LUKAS16
1Yesus kuhui lukun murid-murid-Ne, “Ampun erai kulun lun sugih. Ne ampun erai kulun pagawai keuangan sa ngurus kusugihan ne. Lun sugih hiyo nirime laporan bahwa pagawai keuangan ne ngoboros duit ne.2Maka lun sugih hiyo nerau pagawai hiyo. Uhui ne, ‘Ku haot kiringo tandrah sa dat tentang gawian nu! Hayakti, nu harus ngokoi laporan kusugih ku sa kunurus nu. Nu awe tau eso jari pagawai keuangan ku.3Tahui, pagawai hiyo bipikir huang aheng, ‘Akai! Ku sagar peneteno. Hiye sa harus dakawi ku hayakti? Jari tukang cangkul, mo tau gana ku mo gagah. Jari pengemis, ku mangan.’4Ti akal ku. Amun ku peneteno, ku harus naan deo tuyang sa kakan sanampat ku tei blai ire.’5Jari pagawai keuangan hiyo nerau tiap lun sa buutang lukun tuan ne. Ne batane lukun lun sa tema, ‘Pire kedeo utang nu lukun tuan ku?’6Lun hiyo nyamut, ‘Saratus pahat minyak Jaitun.’
Pagawai hiyo kuhui, ‘Ti satatan utang nu. Golek nu maharung, nganti isi ne. Tulis jari dimem pulu bo.’7Libas hiyo ne tane lukun lun sa kurueh, ‘Pire kedeo utang nu?’
Lun hiyo nyamut, ‘Siribu karung gandum.’
Pagawai hiyo kuhui, ‘Ti satatan utang nu. Tulis jari walu jatuh bo.’8Maka tuan neke pagawai keuangan sa mo jujur hiyo nango pagawai ne hiyo gana gawian ne sa deo akal. Gana lun-lun dinia ti labih deo akal ngatur urusan ire neke lun-lun sa welum huang tarawa.9Tahui Yesus bapaner pudi uhui-Ne, ‘Ringo ti! Pakai bo kusugih dinia ti de halu tuyang, de amun kusugih dinia ti haot awe buuman eso kon sagar tinirime tei huang uneng sa selamane.10Lun sa tau panarasaya huang hal-hal kidik, tau panarasaya lei huang hal-hal gaya. Tapi lun sa mo tau panarasaya huang hal-hal kidik, mo tau panarasaya lei huang hal-hal gaya.11Maka, amun kon mo tau panarasaya lukun kusugih tei dinia ti, sareh kon mo sagar panarasaya lukun kusugih sa subujurne.12Lukun amun tentang barang sa kanampun lun lain, kon tubukti mo tau panarasaya, hiye sa kakan ngokoi harta nu dela nu?13Mo mungkin hamba bagawi dela rueh tuan. Amun ne ngunau hiyo, ne sagar labih sinta isa tuan neke sa lainne. Ne sagar setia lukun isa tuan, neke sa lainne. Ngunau hiyo lei lukun kon. Mo mungkin kon jari hamba Allah tei rahat sa sama kon gin jari hamba kusugih.”14Lun-lun Parisi kiringo kongoreng sa dukuhui awi Yesus. Tahui ire kimihi-Ne, gana ire jorih duit.15Tapi Yesus kuhui lukun ire, “Kon brusaha tei tama lun lain de kon teneau asuh lukun talalahui bujur, tapi Allah tanau huang aheng kon. Gana hiye sa kananggap moh awi mirisia, teneau uwa awi Allah.16Hukum sa dokokoi awi Musa lukun ajaran nabi-nabi, tatap berlaku hampe masa Yohanes Pembaptis. Malai neke masa hiyo Kabar Asuh ngunau awe Allah memerentah jari Raja sa talalahui kinibirita. Lukun lun ngarasi arep de jari anggota umat Allah.17Tapi labih murah de langit lukun bumi jawoh, neke isa hurup huang Hukum Allah sa mo jari.18Amun naan laki sa pasarak ohe ne tahui kawin lukun wawei lain, laki hiyo dusa. Ngunau hiyo lei lukun laki sa kawin lukun wawei sa panasarak wane ne, laki hiyo dusa.”19“Naan lun sugih, sa pakaian ne larang-larang, lukun welum ne mewah tiap andrau.20Tei jawong pagar blai ne naan lun susah sa kading tei hiyo, aran ne Lasarus. Deo bebene puyu tei kongoreng tenga ne.21Bat sawayan tahu tei hiyo hulet nelap puyu ne. Lasarus kakan bebene kuman okan sa ratu neke meja lun sugih hiyo.22Akhirne lun susah hiyo melah, tahui malaikat-malaikat koit ne tong uneng sa terhormat tei lepeh Abraham tei surga. Lun sugih hiyo gin matei tahui konogang.23Tei dinia lun matei ne mantais bebene. Hayak ne neau tong moh, ne neau Abraham tei uneng sa oro lukun Lasarus naan tei lepeh Abraham.24Ne nerau, ‘Bapak Abraham! Ngahi ku. Singku Lasarus nyolop ingking ne tong huang ranu tahui hulet de pikiso lela ku. Ku bujur mantais bebene tei huang apui ti!’25Tapi Abraham kuhui, ‘Anak ku, ingat waktu nu eso welum, nu nginam welum sa mewah tapi Lasarus nginam welum sa mantais. Hayakti, ne halu sa sanang, tapi nu sa mantais.26Salain hiyo, tei antara nu lukun kamin haot dakawi isa jurang sa gaya, de lun neke hiyo mo inuh tong ti!’ Lun neke ti mo inuh tong hiyo.27Lun sugih hiyo kuhui, ‘Amun ngunau hiyo, ku onok de Bapak nyingku Lasarus tong blai amai ku.28Naan dime puloksanai ku sa eso welum lukun muneng tei hiyo. Singku Lasarus pikingat lukun ire, de ire ada hampe huluk tong huang uneng sa mantais ti.’29Tapi Abraham kuhui, ‘Kongoreng puloksanai nu hiyo haot ampun kitab-kitab Musa lukun kitab-kitab nabi-nabi. Ire harus tumun kongoreng sa tunulis tei huang kitab-kitab hiyo!’30Lun sugih hiyo kuhui, ‘Hiyo mo sukup, Bapak Abraham. Tapi amun naan lun matei sa welum waleng tahui hulet tong ire, ire sagar botobat neke dosa-dosa ire.’31Abraham kuhui, ‘Amun ire mo tumun hiye sa tunulis huang kitab-kitab Musa lukun kitab-kitab nabi-nabi, sareh ire mo prasaya ble naan lun matei welum waleng.’”
Pagawai hiyo kuhui, ‘Ti satatan utang nu. Golek nu maharung, nganti isi ne. Tulis jari dimem pulu bo.’7Libas hiyo ne tane lukun lun sa kurueh, ‘Pire kedeo utang nu?’
Lun hiyo nyamut, ‘Siribu karung gandum.’
Pagawai hiyo kuhui, ‘Ti satatan utang nu. Tulis jari walu jatuh bo.’8Maka tuan neke pagawai keuangan sa mo jujur hiyo nango pagawai ne hiyo gana gawian ne sa deo akal. Gana lun-lun dinia ti labih deo akal ngatur urusan ire neke lun-lun sa welum huang tarawa.9Tahui Yesus bapaner pudi uhui-Ne, ‘Ringo ti! Pakai bo kusugih dinia ti de halu tuyang, de amun kusugih dinia ti haot awe buuman eso kon sagar tinirime tei huang uneng sa selamane.10Lun sa tau panarasaya huang hal-hal kidik, tau panarasaya lei huang hal-hal gaya. Tapi lun sa mo tau panarasaya huang hal-hal kidik, mo tau panarasaya lei huang hal-hal gaya.11Maka, amun kon mo tau panarasaya lukun kusugih tei dinia ti, sareh kon mo sagar panarasaya lukun kusugih sa subujurne.12Lukun amun tentang barang sa kanampun lun lain, kon tubukti mo tau panarasaya, hiye sa kakan ngokoi harta nu dela nu?13Mo mungkin hamba bagawi dela rueh tuan. Amun ne ngunau hiyo, ne sagar labih sinta isa tuan neke sa lainne. Ne sagar setia lukun isa tuan, neke sa lainne. Ngunau hiyo lei lukun kon. Mo mungkin kon jari hamba Allah tei rahat sa sama kon gin jari hamba kusugih.”14Lun-lun Parisi kiringo kongoreng sa dukuhui awi Yesus. Tahui ire kimihi-Ne, gana ire jorih duit.15Tapi Yesus kuhui lukun ire, “Kon brusaha tei tama lun lain de kon teneau asuh lukun talalahui bujur, tapi Allah tanau huang aheng kon. Gana hiye sa kananggap moh awi mirisia, teneau uwa awi Allah.16Hukum sa dokokoi awi Musa lukun ajaran nabi-nabi, tatap berlaku hampe masa Yohanes Pembaptis. Malai neke masa hiyo Kabar Asuh ngunau awe Allah memerentah jari Raja sa talalahui kinibirita. Lukun lun ngarasi arep de jari anggota umat Allah.17Tapi labih murah de langit lukun bumi jawoh, neke isa hurup huang Hukum Allah sa mo jari.18Amun naan laki sa pasarak ohe ne tahui kawin lukun wawei lain, laki hiyo dusa. Ngunau hiyo lei lukun laki sa kawin lukun wawei sa panasarak wane ne, laki hiyo dusa.”19“Naan lun sugih, sa pakaian ne larang-larang, lukun welum ne mewah tiap andrau.20Tei jawong pagar blai ne naan lun susah sa kading tei hiyo, aran ne Lasarus. Deo bebene puyu tei kongoreng tenga ne.21Bat sawayan tahu tei hiyo hulet nelap puyu ne. Lasarus kakan bebene kuman okan sa ratu neke meja lun sugih hiyo.22Akhirne lun susah hiyo melah, tahui malaikat-malaikat koit ne tong uneng sa terhormat tei lepeh Abraham tei surga. Lun sugih hiyo gin matei tahui konogang.23Tei dinia lun matei ne mantais bebene. Hayak ne neau tong moh, ne neau Abraham tei uneng sa oro lukun Lasarus naan tei lepeh Abraham.24Ne nerau, ‘Bapak Abraham! Ngahi ku. Singku Lasarus nyolop ingking ne tong huang ranu tahui hulet de pikiso lela ku. Ku bujur mantais bebene tei huang apui ti!’25Tapi Abraham kuhui, ‘Anak ku, ingat waktu nu eso welum, nu nginam welum sa mewah tapi Lasarus nginam welum sa mantais. Hayakti, ne halu sa sanang, tapi nu sa mantais.26Salain hiyo, tei antara nu lukun kamin haot dakawi isa jurang sa gaya, de lun neke hiyo mo inuh tong ti!’ Lun neke ti mo inuh tong hiyo.27Lun sugih hiyo kuhui, ‘Amun ngunau hiyo, ku onok de Bapak nyingku Lasarus tong blai amai ku.28Naan dime puloksanai ku sa eso welum lukun muneng tei hiyo. Singku Lasarus pikingat lukun ire, de ire ada hampe huluk tong huang uneng sa mantais ti.’29Tapi Abraham kuhui, ‘Kongoreng puloksanai nu hiyo haot ampun kitab-kitab Musa lukun kitab-kitab nabi-nabi. Ire harus tumun kongoreng sa tunulis tei huang kitab-kitab hiyo!’30Lun sugih hiyo kuhui, ‘Hiyo mo sukup, Bapak Abraham. Tapi amun naan lun matei sa welum waleng tahui hulet tong ire, ire sagar botobat neke dosa-dosa ire.’31Abraham kuhui, ‘Amun ire mo tumun hiye sa tunulis huang kitab-kitab Musa lukun kitab-kitab nabi-nabi, sareh ire mo prasaya ble naan lun matei welum waleng.’”
Pioneer Bible Translators