Faarotikaa Maxaafa29
Mageniinke Haaso'ixxa Hunna
(Daawwitixxa Faaro)
1Ha'no iimatixxi erganna duuchchaa,Duuchchi Woddik Gootti hunnameessakenna ulfaate'eeken hiyye.2Ulfeeseme'eeke isike summi'a Duuchchi Woddika Gootta saadde;isixxe woyyummake gaachanni'a Duuchchi Woddika Gootta Magenoonfatte.3Duuchchi Woddike Goottik haasso'i abbayyuwwati hana laqisa;Ulfateeki Magen,Duuchchi Woddik Gootti abbayyuwwate'n hana dindime.4Duuchchi Woddike Goottik haaso'i hunna afe'eeken;isiki haaso'inna gaachchanna afe'eeken.5Duuchchi Woddike Goottik haaso'i birbirsuwwa caccasaan;Duuchchi Woddik Gootti Libaanoosika birbirsuwwa caccassaan.6Libaanoosixxa koobuwwa jabbetishsha burraqaashsha assaan;Siriyoonixxa koobuwwanna gafarisiinxe beltannashsha utaaldaashsha assaan.7Duuchchi Woddike Goottik haaso'ibanqo balaqisaan.8Duuchchi Woddike Goottik haaso'i qiilla gammoojje sheke sheke assaan;Duuchchi Woddik Gootti Qaadeesixxa qiilla gammoojjenna lele'misaan.9Duuchchi Woodike Goottik haaso'i qilxa lele'misaan;haqichchuwwiinka shafuwwanna harcaasaan;isike galduma'n hedheek duuchchi haaso'a isika laqaa wodda«Ulfinni Magenokee kadowwaal» hiyyaan.10Duuchchi Woddik Gootti dhi'mo abbayya'ni moyaan;Duuchchi Woddik Gootti ifixxe moyanjummanni duuchchi woddi'a galchaan.11Duuchchi Woddik Gootti arda ifikee hunna uwwaan;nage'akanna uwwee insa'nee eebbisaan.The Word for the World International