NZABUKUSU YI YOANE12
Mukento wutina Ndalango
1Kidimbu kimosi kikinene kiyenika ku yulu: mukento wumosi wulwata ntangu. Ngonda yiba ku nsye bitambi byandi, ha yulu mutu wuba na mpu yi kintinu yi mbwetete kumi na zole.2Zimi diba nandi, mpe wedi looka mu dyambu di mpasi zi misongo mye butila.3Kidimbu kihiika kiyenika ku yulu: ndalango yimosi yiyinene yimbwaki bonso tiya, yiba na mitu nsambwadi na masiki kumi, mpe mpu yimosi yi kintinu mu kadi mutu.4Mu saka dyandi wukombola mwa ndambu yimosi mu ndambu zitatu mu zimbwetete zi mazulu na wulosa zo ha luse lu butoto. Ndalango wuyiza telama ha ntwala yi mukento wuba lukufi mu buta, mwanki kakakuna mwana andi bu katumbu buta.5Wubuta mwana wubakala waatwadisa makanda mamvimba, na muhangu wu kisengo. Hansi na nsi, mwana wunangunu ku Nzambi na ku kyandu kyandi ki kintinu.6Mukento wuwoka ku nsi yinkatu, kumukubikila Nzambi kibuka, mwanki bamudikila koko bilumbu funda dimosi nkama zole na makumasambanu.7Buna, mvita yimosi yibwa ku yulu. Mikali na zimbazi zandi banwanisa Ndalango. Ndalango wunwana yandi mpe ha kimosi na zimbazi zandi.8Kansi Ndalango kavudila ngolo ko, mpe baba dyaka na luve mu zakala ku yulu ko.9Balosa Ndalango yiyinene. Ni yoyoyo yidi nyoka yintama yi bakwe tumisinanga ti Nkadyampemba na Satana, yayoyo yina zimbisa bantu bazakadi ha luse lu butoto bumvimba. Bamulosa ha kimosi na zimbazi zandi ha luse lu butoto bumvimba.10Ni nayuwa ndinga yimosi yingolo yifuma ku mazulu, yita ti:«Bwabu ntangu yi fweni yi mpulusu, yi lulendo,yi Kimfumu ki Nzambi eto na yi luyaalu lu Klisto andi.Mu dyambu ti, Mumfundi wu zimpangi zeto bamulosidi ku mbazi.Yondowo wedi bafundanga mpimpa na mwini, ha ntadisi yi Nzambi eto.11Kansi, yawu bamubedisa mu menga ma Mwana Dimemena mu mambu ma kimbangi kyawu ki bata.Batina mu yekola luzingu lwawu ko,baba bakubama mu fwa.12Ni hahoho, mazulu na yeno lukwe zinganga koko, yangalaleeno!Kansi nkye mpila kyadi ku yeeno butoto na mubu!Mu dyambu ti, Nkadyampemba kulumukini ku yeeno na nganzi zimvimba,bu kazebi ti mwa ntangu yifyoti kwandi yimusidi.»13Ndalango bu kayena ti bamulosidi ha luse lu butoto, ni kalanda mukento wubuta mwana wubakala.14Kansi, ni bahaana ku mukento mahahi mole ma mbemba yiyinene, mwanki kapidumuka natee ha kibuka ki bamukubikila ku nsi yinkatu. Kwakoko ku kadikulu mvula tatu na ndambu, kitatu na nyoka.15Buna nyoka wuluka mamba bonso nzadi ku manima ma mukento, mwanki ma mukungumuna.16Kansi, butoto buyiza sadisa mukento, bu kazibula munwa andi na bu kamina nzadi yiluka Ndalango mu munwa andi.17Mu nganzi ziba nandi mu mukento, Ndalango wuyenda nwanisa mwa ndambu yi bantu basala mu nkuna andi. Ni yobobo bakwe kebanga mina mi Nzambi na bakwe teelanga Yesu kimbangi.18Buna Ndalango wutelama ha kumu di mubu ha yulu munyenge.Wycliffe Bible Translators, Inc.