John3
1Anưq bơh, e muuyq adro thuôk bing Pha-ri-si, muuyq dro dưk xakaq ku tamooy Jo Thaiq, anơng kơy laa Ni-kô-đem.2Kơy neq truh tavơh Lôôk Jê-xu muut ka klôôy, ji đnooy dii Kadraq: “Thơy lơơy, 'wot xet đaneq Thơy laa thơy pato truh xing Kơy Plêêk, vii be e adro leq hnoq ik dơơp vlôh kaluh dơuq akêh neq, laa kaluh kajoq Thơy dưk dơơp, atoh Kơy Plêêk leh măn kung adro nưq.”3Lôôk Jê-xu tơơl hlê ji đnooy kung kơy: “Dong dik, dong dik, gô đnooy dii kơy, atoh kơyq leh jah pa iir hlê, yôôych adro nưq hnoq leh hloq ik daak dêh ku kơy plêêk.”4Ni-kô-đem tơơl dii Kadraq: “Dơơp aleq muuyq adro, tuôôy laa muuyq kơy karaq, hnoq ik pa iir vlôh? Dang aleq adro nưq hnoq ik muut đom klaak miq ni yưk thưq vaarq yôôch jah pa iir vlôh ih?”5Lôôk Jê-xu tơơl: “Dong dik, dong dik, gô đnooy dii kơy, atoh dro leq leh jah pa iir vlôh xing daak ji Kơy Phool Hiel, yôôych dro nưq leh ik muut đom daak dêh ku Kơy Plêêk.6Varơuq Kajoq jah pa iir xing xăk xamơk laa xăk xamơk, ji varơuq Kajoq jah pa iir xing Kơy Phool Hiel laa yaak.7Te tưng hưng tuôôy gô heq đnooy dii kơy: ‘Varơuq duh dik ka kơy laa jah pa iir hlê.’8Khiel klôôp aduq leq ni trôôch, ji kơy tek ik hnưm ku ni, bơh kơy be xet khiel truh xing leq long khiel hooy truh leq. Yôôych kung đanưq đôôyq dii paq kê kơyq jah pa iir vlôh xing Kơy Phool Hiel.”9Ni-kô-đem tơơl đnoyq ji vôôch Kadraq: “Dơơp aleq varơuq nưq hnoq ik xalih vlôh ik?”10Lôôk Jê-xu tơơl hlê ji đnooy dii kơy: “Kơy laa Thơy pato ku manih I-sơ-ra-ên đơu kơy leh hlolh kaluh varơuq nưq ih?11Dong dik, dong dik, gô đnooy dii kơy đaneq 'wot đnooy truh varơuq đơu 'wot heq xet, ji 'wot dơơp xanưk truh varơuq đơu 'wot heq hloq, măn êêp kơy leh nhonq xok apok xanưk ku 'wot.12Atoh gô heq đnooy ka êêp kơy truh kaluh varơuq 'laarq vari đơu êêp kơy măn leh tuôq, yôôych dơơp aleq êêp kơy hnoq tuôq atoh gô đnooy ka êêp kơy truh kaluh varơuq tol plêêk?13Be kơyq hmưq tok tol plêêk đêh vlôh Kơy heq kahri pôôt xing plêêk — nưq laa Koot Manih.14Môi-se heq kađnok volh atok đom wăngq we đaji luleq, yôôych Koot Manih duh pheq biq kađnok tok đaji lunưq,15xôq tôôy dro tuôq muut Kadraq raay e varơuq riirh đơơy đơơy.16Vii Kơy Plêêk thier xung xiaq dêh araak, pheq dơơp Kadraq kahniq Koot muuyq ku Kadraq, xôq ka dêq hloay adro tuôq muut Koot nưq leh biq kaxêêt hlơơp, bơh e jah varơuq riirh đơơy đơơy.17Bơyh Kơy Plêêk leh patăk Koot muut dêh araak xôq xưh xadrah dêh araak, bơh xôq wơơt dêh araak gamưh Koot nưq.18Adro tuôq aduq Koot nưq yôôych leh biq rôp kadrôôp, măn kơyq leh tuôq yôôych heq biq rôp kadrôôp yôôch, vii heq leh tuôq truh yal Koot Muuyq ku Kơy Plêêk.19Mot kadrơy, neq laa varơuq rôp xadrah, nưq laa: xaraar tađnah heq muut đom dêh araak, bơh khơl drơy xiaq trôôch kamơng jaluk iaq xaraar tađnah vii kaluh varơuq dơơp ku oot laa xơk aak.20Vii tôôy dro dơơp xơk yôôych 'yarơ xaraar tađnah, ji leh truh dii xaraar tađnah, xôq ka kaluh varơuq dơơp ku oot be huq biq kahnoq vlôh.21Lunư, adro dơơp varơuq dong dik yôôych truh dii xaraar tađnah, xôq kaluh varơuq ku dro nưq jah kahnoq vlôh đaneq oot jah dưk dơơp đom Kơy Plêêk.”22Atêq kaluh varơuq nưq, Lôôk Jê-xu ji khơl xatyauq Kadraq hooy muut dêh Ju-đê. Kadraq măn hlê aduq nưq dii oot ji dơơp bap-tem.23Lunư, Jăng kung đong dơơp bap-tem aduq At-nôn jeq Sa-lim, vii aduq nưq e 'ngưng daak, manih karôp garuk truh ji chiuq bap-tem —24Vii Jăng 'miêh koq biq rôp karuk tu.25Anưq laa, muuyq varơuq tayaat tagêh xalih vlôh vlôh xing khơl xatyauq ku Jăng kung dii muuyq adro manih Jo Thaiq truh ka varơuq lêh 'nhaau xarêh.26Yôôch oot truh dii Jăng ji đnooy kung kơy: “Ra-bi, adro heq hmưq măn dii thơy pi hơq tavook daak Jô-đanh, đơu thơy heq dơơp xanưk truh dro nưq, dayh 'yo hơ, kơy nưq đong dơơp bap-tem, ji dêq hloay manih karôp đong garuk truh dii kơy nưq.”27Jăng tơơl hlê ji đnooy: “Khơl drơy leh ik nhonq jah kajoq, muuyq varơuq kung leh, atoh be aalq nưq laa varơuq heq jah kahniq ka dro nưq xing plêêk.28Kadih oh ay dơơp xanưk ka gô đaneq gô heq đnooy: ‘Gô leh aalq laa Lôôk Wơơt Dêh,’ bơh nưq laa ‘gô laa adro jah patăk truh kangưưr Kơy nưq.’29Kơyq pajêêk amưưy yôôych laa ok. Măn 'wơyq ku ok, laa adro dưk ji tameng 'yo ok, yôôch xuum hươngh xuum hlah hlaak vii apok ku ok. Lunưq, xuum hlah hlaak nưq ku gô heq jah xaleep.30Varơuq pheq dơơp đôôyq dii Kơy nưq laa vanê tơơk tok, măn đôôyq dii gô laa apôôt pôôt.31Kơy truh xing ataalh yôôych măn ataalh dêq hloay. Adro vlôh xing vari yôôych thuôk ku vari ji đnooy kaluh varơuq thuôk ku vari. Kơy truh xing plêêk yôôych măn ataalh dêq hloay.32Kadraq dơơp xanưk truh varơuq đơu Kadraq heq hloq ji tameng, bơh be kơyq tuôq xok apok xanưk ku Kadraq.33Adro heq nhonq xok apok xanưk ku Kadraq yôôch tuôq nhonq đaneq Kơy Plêêk laa dong dik.34Bơyh Kơy đơu Kơy Plêêk heq patăk truh yôôych đnooy apok ku Kơy Plêêk. Vii Kadraq kahniq ăm Kơy Phool Hiel tyauq trôôk leh e gah.35Vaq xung xiaq Koot ji heq pahnăp tôôy varơuq muut ti Koot.36Kơyq tuôq aduq Koot yôôych e varơuq riirh đơơy đơơy, măn kơyq be tuôq Koot hnoq be hloq varơuq riirh, bơh đơơt tôq jaraq ku Kơy Plêêk kưq măn tol adro nưq.”
FAR EAST BROADCASTING COMPANY