ዳኔላ4
ናቡካዳናጾር ላኤን አኩሙዋ
1ካቲ ናቡካዳናጾር አሳ ኡባዉ፥ ካዉተቱዋ ኡባዉነ ዱማ ዱማ ቃላን ሃሳይያ ዛራቱዋ ኡባዉ ሀዋዳን ያግ፥ ዳብዳቢያ ኪቴዳ።“ሳሮ ደኢቴ!2“ኡባፐ ቂያ ጾሳይ ታዉ ኦዳ ማላልስያነ ኦራባ ታን ህንተንቶ ኦዳናዉ ኮያይ።3“አ ማላታይ ዎት ግቴ!እ ኦያ ኦራባይ ዎት ምኔ!አ ካዉተይ መና ካዉተ፤አ ማታይካ የለታፐ የለታ ጋካናሳ።4“ታን ናቡካዳናጾር፥ ታ ጎልያ እንጅያን፥ ታ ካዉተ ጎልያን ሚኩዋን ደአይ።5እት ጋላስ ታን ያሽያ አኩሙዋ አኩመታድ። ታን ታ አርሳን ዛቁላደ፥ በኤዳ አኩሙነ ሳጻይ ታና ዳጋንዳ።6ሄዋ ድራዉ፥ ሀ አኩሙዋ ብለ ታና ኤርሳና ማላ፥ ባብሎነን ደእያ ካትያ ዞርያዋንታ ኡባ ታኮ አሀናዳን አዛዛድ።7ሄ ዎደ ሻሬቾቱ፥ ሙሩንያዋንቱ፥ አያንትያዋንቱነ ጾልንትያ ጼሊደ ካይያዋንቱ ታኮ ዪና፥ ታ አኩሙዋ ኡንቱንቶ ኦዳድ፤ ሽን ኡንቱንቱ ብለ ታና ኤርሳናዉ ዳንዳይበይክኖ።8ዉርሰን ታ ጾሳ ሱንን ብልጻሶራ ጌተት ጼገትያ፥ ጌሻ ጾሳቱዋ አያናይ አን ደእያ ዳኔል ታኮ ገልና፥ አዉ ታ አኩሙዋ ሀዋዳን ጋደ ኦዳድ።9“አዳ ኤራንቻቱዋ ካፑዋ ብልጻሶራ፥ ጌሻ ጾሳቱዋ አያናይ ኔናን ደእያዋነ አያ ጹርነ ኔፐ ጌመናዋ ታን ኤራይ። ታን አኩመቴዳ አኩሙ ሀዋ፤ አነ ታዉ አ ብለ ኦዳ።10“ታን ታ አርሳን ዛቁላደ፥ ቢታዉ ግዶ ልክያን እት ምይ ኤቄዳዋ ሳጻን በኣድ፤ ሄ ምዉ ጌሳይ ዳሮ አዱሳ።11ሄ ምይ ድጪደ ግታቴዳነ ምኔዳ፤ አዉ ጼራይ ሳሉዋ ጋኬ፤ ሳኣፐ ሳኣ ጋጻ ጋካናዉ ቤቴ።12ሄ ም ሀይይ ጼላናዉ ሎእያዋ፤ አ አይፊካ ሎይ ዳራ፤ ኡባዉካ ምያባይ አን ደኤ። ዎራ ዶአቱ አ ኩዋን ሸምፔድኖ፤ ሳሉዋ ካፎቱካ አ ዳሻ ግዶን ኬጺደ ደኤድኖ። ፓጻ ደእያ ኡባይ አፐ ሜዳ።13“ታ አርሳን ዛቁላደ፥ ጌሻ ኪታንቻይ ሳሉዋፐ ዎሽን ሳጻን በኣድ።14እካ ባረ ቃላ ቁ ኦደ፥ ሀዋዳን ያጌዳ፤ ‘ሀ ም ቃንጽተ፤ አ ታሽያ ካርተ፤ አ ሀይካ ፕሪጽተ፤ አ አይፍያካ ላልተ። አ ጋርሳን ደእያ ዶአቱነ አ ዳሻን ደእያ ካፎቱ ኡባይ ባቃትኖ።15ሽን ዱሩማነ አ ጻጱዋ፥ ብራታፐነ ናሃስያፐ ቆጼዳ ሳንሳላታን ቃቺደ፥ ሳኣን፥ ማታ ግዶን አግ ባሽተ። ሳሉዋፐ ዎያ ከተርሳን ካሎ፤ ቃይ ባዙዋን ማታ ግዶን ዶኣና ደኦ።16አ ዎዛናይ ካሀይ አሳዋፐ ዶኣዉ ላመቶ። ሄዋዳን ሀን ደእሽን፥ አ ቦላ ላፑን ላይይ ዉሮ።17ኡባፐ ቂያ ጾሳይ አሳ ናናቱ ካዉተ ኡባ ሞድያዋ፥ ካዉተ እ ባረ ኮይያ ኡራዉ እምያዋነ ሀራይ አቶ፥ አሳ ኡባፐ ካቴዳዋንታካ እ ሱንያዋ ፓጻ ደእያ አሳይ ኡባይ ኤራና ማላ፥ ቃሸቴዳ ቆፋ ኪታንቻቱ አዋዬድኖ። ፕርዳካ ጌሻቱ ኦዴድኖ’ ያጌዳ።18“ታን ካቲ ናቡካዳናጾር አኩመቴዳ አኩሙ ሀዋ። ሀእ ስም ብልጻሶራ፥ ታዉ አ ብለ ኦዳ። አያዉ ጎፐ፥ ታ ካዉተ ግዶን ደእያ ካትያ ዞርያዋንቱፐ እቱነ ታና ብለ ኤርሳናዉ ዳንዳይቤና፤ ሽን ጌሻ ጾሳቱዋ አያናይ ኔናን ደእያ ድራዉ፥ ኔን ዳንዳያሳ” ያጋድ።
ዳኔል አኩሙዋ ብሌዳ
19ሄ ዎድያን ብልጻሶራ ጌተትያ ዳኔል ዳጋሚደ፥ ሀንያዋ ዬዳ። እ ባረ ቆፋን ሻባረቴዳ ድራዉ፥ ጉ ዎድያ ጮኡ ጊደ ታኬዳ። ያትና፥ ካቲ፥ “ብልጻሶራ፥ ሀ አኩሙነ አ ብለይ ኔና ዳጋንፖ” ያጌዳ።ብልጻሶር ዛሪደ፥ “ታ ጎዳዉ፥ ሀ አኩሙ ኔና እጽያዋንቶ፥ አ ብለይካ ቃይ ነ ሞርከቶ ግዴረኔሻ!20ኔን አኩሙዋን በኤዳ ምይ፥ ድጪደ ምኔዳዌ፥ ጼራይ ሳሉዋ ጋኬዳዌ፥ ሳኣፐ ሳኣ ጋጻ ጋካናዉ ቤቴዳዌ፥21ሀይይ ጼላናዉ ሎኤዳዌ፥ አይፊካ ሎይ ዳሬዳዌ፥ ኡባዉ ምያባይ አን ደእያዌ፥ ባዙዋ ዶአቱ አ ኩዋን ሸምፔዳዌነ ሳሉዋ ካፎቱካ አ ዳሻ ግዶን ኬጺደ ደኤዳዌ፥22ካትያዉ፥ ሄ ምይ ኔና! ኔን ግታታዳነ ምናዳ፤ ነ ግታተይ ድጪደ፥ ሳሉዋ ጋኬዳ፤ ነ ካተተ ማታይካ ሳኣ ጋጻ ጋኬዳ።23“ካትያዉ፥ ኔን ጌሻ ኪታንቻይ ሳሉዋፐ ዎደ፥ ‘ሀ ም ቃንጺደ ይስተ፤ ሽን አ ዱሩማነ አ ጻጱዋ ብራታፐነ ናሃስያፐ ቆጼዳ ሳንሳላታን ቃቺደ፥ ሳኣን፥ ማታ ግዶን አግ ባሽተ። ሳሉዋፐ ዎያ ከተርሳን እ ካሎ፤ ላፑን ላይይ ዉራና ጋካናዉ፥ ባዙዋ ዶኣዳን ደኦ!’ ግያ ዎደ በኣዳ።24“ካትያዉ፥ አ ብለይ ሀዋ። ሀዌ ኡባፐ ቂያ ጾሳይ ታ ጎዳ ካትያ ቦላ ፖላናዉ ኪቴዳ ፕርዳ።25ኔን አሳ ግዶፐ የደርሴታደ፥ ባዙዋ ዶአቱዋና እትፐ ደአና። ኔን ቦራዳን ማታ ማናነ ሳሉዋፐ ዎያ ከተርሳን ካላና። ቃይ ኡባፐ ቂያ ጾሳይ አሳ ናናቱ ካዉተ ኡባ ሞድያዋነ ካዉተ ባረ ኮዬዳ ኡራዉ እምያዋ ኔን ኤራና ጋካናዉ፥ ላፑን ላይይ ነ ቦላን አና።26“ዱሩማይ ባረ ጻጱዋና ጋድያን አታናዳ አዛዘቴዳዌ፥ ኔን ሳሉዋ ጾሳይ ቢታ ኡባ ሞድያዋ ኤርያ ዎደ፥ ነ ካዉተይ ነዉ ስማናዋ በሰ።27ሄዋ ድራዉ፥ ካዎ፥ ታ ዞርያ አካ። ናጋራ ኦያዋ አጋደ፥ ጽሎባ ኦ፤ መቱዋን ኡቁነቴዳዋንታ ናቂያዋ አጋደ፥ ኡንቱንቶ ቃረታ። ያቶፐ፥ ኔን ሳሮ ደአና ዎዲ አዱቀናን አገና” ያጌዳ።28ሀዌ ኡባይ ካትያ ናቡካዳናጾረ ቦላ ጋኬዳ።29ታማነ ላኡ አግናፐ ጉይያን፥ ካቲ ባብሎነን ደእያ ካትያ ጎልያ ቦላ ደምባይ ኬጼዳሳን ሀመቲደ30ሀዋዳን ያጌዳ፤ ሀዌ ታ ካዉተ ጎሊ አን ደአና ማላ፥ ታን ታ ዎልቃማ ዎልቃን፥ ታ ግታተ ቦንቾ ግምቢሴዳ ባብሎነ ካታማ ግታ ግደኔ? ያጌዳ።31እ ሃሳዪደ ዉርሰናን ደእሽን፥ ሳሉዋፐ ሀዋዳን ግያ ቃላይ ፑቱ ጌዳ፤ ካትያ ናቡካዳናጾራ፥ ነ ቦላን ፕርደቴዳ ፕርዳይ ሀዋ: ነ ካዉተይ ኔፐ አከቴዳ።32ኔን አሳ ግዶፐ የደርሰታደ፥ ባዙዋ ዶኣና ደአና፤ ኔን ቦራዳን ማታ ማና። ኡባፐ ቂያ ጾሳይ አሳ ናናቱ ካዉተ ኡባ ሞድያዋነ ካዉተ እ ባረ ኮዬዳ ኡራዉ እምያዋ ኔን ኤራና ጋካናዉ፥ ላፑን ላይይ ነ ቦላ አና ያጌዳ።33ናቡካዳናጾረ ቦላ ጌዳዌ ባሱዋናካ ፖለቴዳ። አሳ ግዶፐ ጎደቲደ፥ ቦራዳን ማታ ሜዳ። አ ቦላይካ ሳሉዋፐ ዎያ ከተርሳን ካሌዳ። አ ብናናይ አንኩዋ ባልያዳን፥ አ ጹጉንይካ ካፉዋ ጹጉንዳን ድጬዳ።
ናቡካዳናጾር ጾሳ ጋላቴዳ
34ሄ ላፑን ላይይ ዉሬዳ ዎደ፥ ታን ናቡካዳናጾረ ቁ ጋደ ሳሉዋ ጼላድ፤ ታ ዎዛናይ ካሀይካ ስሜዳ። ኡባፐ ቂያ ጾሳ ጋላታድ፤ መናዉ ደእያዋካ ቦንቻድነ ሳባድ።አ ማታይ መና ማታ፤አ ካዉተይካ የለታፐ የለታ ጋካናሳ።35ሳኣን ደእያ አሳይ ኡባይአዉ አያነ ግደና።ሳሉዋን ደእያ መታቱዋ ቦላነሳኣን ደእያ አሳ ቦላእ ባረ ዶሶዋ ኦ።አ ኩሽያ ተአናዉ ዳንዳይያዌ ባዋ፥ዎይ አ አያ ኦይ? ያጊደኦችያዌ ባዋ።36ታ ዎዛናይ ስሚና፥ ታ ካዉተ ቦንቹዋ ድራዉ፥ ታ አንጋይነ ታ ፑላይ ታዉ ስም አጌዳ። ካሰ ታና ዞርያዋንቱነ ታ ካፓቱ ታና ኮዬድኖ። ታን ታ ካዉተን ምናድ፤ ካሰዋፐካ አያ ግታተይ ታዉ ጉጀቴዳ።37ሀእ ስም ታን ናቡካዳናጾር ሳሉዋ ካትያ ጋላታይ፤ አ ቁ ቁ ኦይነ ቦንቻይ። አያዉ ጎፐ፥ እ ኦያባይ ኡባይ ልከ፤ አ ኦገቱ ኡባይካ ጽሉዋ፤ ቃይ ኦቶሩዋን ብያዋንታ እ ካዉሻናዉ ዳንዳዬ ያጌዳ።The Word for the World International