1 TIMOTE5
Ndwengosolo zitadidi minkwikidi
1Kusembandi kinunu mu nkasu ko, kansi mu syamisa bonso tata. Syamisa zintwenya bonso zimpangi,2bakento banuna bonso zingudi mpe zindumba bonso bibusi, mu mutima wuvedila.3Zitisa mafoola maa nkatika mafoola.4Tala ti mufwidi wuu na baala hoti batekolo, yawu bafweti teka lonka ki Nzambi kyawu mu sadisa makanda mawu. Mpe bavutula ku bibuti byawu byo bi batambula ku yawu. Mu dyambu ti nsadulu beyoyo yikwe yangidikanga Nzambi.5Foola dikedika ni dyodyodyo di siidi dyahiika, tuudidi kivuvu kyandi mu Nzambi na kwe tatamananga mpimpa na mwini mu nzindombolo na mu zinsambulu.6Kansi foola bedyodyo dikwe zinganga mu mikembo mi nza, difwa didi mpeleko wumoyo kadi.7Babambula moyo misamu bemyomyo, mwanki balembolo basemba.8Tala ti muntu kana sadisa bantu baa mukanda dyandi ko, sungula bantu baa mu nzo andi, yandi bwisidi kiminu mpe vudidi bubi na muntu wulembolo ba munkwikidi.9Mu sonika foola mu mukanda, ka fweti ba bela-bela na makumasambanu ma mvula. Mpe kaba mukento wuba wu kwelo ku bakala dimosi,10bafweti muteela kimbangi mu bisalu byandi bimbote: wukudisa baala bandi, kubwana zinzenza, kusukula malu ma bantu bavwihulu ku Nzambi, kusadisa bantu baa mu mpasi na kusosa mu hidika misamu mimbote.11Mu myo mitadidi mafoola ma ntwenya, kubasonikandi mu mukanda ko. Mu dyambu ti, bu babaka nsatu ze kwela dyaka, babisa Klisto,12mpe bafundusu mu dyambu ti bazitisi ndefi awu yintete yibadya ko.13Tala ti basidi dyaka na kisalu ko, bayambukidi mu nzo ka nzo, beka mazonza-zonza mpe basidi na mansweki ko mu misamu milembolo ba myawu.14Ni hahoho ntiidi ti, mafoola ma ntwenya mabwesa kwela, mabuta baala, matwadisa nzo zawu bumbote, mwanki malembolo haana nzila ku mutantu mu tuzonzila bumbi.15Mu dyambu ti, mafoola mahiika mazimbakani nzila yimbote mu landa Satana.16Tala ti munkwikidi wu mukento wuu na mafoola mu kanda dyandi, bika kabasadisa, na kayekolandi kizitu ku dibundu ko, mwanki dibundu disadisa mafoola malembolo ba na nsadisi.17Bakuluntu ba dibundu bakwe twadisanga bumbote, bafweni mu baka mufutu nkumbu zole, sungula yobobo bakwe tovokanga mu longa Mambu ma Nzambi na mu haana ndongosolo.18Mu dyambu ti Masonama mana ta ebu: «kukangandi munwa wu ngombe yina sala mu yonzika mbutu ko», mpe «kisadi fweni baka mufutu andi.» 19Kutambulangandi bafunda mu kuluntu wu dibundu ko, tala ti ka ha ntadisi yi mbangi zole hoti zitatu ko. 20Tala ti bantu bahodidi masumu, basembila ha ntadisi yi bantu bamvimba, mwanki bahiika mpe bayena bunkuta.21Nina kulomba ha ntadisi yi Nzambi, yi Yesu-Klisto na ha ntadisi yi zimbazi zisoolo, mu vumina Misiku bemimi, ka mu swasikisa bantu ko na kubandi na ntalu ha zizi ko.22Kutentikangandi moko mu nswalu ku muntu ko, kukotangandi mu masumu ma bantu bahiika ko. Ngebende fweti banga wuvedila.23Bika mu nwa kaka mamba, kansi nwanga mpe mwa ndambu vinu mu dyambu di mputa kivumu na bimbevo bihiika.24Masumu ma bantu bahiika makwe yenikanga makedika tekila babafundisa, kansi ku bahiika makwe yenikanga ku manima.25Bumosi mpe, mavanga mambote makwe yenikanga, na momo mpe malembolo ba mambote makwe tatamananga mu ba maswekama ko.Wycliffe Bible Translators, Inc.