና ጎዳይ ኢስያሳ፥ “ኔን ነ ናኣ ሻኣር-ያሹባ አካደ፥ አካዛና ጋከታናዉ ባ፤ ማዩዋ ሜጭያዋንቱ ጎሻኮ አፍያ ኦግያ ማታን ቆሞና ደእያ ሺቄዳ ሃ ጼራን ኔን አ ደማና።4አዉ ሀዋዳን ያጋደ ኦዳ፤ ‘ናገታ፤ ህርጎፓ፤ ሶርያ አሳ፥ ካትያ ራጺናነ ራማልያ ናኣ ሀንቆ ያዮፓ፤ ነ ዎዛናይካ ሻባረቶፖ፤ አያዉ ጎፐ፥ ላኡ ካተቱ ታማፐ አደ ጩዋትያ ላኡ ም ዱሩማ ማላ።5“ ‘ሶርያ ጋድያ አሳይ ኤፍሬማ አሳናነ ራማልያ ናኣና ነ ቦላ ኢታባ ማቀቲደ፥6“አነ ይሁዳ ጋድያን ዎራጂደ፥ መንሬድነ ኑ ግዶን ሻኪደ፥ ጻብኤላ ናኣ ካዉቶ” ያጊኖ’ ያጋ” ያጌዳ።7ግዶፐነ፥ ኡባ ሞድያ መና ጎዳይ ሀዋዳን ያጌ፤ “ሄ ኡንቱንቱ ማቁ ምነና፤ ሙለካ ሄዌ ፖለተናዋ።8አያዉ ጎፐ፥ ዳማስቁ ሶርያ ቢታዉ ሁጲያ፤ ካቲ ራጺንካ ዳማስቆ ካታማዉ ሁጲያ። ኡሱፑን ታማነ እቼሹ ላይ ግዶን ኤፍሬማ ጋዲ ቡንቼቲደ፥ ካዉተ ግደናን አታና።9ቃይ ሳማሪ ኤፍሬማ ቢታዉ ሁጲያ፤ ራማልያ ናአይ ሳማርያ ካታማዉ ሁጲያ፤ ህንተ አማኑዋን ምኒደ ኤቀናን ዮፐ፥ ህንተካ ኤቂክታ” ያጌ።አማኑኤል ያናዋ በስያ ማላታ
10ቃይካ መና ጎዳይ አካዛዉ፤11“መና ጎዳይ ነ ጾሳይ ነዉ ቦላ ሳሉዋፐ፥ ዎይ ጋርሳ ሳኣ ጪሙዋፐ እት ማላታ እማና ማላ ኦቻ” ያጌዳ።12ሽን አካዝ፥ “ኦችከ፤ መና ጎዳካ ፓጭከ” ያጌዳ።13ያትና፥ እስያስ፥ “ህንተኖ፥ ዳዊታ ዛረቶ፥ ስስተ! ህንተ አሳ ዳቡርስያዌ አይ ጉጽና፥ ቃይ ታ ጾሳ ዳቡርሲቴ?14ያቶፐ፥ ጎዳይ ባረ ሁጲያን ህንተንቶ ማላታ እማና፤ ወዶራታ ሻሃራደ አቱማ ናኣ የላና፤ አ ሱንካ አማኑኤላ ያጋደ ሱንና።15እ ኢታ እጻናዉነ ሎኡዋ ዶራናዉ ኤርያ ዎደ፥ መኤዳ ማነ ኤሳ ኡታና።16ሽን ናአይ ኢታ እጻናዉነ ሎኡዋ ዶራናዉ ኤራናፐ ካሰቲደ፥ ኔን ሎይ ያዬዳ ላኡ ካተቱ ቢታቱ ኮለት መላ ግዳና።17“ኤፍሬማ ጋዲ ይሁዳ ጋድያፐ ሻከቶደፐ ዶምና ሀንቤና መቶ ዎድያ መና ጎዳይ ነ ቦላ፥ ነ አሳ ቦላነ ነ አዉዋ ጎልያ ቦላ አሀና፤ ሄ ያናዌካ አሶረ ጋድያ ካትያ” ያጌዳ።18ሄ ጋላሳይ ጋክያ ዎደ፥ መና ጎዳይ ኡዱንጸቶ፥ ግብጼን ሃኮ ሻፋን ደእያ አሳቶ ማላታና፤ እ ማቱዋ፥ አሶረ ጋድያ አሳቱዋ ጼሳና።19ያትና፥ ኡንቱንቱ ኡባይካ ዪደ፥ ዛንጋራ ሾባን፥ ሹቻ ጎንጎሉዋን፥ አጉንይ ደእያ ቡራንነ ሃ ኦላን ኡታና።20ሄ ጋላስ ጎዳይ ኤፍራጺሳ ሻፋፐ ሄፍን ባጋፐ ሁጲያ ቃንጽያ አሳ ጼሳና፤ እካ አሶረ ጋድያ ካትያ፤ እ ዪደ፥ ህንተ ሁጲያ ብናና፥ ህንተ አሳተ ብናናነ ህንተ ቡቻ ሜዳና።21ሄ ጋላስ እት አሳይ መጽ እት ማ ሚዛነ ላኡ ዴሻቱዋ ጻላላ አሻና።22ግዶፐካ፥ ኡንቱንቱ ማጽያ ማይ ሎይ ዳሮ ግድያ ድራዉ፥ እ መኤዳ ማ ኡታና፤ ሄ ጋድያን አቴዳ አሳይ ኡባይካ መኤዳ ማነ ኤሳ ኡታና።23ሄ ጋላስ እት ሻአ ብራን ዋሸትያ ሻአ ዎይንያ አኖቱ ደእያ ሳን ኡባን ክንድቹነ አጉን ጻላላይ ሞካና።24ቢታ ኡባን ክንድቹነ አጉንይ ኩሜዳ ድራዉ፥ አሳይ ያ ብያ ዎደ፥ ቶራነ ዎንዳፍያ ኦይቂደ ባና።25ካሰ ጎማን ቡልኤዳ ዞዘቱዋን ሀእ ክንድቹነ አጉንይ ኩሜዳ ድራዉ ያዪደ፥ እት አሳይነ ያ ቤና። መሂ የደትያሳነ ዶርሳይ ሄመትያሳ ግዳናዋ።The Word for the World International