NZABUKUSU YI YOANE9
1Mbazi yitanu yisika kulumenta. Nayena ku yulu lubwetete lumosi lubwa ha butoto. Ni bahaana lo nsabi yi mwelo wu bulu dinsisi ditoma sunda.2Lubwetete luzibula bulu di nsisi ditoma sunda, mwisi wedi totoka momo, wuba bonso mwisi wu kifuudu ki tiya tungolo. Ntangu na mupepe bidyama ku nsye mwisi bewowo.3Makonko matotoka mu kati di mwisi na mamwangana ha luse lu butoto, mpe bahaana mo lulendo lumosi lufwanakani na lulendo luu na zinkutu-nkutu.4Babadika mu vuza bititi bii ha luse lu butoto na bititi bihiika bimamba, mpe na miti mimvimba. Kansi babahaana luve mu hidika kaka misamu mimbi ku bantu bebobo balembolo ba na kidimbu ki Nzambi ha mbunzu.5Babahaana luve ko mu bahonda, kansi mu bayenisa kaka mpasi mu ngonda zitanu. Mpasi zikwe yenisanga makonko, zifwanakani na miswa mi nkutu-nkutu tala ti yitatikidi muntu.6Mu bilumbu bebyobyo, bantu baalomba lufwa, kansi baafwa ko, baatya mu fwa, kansi lufwa lwaabatatukila.7Makonko bemomo, maba mafwanakana na zimpunda zibakubikidi mu nwana mvita. Ha yulu mitu myawu, haba na bima bii bonso mpu ziwola, mpe biini byawu biba bonso biini bi bantu.8Milengi myawu miba bonso milengi mi bakento, mpe meeno mawu maba bonso meeno ma zinkosi.9Ntulu zawu ziba zifukama bonso binkutu bi kisengo kikwe kebanga ntulu, mpe lusuku lu mahahi mawu lufwanakana na lusuku lu makaalu ma bana kwe nani mu muswalu ku zimpunda zizingi mu kwe nwana mvita.10Makonko bemomo, maba na masaka mafuluka mu biba, bonso bii na zinkutu-nkutu, mpe mu masaka mawu muba na lulendo mu hidika ku bantu misamu mimbi, mu ngonda tanu.11Ntinu awu yiba mbazi yi bulu dinsisi disunda, mu ndinga yi kihebeleo nkumbu andi Abadoni na mu ndinga yi kingeleke Apolyoni, mpila mosi ti «Kimwangisi».12Musamu wuntete wumpasi wuhyoka. Ku manima, misamu myole mihiika mimpasi myaakwiza dyaka.13Mbazi yisambanu yisika kulumenta. Nayuwa ndinga yifuma mu masiki maya ma ziku di wola diba kwe yokilanga mananasi ma mfuku yimbote, dii ha ntadisi yi Nzambi.14Ndinga yita ku mbazi yisambanu yisimba kulumenta ti: «Haana kimpwanza ku zimbazi ziya zibakengi bela-bela na nzadi yiyinene yi bakwe tumisinanga ti Efalata.»15Mpe bahaana kimpwanza ku mbazi ziya, zozozo zi bakubika mu kilokola bekyokyo, mu kilumbu bekyokyo, mu ngonda beyoyo na mu mvula beyoyo, mwanki zihonda mwa ndambu yimosi mu ndambu zitatu yi bantu.16Nayuwa lutangu lu zimbulu-mbulu ziba mu yulu zimpunda: luba nkama zole zi byazi.17Ni hahoho, nayena mu mbweno zimpunda na yobobo baba bazakala ha yulu awu: balwata ha ntulu binkutu bi kisengo mu keba ntulu, biba na ntinta yimbwaki bonso tiya, ntinta yi yulu bonso yasente na ntinta yi mwamba ngazi bonso sufele. Mitu mi zimpunda miba bonso mitu mi zinkosi, minwa myawu myedi duukisa tiya, mwisi na sufele.18Bahonda mwa ndambu yimosi mu ndambu zitatu yi bantu mu mayeela matatu ema: tiya, mwisi na sufele medi duuka mu minwa myawu.19Mu dyambu ti, lulendo lu zimpunda ludi mu minwa na mu masaka mawu. Masaka mawu madi bonso zinyoka, mpe mitu myawu ni myamyomyo mi bakwe yenisinanga bantu mpasi.20Bantu bahiika balembolo hondo ku mayeela bemomo, babiika nkadulu awu ko. Babiika ko mu sambila mpeve zimbi, biteki bi wola, bi palata, bi nsongo, bi matadi na bi mabaya bilembolo ba na lulendo mu yena, mu yuwa na mu dyata.21Babiika mu honda ko, mu sadila mpandu ko, kindumba na bwivi ko.
Wycliffe Bible Translators, Inc.