1 TIMOTE6
1Bantu bamvimba baa ku nsye bundongo, bafweti bongilanga zimfumu zawu bonso bantu bafwanakani mu tambula kivumi kimvimba, mwanki balembolo vweza nkumbu yi Nzambi na ndongosolo eto.2Mindongo mii na mfumu zi minkwikidi, balendi bika mu bavumina ko mu dyambu ti bubadi zimpangi zawu. kansi bafweti toma basadila bumbote, mu dyambu ti yobobo ba bana sadila minkwikidi midi mpe mpangi zawu zizola. Ndongosolo yilembolo fwanakana
Myamyomyo fweti longa mpe fweti batuma.3Tala ti muntu wuna longa malongi maswaswana, mpe tatukidi na mambu mavedila ma mfumu eto Yesu-Klisto mpe na ndongosolo yifwanakana mu ba wukangama mu Nzambi,4weka mpofo mu dyambu di mayama, kazebi dyaka kima ko, weka na kimbevo kye bakana na kye yumana. Bwabobo bukwe toninanga nzinunu, mayuma, bituku, mbanzulu zimbi,5mpe mbakani zikwe lembolo manisanga, ha kati di bantu baa na mpeve yi kitombe mpe balembolo ba na kikedika. Bakwe banzilanga ti kiminu mu Nzambi kyeka nzila ye vwamina.6Ninga, ndandu yiyinene yidi mu ba wukangama mu Nzambi, tala ti muntu wuna yangalala mu byo bii nandi.7Mu dyambu ti, bu tuyiza mu nza, tuyiza na kima ko, mpe bu twaakatuka, twaanata kima ko.8Ni hahoho, tala ti tuu na bindya mpe na binkutu, bufweni.9Kansi ku yobobo bakwe sosanga mu vwama, bakwe bwanga mu ntontolo, mu mutambu na mu zinzinunu zizingi zimbi na zi buzengi. Zazozo zikwe bebisanga muntu na zikwe natanga ku lufwa.10Mu dyambu ti, nzodi yi mbongo ni mwanzi wu mambi mamvimba. Bahiika bu balanda zo, batatuka kukula na kiminu, na banata nkwamusu mu nitu zi yawu bende.
Bika mulemvo wu Nzambi wuba neeno kintwadi!
Myamyomyo fweti longa mpe fweti batuma.3Tala ti muntu wuna longa malongi maswaswana, mpe tatukidi na mambu mavedila ma mfumu eto Yesu-Klisto mpe na ndongosolo yifwanakana mu ba wukangama mu Nzambi,4weka mpofo mu dyambu di mayama, kazebi dyaka kima ko, weka na kimbevo kye bakana na kye yumana. Bwabobo bukwe toninanga nzinunu, mayuma, bituku, mbanzulu zimbi,5mpe mbakani zikwe lembolo manisanga, ha kati di bantu baa na mpeve yi kitombe mpe balembolo ba na kikedika. Bakwe banzilanga ti kiminu mu Nzambi kyeka nzila ye vwamina.6Ninga, ndandu yiyinene yidi mu ba wukangama mu Nzambi, tala ti muntu wuna yangalala mu byo bii nandi.7Mu dyambu ti, bu tuyiza mu nza, tuyiza na kima ko, mpe bu twaakatuka, twaanata kima ko.8Ni hahoho, tala ti tuu na bindya mpe na binkutu, bufweni.9Kansi ku yobobo bakwe sosanga mu vwama, bakwe bwanga mu ntontolo, mu mutambu na mu zinzinunu zizingi zimbi na zi buzengi. Zazozo zikwe bebisanga muntu na zikwe natanga ku lufwa.10Mu dyambu ti, nzodi yi mbongo ni mwanzi wu mambi mamvimba. Bahiika bu balanda zo, batatuka kukula na kiminu, na banata nkwamusu mu nitu zi yawu bende.
Malongi ku Timote
11Kansi ngeye muntu wu Nzambi, tina bima bebyobyo. Sosa lunungu, mu ba wukangama mu Nzambi, kiminu, luzolo, mvibudulu na lembami.12Nwana mvita yimbote yi kiminu, baka moyo wu mimvu ka mimvu, wu wutambudila mbokolo yi wuteela kimbangi kimbote ha ntadisi yi zimbangi zizingi.13Ha ntadisi yi Nzambi kwe haananga luzingu ku bima bimvimba, na ha ntadisi yi Yesu-Klisto wuta kimbangi mu nzonzolo yimbote ha ntadisi yi Ponso Pilatu, nina kutuma ti:14Zitisa mwina wu wutambula, ba wulembolo ba na dyambu dimbi na kibila mu keba wo natee mu kilumbu kyaayenika Mfumu Yesu-Klisto.15Ni Nzambi waayenikisa Klisto mu ntangu yi kakubika. Yandi wudi nto yi mayangi, Mfumu yakwa yimosi, Ntinu yi zintinu, na Mfumu yi zimfumu.16Yandi kwandi kwe lembolo fwanga, mpe kwe zinganga mu kya kidi ti muntu kalendi finama ko. Kunaani muntu wumuyena na lenda muyena. Bika nzitusu na lulendo biba ku yandi, mimvu ka mimvu! Ameni!17Teela ku mvwama zi ha nza beyiyi balembolo ba na mayama, na balembolo tuula kivuvu kyawu mu bimvwama bikwe fwanga. Kansi batuula kivuvu kyawu mu Nzambi, kwe tuhaananga bima bimvimba mu kitezo kihyokidi, mwanki tuyenina byo kyese.18Bateela bahidika misamu mimbote, baba zimvwama mu mavanga mambote, baba na nyambu mpe bakabudilanga bahiika.19Ni bwabobo, baayonzikila kimvwama kimbote na kisikila mu ntangu yina kwiza, mwanki babaka luzingu lukedika.20Timote, toma keba misamu mi bakuteela. Tina nzonzolo zimpamba na zilembolo fwanakana na kiminu, mpe tina ndongosolo zii nzayilu zimbi.21Bantu batambudila nzonzolo bezozo, basotoka mu kiminu.Bika mulemvo wu Nzambi wuba neeno kintwadi!
Wycliffe Bible Translators, Inc.