LUKAS17
1Tahui Yesus kuhui lukun murid-murid-Ne, “Hal-hal sa gawi lun bodosa sareh sagar naan. Tapi bajangan lun gawi lun lain bodosa!2Labih asuh amun watu pinggilingan sunuruk tei diung ne, tahui ne tanampi huluk tahik neke ne pasasat isa neke lun-lun sa leme kaprasaya ne.3Gana hiyo, bagati! Amun puloksanai nu bodosa, sempo ne bo. Amun ne meneser, ngampun ne bo.4Bat amun ne bodosa lukun nu pitu kali huang erai andrau, lukun sitiap kali ne hulet tong nu tahui kuhui lukun nu, ‘Ku onok maap,’ maka ngampun ne bo.5Tahui kuduablas rasul-rasul kuhui lukun Tuhan Yesus, “Tuhan, awi kaprasaya kamin jari labih kuat.”6Samut Yesus, “Amun kaprasaya kon kagaya insoi sasawi, kon inuh kuhui lukun poneng ara ti, ‘Mingkibut hanyu lukun bukule tei tahik,’ sareh poneng ara ti sagar tumun perentah nu.”7“Seandaine naan lun tei antara kon ampun hamba sa membajak atawa melum domba-domba nu. Libas hamba hiyo mudi neke gawian ne, hiye nu sagar kuhui lukun ne, ‘Ayu tihut, kuman dele!’?8Sareh mo! Bat nu sagar kuhui lukun ne, ‘Nyiap pongokan dela ku. Pakai pakaian sa barasih lukun kandrei ku tandring ku kuman lukun kinum; libas hiyo hanyu tau kuman.’9Hamba hiyo mo usah tanango gana haot tumun perentah tuan ne, behene?10Ngunau hiyo lei lukun murid-murid-Ku. Amun kon haot gawi kongoreng sa penerentah Ku, maka kon harus kuhui, ‘Kamin hamba-hamba biasa bo, sa mo pantas nirime punguhui terima kasih. Kamin kohoi gawi kewajiban kamin.’”11Tahui Yesus narus pangalan tong Yerusalem, nahalau perbatasan antara Samaria lukun Galilea.12Samale Yesus lukun murid-murid-Ne huluk tong isa desa, supuluh kulun sa bereten upak sa maka akut kahalu-Ne tapi mindri teke oro.13Ire mingkiak, “Yesus! Bapak Guru! Ngahi kamin!”14Rahat Yesus neau ire, Ne kuhui, “Tulak tong imam-imam, onok de ire mariksa tenga kon.” Tandring ire malan maeh reten ire.15Rahat erai kulun neke ire neau ne haot maeh, ne waleng sansaluh begoh nango Allah.16Tahui ne sujud tei pee Yesus, lukun kuhui sukur tong-Ne. Lun hiyo neke suku Samaria.17Tahui Yesus kuhui, “Maka naan supuluh kulun sa panamaeh, tei awe sa sueine eso?18Kunohiye kohoi lun asing ti bo sa waleng kuhui sukur tong Allah?”19Tahui Yesus kuhui lukun lun hiyo, “Mindri, tulak bo. Gana nu prasaya lukun Ku, nu maeh.”20Tei isa andrau, pipire lun Parisi tane lukun Yesus, “Hayak awe Kerajaan Allah sagar hulet?”
Yesus nyamut, “Kerajaan Allah mo inuh damalai lukun siri-siri sa inuh teneau lun.21Hampe lun inuh kuhui, ‘Ayu teau, ti Ne!’ Atawa ‘Tei anai Ne!’ Gana Allah haot malai merentah tei botuk-botuk kon.22Libas hiyo Yesus kuhui lukun murid-murid-Ne, “Sagar hulet waktune kon kakan neau isa andrau neke andrau-andrau Anak Mirisia, tapi kon mo inuh neaune.23Nireh lun sagar kuhui lukun kon, ‘Teau, tei hiyo!’ Atawa, ‘Teau, tei ti!’ Tapi ada kon tong ongon kelo ne.24Ngunau kelat mamansar tei langit, lukun narawa langit neke mpak tong mpak, ngunau hiyo lei Anak Mirisia tei andrau punguhulet-Ne.25Tapi Ne harus deo mantais dele lukun mo tinirime awi lun-lun tei jaman ti.26Keadaan dinia dini punguhulet Anak Mirisia, sagar sama ngunau keadaan dinia tei jaman Nuh.27Lun-lun kuman, kinum, kawin-mangawin ngunau biasa, hampe tei andrau Nuh lukun keluarga ne huluk tong huang jukung ne sa gaya. Tahui jari juhu gaya sa ngibinasa kongoreng lun tei hiyo.28Ngunau hiyo lei jaman Lot. Lun-lun tei kota Sodom kuman, kinum, midi, ngiai, sungkule, mangun, ngunau biasa.29Tapi tei andrau Lot lukun keluarga ne losek neke kota Sodom, apui lukun milirang minau neke langit ngunau uran labat. Allah ngibinasa kongoreng lun tei kota hiyo.30Ngunau hiyo lei keadaan ne nireh tei andrau Anak Mirisia peleha arep-Ne tong umat mirisia.31Tei waktu hiyo, lun sa rahat naan tei hapau blai, ada minau de nigo harta banda sa naan tei huang blai ne. Ngunau hiyo lei lun sa rahat tei ume, ada waleng tong blai.32Kingat hukuman sa jari lukun ohe Lot!33Lun sa brusaha nyalamat welum ne, sagar jawoh welum ne. Tapi lun sa jawoh welum ne sagar nyalamat ne.34Ringo ti: Tei kiwa hiyo, naan rueh lun sa mandre tei uneng sa sama. Erai kulun sagar dokoit, erai kulun sagar dewelah.35Rueh lun wawei rahat ngigiling gandum. Isa sagar dokoit, tapi isa ne sagar dewelah.36[Rueh kulun rahat bagawi tei ume, isa sagar dokoit, lukun isa eso dewelah.]”37Murid-murid Yesus tane, “Tei awe nehiyo sagar jari, Tuhan?”
Samut Yesus, “Tei awe naan bangkai, tei hiyo naan pupulu sa kuman bangkai.”
Yesus nyamut, “Kerajaan Allah mo inuh damalai lukun siri-siri sa inuh teneau lun.21Hampe lun inuh kuhui, ‘Ayu teau, ti Ne!’ Atawa ‘Tei anai Ne!’ Gana Allah haot malai merentah tei botuk-botuk kon.22Libas hiyo Yesus kuhui lukun murid-murid-Ne, “Sagar hulet waktune kon kakan neau isa andrau neke andrau-andrau Anak Mirisia, tapi kon mo inuh neaune.23Nireh lun sagar kuhui lukun kon, ‘Teau, tei hiyo!’ Atawa, ‘Teau, tei ti!’ Tapi ada kon tong ongon kelo ne.24Ngunau kelat mamansar tei langit, lukun narawa langit neke mpak tong mpak, ngunau hiyo lei Anak Mirisia tei andrau punguhulet-Ne.25Tapi Ne harus deo mantais dele lukun mo tinirime awi lun-lun tei jaman ti.26Keadaan dinia dini punguhulet Anak Mirisia, sagar sama ngunau keadaan dinia tei jaman Nuh.27Lun-lun kuman, kinum, kawin-mangawin ngunau biasa, hampe tei andrau Nuh lukun keluarga ne huluk tong huang jukung ne sa gaya. Tahui jari juhu gaya sa ngibinasa kongoreng lun tei hiyo.28Ngunau hiyo lei jaman Lot. Lun-lun tei kota Sodom kuman, kinum, midi, ngiai, sungkule, mangun, ngunau biasa.29Tapi tei andrau Lot lukun keluarga ne losek neke kota Sodom, apui lukun milirang minau neke langit ngunau uran labat. Allah ngibinasa kongoreng lun tei kota hiyo.30Ngunau hiyo lei keadaan ne nireh tei andrau Anak Mirisia peleha arep-Ne tong umat mirisia.31Tei waktu hiyo, lun sa rahat naan tei hapau blai, ada minau de nigo harta banda sa naan tei huang blai ne. Ngunau hiyo lei lun sa rahat tei ume, ada waleng tong blai.32Kingat hukuman sa jari lukun ohe Lot!33Lun sa brusaha nyalamat welum ne, sagar jawoh welum ne. Tapi lun sa jawoh welum ne sagar nyalamat ne.34Ringo ti: Tei kiwa hiyo, naan rueh lun sa mandre tei uneng sa sama. Erai kulun sagar dokoit, erai kulun sagar dewelah.35Rueh lun wawei rahat ngigiling gandum. Isa sagar dokoit, tapi isa ne sagar dewelah.36[Rueh kulun rahat bagawi tei ume, isa sagar dokoit, lukun isa eso dewelah.]”37Murid-murid Yesus tane, “Tei awe nehiyo sagar jari, Tuhan?”
Samut Yesus, “Tei awe naan bangkai, tei hiyo naan pupulu sa kuman bangkai.”
Pioneer Bible Translators