LUKAS10
1Libas hiyo Tuhan Yesus medi pitum pulu sa lain. Ne nyingku ire burueh-burueh kulun nyompono Ne tong kongoreng kota sa sagar dekentong-Ne2Samale ire tulak,Ne kuhui lukun ire, “Hasil sa sagar dawasi bujur deo, tapi lun sa bagawi de masine kohoi doho. Jari, onok lukun sa ampun ume hiyo de Ne nyingku deo lun-lun sa bagawi de masi hasil ume-Ne.3Nah, tulak! Ku nyingku kon sama ngunau anak-anak domba tei botuk serigala-serigala.4Ada koit epau, tas wahasi, sandal. Huang pangalan kon, ada nampi waktu tunuk de ngokoi salam.5Samale kon huluk isa blai, uhui bo salam damai ti ‘Madahan Allah ngokoi damai sejahtra tong kongoreng keluarga tei ti.’6Amun tei hiyo naan lun sa jorih damai, salam damai nu hiyo sagar tatap teine; amun mo, maka salam hiyo sagar waleng tong kon.7Hiye bo sa nirime kon huang blai, muneng tei hiyo bo ada watun-watun neke blai sa isa tong blai sa lain. Lun sa bagawi berhak nirime upa. Jari kuman lukun kinum bo hiye sa dokokoi ire tong kon.8Tei kota awe bo kon tinirime kuman hiye bo sa sinidia ire dela kon.9Pamaeh lun-lun sa bereten tei kota hiyo. Kuhui lukun lun-lun tei hiyo, ‘Kerajaan Allah haot dini lukun nu.’ 10Tapi amun kon mo tinirime tei isa kota, losek tong alan lukun kuhui,11‘Kamin noyak kota kon ti. Hampe dabu sa leket tei pee kamin, tenempur kamin de peringatan lukun kon. Ringo! Kerajaan Allah haot dini.’12Tapi, tei Andrau Penghakiman Allah nireh, hukuman dela kota ti sagar labih weat neke hukuman dela kota-kota tei Sodom jaman hurap.” 13Tahui Yesus kuhui, “Allah sagar nguhukum kon tei kota Korasim lukun Betsaida. Ku haot gawi deo mujisat tei botuk-botuk kon. Tapi kon mo melah dosa tahui welum pasanang aheng Allah. Jakane, Ku gawi mujisat-mujisat hiyo tei kota Tirus lukun Sidon, sareh lun-lun tei anai haot ela melah dosa ire, pakai pakaian dat sehu tahui ngopet abu tei munan utek ire.”14Tei Andrau Penghakiman Allah, lun-lun Tirus lukun Sidon sagar labih murah kanampun Allah neke kon.15Lukun nu, Kapernaum! Nu mikir, nu sagar konohormat hampe tong sorga? Mo! Bat nu sagar dalampi tong neraka!”16Tahui Yesus kuhui eso lukun pitum pulu uma-Ne sa siningku iroh, “Lun sa kiringo kon, sama ngunau kiringo Ku. Lun sa nulak kon, sama ngunau nulak Ku, Lun sa nulak Ku, sama ngunau nulak Allah sa nyingku Ku.”17Kipitum pulu murid hiyo iroh waleng lukun begoh. Uhui ire lukun Yesus, “Tuhan, roh-roh jahat gin tumun rahat kamin ngusirne pakai kuasa huang aran Nu.”18Tahui uhui Yesus lukun ire, “Ku haot neau Raja Setan ratu neke langit ngunau kelat. 19Ringo! Ku haot ngokoi kuasa lukun kon de najek nipe lukun puyakala tahui petepu kongoreng kagagah musuh, awe naan sa tau pajangan kon.20Tapi labih asuh ada begoh gana roh-roh jahat harus tumun lukun kon. Naan alasan sa labih penting de begoh, nehiyo gana aran nu haot kanadaptar huang buku anggota keluarga Kerajaan Allah.21Tei waktu hiyo lei, roh Allah gawi Yesus sanang aheng. Uhui Yesus, “Bapa, Hanyu nguasa kongoreng dinia ti. Ku busukur gana Hanyu gawi de lun pintar lukun sa sukulah mo inuh paham ajaran-ajaran Ku. Hanyu putundru kongorengne hiyo tong lun sa danggap mo penting. Oi, Bapa, sara hiyo pasanang aheng-Nu!”22Tahui Yesus kuhui lukun lun-lun sa uma-Ne, “Bapa-Ku haot ngokoi kongoreng susuatu tong-Ku. Awe naan isa lun sa bujur-bujur kinut Ku, selain Bapa. Awe naan lei sa bujur-bujur nginut Bapa selain Ku, Anak-Ne, lukun lun-lun sa Ku kakan pikinut Bapa lukun ire.23Libas hiyo, Yesus neau tong murid-murid-Ne. Uhui-Ne kusus lukun ire bo, “Kon keneberkat Allah gana sempetan neau Ku lukun kongoreng gawian-Ku.24Gana ingat: Deo nabi lukun raja neke jaman hurap kakan neau kongoreng sa teneau kon, tapi ire mo tau neau. Ire kakan kiringo kongoreng sa diringo kon, tapi ire mo tau kiringo.”25Tahui, naan guru agama Yahudi mindri de nompojok Yesus. Ne tane, “Bapa Guru, hiye sa harus dakawi ku de tau welum selamane?”26Yesus nyamut, “Hiye sa tunulis huang Hukum Taurat? Hiye pendapat nu tentang sa kanabasa nu tei hiyo?”27Lun hiyo nyamut, “Sinta lukun Tuhan Allah nu lukun kongoreng aheng nu, kongoreng jiwa nu, kongoreng kukuatannu lukun kongoreng pikirannu, lukun sinta sasamanu ngunau nu sinta arep nu gagalo.” 28Uhui Yesus, “Samut nu hiyo bujur. Awi hiyo, maka nu sagar welum.”29Tapi guru agama Yahudi hiyo kakan ngampang arep ne, jari ne tane lukun Yesus, “Hiye sasama ku hiyo?”30Yesus nyamut lukun perumpamaan uhui-Ne, “Naan lun Yahudi minau neke kota Yerusalem tong Yerikho.Tei bengkang alan ne sanarang parampok. Kongoreng sa naan tei ne oreng darampas. Ne konompak hampe setengah matei, tahui dewelah ngarampalek tei alan.31Katangaran naan imam lun Yahudi malan tei alan hiyo lei. Rahat ne neau lun hiyo, ne nyiliah tong hila alan, tahui tarus malan.32Ngunau hiyo lei naan lun neke lului Lewi malan tei hiyo. Rahat ne neau lun hiyo, ne gin nyiliah tong hila alan, tahui tarus malan.33Tapi naan lun Samaria sa rahat malan, nangkah tei hiyo. Rahat ne neau lun hiyo, ne ahi.34Tahui kinidinine lun hiyo tahui ngarasih batan-batanne pakai angur. Ne nawasne pakai minyak, tahui mabat batan-batan hiyo. Ne pakamai lun hiyo tong munan keledaine tahui koitne tong pinginapan, ngarawatne tei hiyo.35Kiat andraune ne nigo rueh kapeng duit perak, ngokoine tong sa ampun pinginapan hiyo. Uhuine, “Rawat ne. Amun naan biaya-biaya lainne, ku bayar nireh tei ku waleng.”36Libas hiyo Yesus nupon perumpamaan hiyo lukun panane ti, “Munurut pendapat nu, neke telu lun hiyo hiye sa jari sasama dela lun sa darampok hiyo?”37Samut guru agama Yahudi hiyo,“Lun sa haot putundru kangahi lukun lun hiyo.”
“Nah tulak lukun awi lei ngunau hiyo!” Uhui Yesus.38Tahui Yesus lukun murid-murid-Ne narus pangalan. Ire hampe tei isa desa, tei hiyo naan wawei sa baaran Marta. Ne nirime Yesus tong huang blaine.39Marta naan anine sa wawei baaran Maria. Maria tahui maharung dini pee Tuhan Yesus, kiringo punguhui-Ne.40Tapi Marta aur bebene gawi gawian de malayani. Tahui, ne ngidini Yesus, lukun burumuham. Uhuine, “Tuhan, puloksanai ku hiyo nonop ku bagawi gagalo bo. Tadahne Nu mo pruduli. Singku ne awat ku!”41Tapi Tuhan nyamut, “Marta, Marta, nu gaer lukun aur mimikir deo masam hal.”42Tapi kohoi isa bo sa bujur-bujur perlu. Ani nu haot medi sa asuh, sa mo sagar dikigo nekene.
“Nah tulak lukun awi lei ngunau hiyo!” Uhui Yesus.38Tahui Yesus lukun murid-murid-Ne narus pangalan. Ire hampe tei isa desa, tei hiyo naan wawei sa baaran Marta. Ne nirime Yesus tong huang blaine.39Marta naan anine sa wawei baaran Maria. Maria tahui maharung dini pee Tuhan Yesus, kiringo punguhui-Ne.40Tapi Marta aur bebene gawi gawian de malayani. Tahui, ne ngidini Yesus, lukun burumuham. Uhuine, “Tuhan, puloksanai ku hiyo nonop ku bagawi gagalo bo. Tadahne Nu mo pruduli. Singku ne awat ku!”41Tapi Tuhan nyamut, “Marta, Marta, nu gaer lukun aur mimikir deo masam hal.”42Tapi kohoi isa bo sa bujur-bujur perlu. Ani nu haot medi sa asuh, sa mo sagar dikigo nekene.
Pioneer Bible Translators