Faarotikaa Maxaafa138
Galatiinxa Soodachcho
Daawwitixxa Faaro
1Ee, Duuchchi Woddike Goottaa! mitti godobinni atee saadannon;magenuwwii edo faaroti atee saadannon.2Hiyyichcho atikanna summa atika duuchchiinxe yaane irra ulfeesiteettaxxee'eatike woyyichcha galmi darre'n wirri hiyye'e heeshshi qokki hiyyee'e,atixxe jaalalaxxeenna atixxe xuurameessumma'aa summa atika saadannon.3Atee ye'edhenne wodda ani'a hee hitteetten;lubbo anxa jabeessitee hunnameessake anee assitetten.4Ee, Duuchchi Woddike Goottaa!Atike afo'ika haaso'a laqaa wodda buttatik moyanjuwwi duuchchi atee galateeffatuun.5Duuchchi Woddike Goottik gaachchanni lumoke kadeemmaxxee'einsa'ne Duuchchi Woddike Goottika ora faarsinaan.6Duuchchi Woddik Gootti xungote'n hedhoolennabutta hedheeka uudaan;yaane kinni bayyanni hedhe'e hollameessa ege'naan.7Rakko anee qoqqobee'naa me'onnolennaati hedho anxa heqqittatton;anke naaphixxe mufe'n anga atixxa wirri assitee'emiddixxe anga atixxenni anee anjirtatton.8Duuchchi Woddik Gootti ifika yaada ani'a muuxaan;Ee, Duuchchi Woddike Goottaa! Atixxi jaalala duuchchi woddixxen;atixxe angaxxa huje waaldoxxe'e.The Word for the World International