Faarotikaa Maxaafa141
Galgaliinxa Soodachcho Daawwitixxa Faaro.
1Ee, Duuchchi Woddike Goottaa; atee ye'edhaannenrakke'e anibaa dagi;atibaa soodatanno wodda hafuura anikanna laqi.2Soodachcho anixxi hixaaniinshaiimi'a ke'iseennexxa anga anxa galgaalike tolchishsha assite adhdhi.3Ee, Duuchchi Woddike Goottaa, afo'o ankee heqqanjo uggi;suume anxanna heqqi;4Fuggoxxa assonnaa halchabe'noshsha,fuggoxxa assaaken welti mittomabo'noshsha anee heqqi;eloxxa insa'neexxa ita welti itonnaa anee waaldoxxee.5Qullichchi manji anee ganowwaal, tinni ani'a eloxxen,anee xixowwaal tinni umiinke buurishshaten;aninna tennee gibabe'nonani fuggaaleeyyetixxa huje gibati duuchchi wodda soodatannon.6Hayyoole insa'nexxi bowwaakenaa'ni adadde qolaanchendaan; anki hiyyichchi dhugaate kadeexxa insa'ne egennaan.7Insa'ne «Manji boga ko'ee butuchchammashsha,miqe no'oxxinna iittanni moogiinxe baleke afo'o'ni xeellagendeen» hinaan.8Dada Duuchchik Duuchchi Woddike Goottaa!Ille anxi kinni atibaa uuda'neen;ate'ni gollatannon; yoona anee waaldoxxe'e.9Insa'ne ani'a fanneexxe fonxoronaa'nifuggaaleeyye ani'a uggiteexxe gufonaa'ni anee heqqi.10Ani nage'ik sa'eenaafuggaaleeyye ifi'aanni falteemmaxxe fonxoro'ni abidenddowwaal.The Word for the World International