Faarotikaa Maxaafa142
Mageniinka Gargaarsa Alfatee'e Shiqqeexxa Soodachcho
Wolo'o Giddo Hedhemma Woddixxa Daawwitixxa Gence
1Hafuura gikki asse'e Duuchchi Woddike Goottibaa raarannon;qarqaarsake'e qonqo qeerrise Duuchchi Woddike Goottibaa soodatannon;2Oodhishsha anxa duuchcha isi edo dhangalaasanno;rakko anixxanna isi edo ku'lannon3Yaadi duuchchi anenaa'n ba'aa woddaati me'injo anka egendeetten;insa'ne me'annoke ora'nisho'iki fonxoro ani'aa fanne'een.4Middanna bita'i'aa uudee afi;ani'aa ege'naaka gophenne;baaje'e fulanobi hedhebaan;ani'aa hedaak hedhabaan.5Ee, Duuchchi Woddike Goottaa, ani atibaa raarannen;«Ati anke gollan;hedhoti manni hedheeke boga'ni ati anke qoobbo» hiyyenne.6Anee gargaaraaka afa gopheennaxxee'eraare anixxa caqasi;anee shorraammaakiir jabake kadeemmaxxeeati anee insa'nenaa'ni gatisi.7Summa atika saadonaaanee usurrakenaa'ni fulchi;ani'aa eloxxa assiteettaxxee'equlliyye anke qarqara'ni qoqqobbaan.The Word for the World International