NZABUKUSU YI YOANE13
Bibulu byole
1Mboki, nayena kibulu kimosi kitomboka mu mubu, kiba na masiki kumi na mitu nsambwadi. Kiba mpe kilwata mpu yi kintinu mu kadi siki na mu mitu myandi muba musonama nkumbu ze safudila Nzambi.2Kibulu ki nayena, kiba kifwanakana na ngo, malu mandi maba bonso ma kibulu ki uluse na munwa andi wuba bonso wu nkosi. Ndalango wumuhaana lulendo lwandi, kyandu kyandi ki kintinu na luyaalu lulunene.3Wumosi mu mitu myandi, wuba bonso wulwala mputa yiketi muhonda, kansi mputa yiketi muhonda yihola. Nza yimvimba yiyituku na yilanda kibulu.4Bantu bamvimba bafukama ha ntadisi yi ndalango mu muzitisa, mu dyambu ti wuhaana lulendo ku kibulu. Mpe basambila kibulu na bata ti: «Nani fwanakani na kibulu mpe nani lenda munwanisa e?»5Bamuhaana nzila mu duukisa mpova zimayama na mu safula Nzambi, mpe wutambula lulendo mu sala kisalu mu ngonda makumaya na zole.6Wutona mu safula Nzambi, wusafula nkumbu andi na kibuka ki kakwe banga, mpe na bamvimba bakwe banga ku yulu.7Wutambula lulendo mu nwanisa bantu bavwihulu ku Nzambi, mpe na mu babedisa. Wutambula lulendo mu bifumba bimvimba, mu makanda mamvimba, mu zindinga zimvimba na mu zinsi zimvimba.8Bantu bamvimba baa ha luse lu butoto baamusambila, yobobo bamvimba balembolo ba na nkumbu zisonama, tuka ku mbadukulu yi nza, mu buuku di luzingu. Mpe buuku bedyodyo didi di Mwana Dimeme wubahaana bonso munkayulu.9«Bika yondowo wuu na makutu kayuwa!10Tala ti muntu mu kinkole kaakwenda, waakwenda mu kinkole. Tala ti muntu mu mbele yi mvita kaafwila, waafwa mu mbele yi mvita. Ni hahoho, bantu bavwihulu ku Nzambi, bafweti ba na luvibudulu na kiminu.»11Mboki, nayena kibulu kihiika kyedi totoka ku nsye butoto. Masiki mole maba nandi, mafwanakana na masiki ma Mwana Dimeme, na wedi zonzanga bonso ndalango.12Wusadila lulendo lumvimba lu kibulu kintete ha meso mandi, mpe wusa ti butoto na bantu bazakadi hoho, basambila kibulu kintete kiba na mputa yihola, yiketi munata ku lufwa.13Wusa ha ntadisi yi bantu bidimbu bibinene, mpe wukulumuna tiya ha luse lu butoto tuka ku mazulu ha meso ma bantu.14Wuhuna bantu baa ha luse lu butoto, mu bidimbu bingitukulu bi bamuhaanina luve mu sa ha meso ma kibulu kintete. Wulomba ku bantu baa ha luse lu butoto, bahidika kiteki kinzitusu ki kibulu bekyokyo kilwala mu mbele yi mvita, kansi kifwa ko.15Kibulu kinzole kitambula lulendo mu haana kihumunu ku kiteki ki kibulu kintete, mwanki kiteki bekyokyo kizonza na kihondoso bantu bamvimba bebobo baalembolo kye sambila.16Kibulu kikwikisa bantu bamvimba, bihunda na baala bafyoti, zimvwama na bamputu, mindongo na bantu bakimpwanza, batambula mu sihu kidimbu ha mbunzu hoti mu kooko ku lubakala.17Kuu muntu ko wulenda sumba hoti wulenda yadika tala ti kadi na kidimbu bekyokyo ko, mpila mosi ti nkumbu yi kibulu hoti lutangu lufwanakani na nkumbu beyoyo.18Musamu bewuwu wuna lomba ndwenga. Yondowo wuu na madyela lenda bakula mbangudulu yi lutangu lu kibulu, mu dyambu ti lutangu belolo, lufwanakani na nkumbu yi muntu. Lutangu belolo ni nkama sambanu na makumasambanu na sambanu (666).Wycliffe Bible Translators, Inc.