Faarotikaa Maxaafa137
Booji'emeeke Isira'eelike Ardixxa Oodhishsha
1Baabiloonike galaani bira, ofole'e,Tsiyoonii'i qaabbantenne wodda oo'nenne.2Ookko hokokotike haqichchuwwi hana,baganuwwa no'oka fannissenne.3No'oo booji'ee rakkisammak manniookko insa'nee'e gammachchiissaaxxa faaro farsinoonna'aa no'oo lanqe'e«Tsiyoonixxe faaruwwanaa'ni mitte no'aa faarse» hine.4Duuchchi Woddike Goottixxa faaro,no'o hitta annaafe boga'n faarsinnanno?5Tee Iyyerusaalemi, ani atee dedhonnoleanxi middixxi anga huje deetowwaal.6Iyyerusaalemii ani atee qaabbata gophonnole,ani atee anxe gammashsho duuchchanaa'ncaalchisa gophonnole,arrabi anki quumeti dhaphphi hiyyowwaal.7Ee, Duuchchi Woddike Gootta Iyyerusaalemi diigendeexxa barraEedoomiki manni«Diigge, diigge booso isexxanna balleese» hiyyeexxa qaabbati.8Tee Baabiloonii ati diigendatton;ati no'o'ni assitetexxe yaannexxee'ehuje atixxishshanni hira ati'a uwwaak isi eebbiseme'eeken.9Annoole atixxa abide'e kinotixxerassa hana cancaqaak isi eebbiseme'eeken.The Word for the World International