ዳኔላ3
ስድራቃ፥ ምሳቃ፥ አብድናጉዋ ጾሳይ ኤጽያ ታማፐ አሼዳ
1ካቲ ናቡካዳናጾር ጌሳይ ኡሱፑን ታሙ ዋ፥ ጎምፓይ ኡሱፑን ዋ ግድያ ምስልያ ዎርቃፐ መደ፥ ባብሎነ ጋድያን ዱራ ደምባን ኤሴዳ።2ሄ ምስልያ አንጅሳናዉ ያናዳን፥ ካትያፐ ጋርሳና ጋድያ ሞድያዋንታ፥ ሱንቱዋ፥ አዉራጃ ሞድያዋንታ፥ ካትያ ዞርያዋንታ፥ ሚሻ ጎልያን ኦያዋንታ፥ ፕርዳ ዳናቱዋ፥ ህገ ኤራንቻቱዋነ አዉራጃን አዉራጃን ደእያ ሀራ ካፖቱዋ ጼጌዳ።3ያትና፥ ካትያፐ ጋርሳና ጋድያ ሞድያዋንቱ፥ ሱንቱ፥ አዉራጃ ሞድያዋንቱ፥ ካትያ ዞርያዋንቱ፥ ሚሻ ጎልያን ኦያዋንቱ፥ ፕርዳ ዳናቱ፥ ህገ ኤራንቻቱነ አዉራጃን አዉራጃን ደእያ ሀራ ካፓቱ እትፐ ሄ ምስልያ አንጅሳናዉ ሺቂደ፥ ካቲ ናቡካዳናጾር ኤሴዳ ምስልያ ስንን ኤቄድኖ።4ሄ ዎደ አዋዩዋ አዋይያዌ ባረ ቃላ ቁ ኦደ፥ ሀዋዳን ያጌዳ፤ “ህንተኖ፥ አሳዉ፥ ካዉተቶ፥ ዱማ ዱማ ቃላን ሃሳይያ ዛረቶ፥5ኡባይካ ማላካታ፥ ሱሱልያ፥ ዛይያ፥ ማስንቁዋ፥ ዲነ ጮራ ባቀቴዳ ክርያን ዋጸቴዳ ዲነ ሀራ ሙዚቃ ሚሻቱዋ እትፐ ካእያ ዎደ ስሶ ሳናካ፥ ካቲ ናቡካዳናጾረ ኤሴዳ ዎርቃ ምስልያዉ ጉፋኒደ ጎይንተ።6ምስልያ ስንን ጉፋኒደ ጎይነና ኦንነ ሄ ሳትያን ኤጽያ እቶንያ ታማ ግዶ ኦለታና” ያጌዳ።7አሳይ ኡባይ፥ ካዉተቱ ኡባይነ ዱማ ዱማ ቃላን ሃሳይያ ዛራቱ ኡባይ ማላካታ፥ ሱሱልያ ዛይያ፥ ማስንቁዋ፥ ዲነ ጮራ ባቀቴዳ ክርያን ዋጸቴዳ ዲ እትፐ ካእያ ዎደ ስሶ ሳናካ፥ ሳኣን ጉፋኒደ፥ ካቲ ናቡካዳናጾር ኤሴዳ ዎርቃ ምስልያዉ ጎይኔድኖ።ምስልያዉ ጎይነናን እጽና ሄዙ አይሁዳቱዋ ሞቴድኖ
8ሄዋ ድራዉ፥ ሄ ዎደ እት እት ባብሎነ አሳቱ ስንዉ አደ፥ አይሁዳቱዋ ሞቴድኖ።9ኡንቱንቱ ካትያ ናቡካዳናጾራ ሀዋዳን ያጌድኖ፤ “ካትያዉ፥ መናዉ ደአ።10ካትያዉ፥ ኔን ማላካታ፥ ሱሱልያ፥ ዛይያ፥ ማስንቁዋ፥ ዲነ ጮራ ባቀቴዳ ክርያን ዋጸቴዳ ዲ እትፐ ካእያ ዎደ፥ ስስያ ኦንነ ሳኣን ጉፋኒደ፥ ዎርቃ ምስልያዉ ጎይናናዳን፥11ቃይ ሳኣን ጉፋኒደ ጎይነና አሳይ ደኦፐ፥ ኤጽያ እቶነ ታማ ግዶ ኦለታናዳን አዋዩዋ ከሳዳ።12ሽን ካትያዉ፥ ኔን ባብሎነ ቢታ ቦላ ሱንዳ አይሁዳቱ፥ ስድራቅ፥ ምሳቅነ አብዳናጉ ነ አዛዙዋ እጼድኖ፤ ነ ጾሳቶ ኦክኖ፤ ቃይ ነ ኤሴዳ ዎርቃ ምስልያዉካ ጎይንክኖ” ያጌድኖ።13ናቡካዳናጾር ሄዋ ስሴዳ ዎደ፥ ሀንቁዋ ኤጽ ከሲደ፥ ስድራቃ፥ ምሳቃነ አብዳናጋ አሀናዳን አዛዜዳ። ኡንቱንታ ካትያ ስን አሄድኖ።14ናቡካዳናጾር ኡንቱንታ ሀዋዳን ያጌዳ፤ “ስድራቃ፥ ምሳቃ፥ አብዳናጎ፥ ሀ ህንተ ታ ጾሳቶ ኦናዌነ ታ ኤሴዳ ዎርቃ ምስልያዉ ጎይነናዌ ቱሜ?15ሀእ ማላካታ፥ ሱሱልያ፥ ዛይያ ማስንቁዋ፥ ዲነ ጮራ ባቀቴዳ ክርያን ዋጸቴዳ ዲነ ሀራ ሙዚቃ ሚሻቱዋ ካእያዋ ስሶ ዎደ፥ ታን ኤሴዳ ምስልያዉ ጉፋኒደ ጎይኖፐ፥ ዳሮ ሎአ። ሽን ህንተ ጎይነናን እጾፐ፥ ኤለካ ኤጽያ እቶንያ ታማ ግዶን ኦለታና። አይ ጾሳቱ ህንተና ታ ኩሽያፐ አሻናዌ?” ያጌዳ።16ሽድራቅ፥ ምሻቅነ አብዳናጉ ካትያዉ ዛሪደ፥ “ካትያዉ፥ ናቡካዳናጾራ፥ ሀ የዉዋ ኑን ነዉ ዛሩዋ እማናዉ በሰና።17ካትያዉ፥ ኑን ኤጽያ እቶነ ታማ ግዶ ኦለትንቶካ፥ ኑን አዉ ኦያ ጾሳይ ሄ ታማፐ አሻናዉ ዳንዳዬ። ቃይ ካትያዉ፥ እ ኑና ነ ኩሽያፐካ አሻና።18ሽን ካትያዉ፥ ኡባ እ ኑና አሸናን እጽንቶካ፥ ኑን ነ ጾሳቶ ኦናዋነ ኔን ኤሴዳ ዎርቃ ምስልያዉ ጎይነናዋ ኤራ” ያጌድኖ።ሄዙ አይሁዳቱዋ ሀይቆ ፕርዴድኖ
19ሄ ዎደ ናቡካዳናጾር ሽድራቃ፥ ምሻቃነ አብዳናጎ ቦላ ሀንቁዋ ሱሌዳ፤ አ ሶምኢ ኡንቱንቶ ካሰዋፐ ዱማቴዳ። ታማይ ካሰ ኤጽያዋፐ ላፑን ኩሽያ አደ ኤጻናዳን አዛዜዳ።20ሽድራቃ፥ ምሻቃነ አብዳናጋ ቃቺደ፥ ኤጽያ እቶንያ ታማ ግዶ ኦላናዳን፥ ባረ ኦላንቻቱዋ ግዶፐ ምኖ አሳቱዋ አዛዜዳ።21ያትና፥ ሀ አሳቱዋ፥ ኡንቱንቱ ማዩዋና፥ ሱርያና፥ ሁጲያን ጻጼዳ ጻናነ ሀራ ማዩዋ ኡባና ጋ ቃቺደ፥ ኤጽያ እቶንያ ታማ ግዶ ኦሌድኖ።22ካትያ አዛዙ ሎይ ኤሌልስያዋ ግዴዳ ድራዉነ እቶንያ ታማይካ ካሰዋፐ አ ኤጽያ ድራዉ፥ ስድራቃ፥ ምሳቃነ፥ አብዳናጋ ታማን ኦሌዳ ሄ ምኖ አሳቱዋ ታማ ላጩ ላቢደ ዎዳ።23ሀ ሄዙ ቃሸቴዳ አሳቱ፥ ሽድራቅ፥ ምሻቅነ አብዳናጉ፥ ኤጽያ እቶነ ታማ ግዶ ዎድኖ።24ሄዋፐ ጉይያን፥ ካቲ ናቡካዳናጾር ባረና ማላልስና ኤለካ ደንድ ኤቂደ፥ “ኑን ቃቺደ ኤጽያ እቶንያ ታማ ግዶ ኦሌዳ አሳቱ ሄዛ ግድክኖየ?” ያጊደ ባረና ዞርያዋንታ ኦቼዳ።ኡንቱንቱ፥ “ካትያዉ፥ ኤ ሄዛ” ያጊደ ዛሬድኖ።25ካቲ ዛሪደ፥ “በእተ፥ ታን ቃሹዋፐካ ብለቴዳ፥ ታማ ግዶን ያ፥ ሃ ሀመትያ፥ ታማይካ አይነ ቦቼና ኦይዱ አሳቱዋ በአይ! ኦይደን ቃይ ጾሳቱዋ ናኣ ማላቴ” ያጌዳ።
ሄዙ አይሁዳቱ ታማፐ ከሴድኖ
26ያትና፥ ናቡካዳናጾር ኤጽያ እቶነ ታማ ማታ ሺቂደ፥ ባረ ቃላ ቁ ኦደ፥ “ኡባፐ ቂያ ጾሳ ቆማቶ፥ ሽድራቃ፥ ምሻቃ፥ አብዳናጎ፥ ከስተ! ሃይተ!” ያጊደ ጼጌዳ። ያትና፥ ሽድራቅ፥ ምሻቅነ አብዳናጉ ታማ ግዶፐ ከሴድኖ።27ካትያፐ ጋርሳና ቢታ ሞድያዋንቱ፥ ሱንቱ፥ አዉራጃ ሞድያዋንቱ፥ ካትያዉ ኦያ ሀራ ካፓቱ ኡባይ ኡንቱንቱኮ ሺቄድኖ። ታማይ ኡንቱንቱ ቦላ ቦችቤናዋ፥ ኡንቱንቱ ሁጲያ ብናናፐ እቱካ ማላተትቤናዋ፥ ኡንቱንቱ ማዩካ ቦሸትቤናዋነ ታማ ፔኑካ ኡንቱንቱን ባይናዋ በኤድኖ።28ሄዋፐ ጉይያን፥ ናቡካዳናጾር ሀዋዳን ያጌዳ፤ “ስድራቃ፥ ምሳቃነ አብዳናጎ ጾሳይ ጋላተቶ! እ ባረ ኪታንቻ ኪቲደ፥ ባረናን አማነቴዳ ባረ ቆማቱዋ አሼዳ። ኡንቱንቱ ካትያ አዛዙዋ እጼድኖ፤ ባረንቱ ጾሳፐ አትና፥ ሀራ ጾሳዉ ኦናፐነ ጎይናናፐ ሀይቃናዋ ዶሴድኖ።29ሄዋ ድራዉ፥ ሽድራቃ፥ ምሻቃነ አብዳናጎ ጾሳ ቶቺደ ሃሳይያ አይ አስካ፥ ዎይ አይ ካዉተይካ፥ ዎይ ዱማ ዱማ ቃላን ሃሳይያ አይ ዛሪካ ቃንጸታናነ ሙጸታና ማላ፥ ኡንቱንቱ ጎሊካ ላለቲደ፥ ፕቱ ኦለትያ ሳኣ ግዳና ማላ፥ ታን አዋያድ። አያዉ ጎፐ፥ ሀራ አይ ጾስነ ሀዋዳን ኦደ፥ አሳ አሸና” ያጌዳ።30ሄዋፐ ጉይያን፥ ካቲ ሽድራቃ፥ ምሻቃነ አብዳናጋ ባብሎነ ጋድያን ቁ ቁ ኦደ ሱንዳ።The Word for the World International