Revelation3
1Sô chêr an con gŭn Vatom Gŭn de u Sat-đe pành:
‘Candranh gĕh pâh wênh Siđăch Trôq de nggâm pâh simănh nhai caheq: “Ănh gưt khây vrŭq ôp con de. Con gĕh camvŭm pành hôm mrĭh, en con lĕq chưt èn.2Sô căh iêh bây ôp an camhlăng khây vrŭq hôm sĭq vlâq, nŏq cồ khây vrŭq mơch chưt, mvăc Ănh ndŏh sây khây vrŭq con de gĕh jêng en u vôq măt Siđăch Trôq Ănh je.3Payh canŏq, sô căh sĭq vlâq khây vrŭq con gĕh wŏq bây gĕh chăng. Sô tôq ôp bây nŏq chĕq palâq vôq. En hê con đăng căh iêh, Ănh dâl tât ca tamun can'hưn, bây con nhâng pành đăng gưt lăm lây Ănh tât tăm chŏl bây con.4Cồ canŏq, con gĕh khây tamun u Sat-đe, cồ khây tamun đăng ôp chhŭq cavơm su ao nơm, en khây nĕh gĕh saq bây Ănh sŭng su ao voq, mvăc khây nĕh yăh tăm dip.5Tamun sa vôq nhâng gĕh chuq lăp ao jong voq dân canŏq, Ănh đăng dâq lây bôih săq tamun nŏq ntrăch a Sirăq Hôm Mrĭh, bây Ănh nhai lŭh săq tamun nŏq u vôq măt Vap Ănh bây u vôq măt khây con gŭn Siđăch.6Vu lây gĕh tôr, sô chăng camvŭm Siđăch Wênh nhai bây khây Vatom Gŭn.”’7Sô chêr an con gŭn Vatom Gŭn u Phi-la-đen-phi-a de pành:‘Candranh gŭn, Candranh Nhâng Sŏng,Candranh gĕh păch krêh Đa-vit de,Candranh pơq nŏq đăng vu lây păng,bây păng nŏq đăng vu lây pơq,nhai caheq:8“Ănh gưt khây vrŭq con de (sên tĭq, Ănh gĕh chĕq u vôq măt con du lâm lapông hwi pơq cồ đăng vu lây gĕh prơn păng nĕh), mvăc con gĕh takiq prơn nhwa, en con gĕh tôq jơ camvŭm Ănh, bây đăng tamo hwât săq Ănh.9Sên heq, Ănh ôp khây nĕh cồ sĭq maq nhi vatom Sa-tan de, cồ khây nĕh an nơm pành tamun Yo Thai cồ nhâng đăng gal canŏq, palâq sĭq vlâq, khây nĕh ayh cồ nhai mvâr — Sên tĭq, Ănh nhâng ôp an khây nĕh pành canŏq caheq chĕq khây nĕh saq tât bây chŏl nkrŭng jưr u vôq jâng con, bây khây nĕh gưt pành Ănh sinđach con.10Mvăc con gĕh jơ camvŭm kram gajăp Ănh je, nŏq Ănh khoi nhâng jơ con ntrăch a vadâq long găn mơch tât vlơ lam dưnya, chĕq long găn khây vu lây cồ rĭh vlơ ntĕh.11Ănh pơq saq dâl tât sô lŭng heq. Căh jơ di gât vrŭq con gĕh chĕq đăng vu lây gĕh prơn nhŭp đuôn daq gŭn con de.12Tamun lây sa vôq, Ănh nhâng ôp an tamun nŏq jêng tơm pông jrŏng sŭng nhi cŭh Siđăch Trôq Ănh. Tamun nŏq nhâng đăng lŭh ntrăch a nŏq wŏq, bây Ănh chêr vlơ nơm nĕh săq Siđăch Trôq Ănh, săq palây Siđăch Trôq Ănh (Yê-ru-sa-lem me jưr a vlơ trôq, a gatŭq Siđăch Trôq Ănh je), bây săq me Ănh je.13Vu lây gĕh tôr, sô chăng camvŭm Siđăch Wênh nhai bây khây Vatom Gŭn.”’14Sô chêr an con gŭn Vatom Gŭn u Lao-đi-sê, pành:
‘Candranh A-men, Tamun Candân tôq camvân bây nhâng sŏng, Pơq Vôq sinlơ răq sun Siđăch Trôq de nhai caheq:15“Ănh gưt khây vrŭq ôp con de, pành con đăng la-iq, khoi đăng dŭh. Ngwân an con la-iq lŭh la-iq ha dŭh an lŭh dŭh!16Payh canŏq, mvăc con mrăm mrăm, đăng dŭh khoi đăng la-iq, nŏq Ănh mơch jăh con lŭh ntrăch a mŭnh Ănh.17Mvăc con nhai pành: "Ănh gan'hăp, ănh jêng lŭh canăh, bây ănh đăng hôm gĕh vrŭq cơnh lây lĕq," sŭng lăm con đăng gưt pành con nhâng rabăh rabơp, sinđach vòq âh, lŏh sat, khlông jingo nggâm bây sirôq.18Ănh vuôi con vro a tŭq Ănh mơh gĕh gâm jrŏh sŭng ŭnh chĕq con jêng gan'hăp jina, vro ao jong voq chĕq con chuq lăp chĕq đăng hôm pri lŭh vrŭq prênh haih mvăc sinlơ pôq rang nơm de, bây vro jrơu trŏq măt chĕq lap măt con de chĕq an con sên sây gĕh.19Hê vu lây cồ Ănh sinđach, nŏq Ănh chih lăh nggâm pâm tacăh. Payh canŏq, căh uĕh vrawŏq bây palâq vôq chĕq.20Sên tĭq, Ănh tao yăq u vôq pông bây gŏh. Hê vu lây chăng camvŭm Ănh bây pơq lapông, nŏq Ănh saq lăp bây nĕh nŏq, sa war bây nĕh, nggâm nĕh bây Ănh.21Vu lây sa vôq, Ănh an tamun nŏq gŭq bây Ănh vlơ vwây Ănh, dân ca Ănh gĕh sa vôq bây gŭq bây Vap Ănh vlơ vwây Siđăch.22Vu lây gĕh tôr, sô chăng camvŭm Siđăch Wênh nhai bây khây Vatom Gŭn.”’”
‘Candranh gĕh pâh wênh Siđăch Trôq de nggâm pâh simănh nhai caheq: “Ănh gưt khây vrŭq ôp con de. Con gĕh camvŭm pành hôm mrĭh, en con lĕq chưt èn.2Sô căh iêh bây ôp an camhlăng khây vrŭq hôm sĭq vlâq, nŏq cồ khây vrŭq mơch chưt, mvăc Ănh ndŏh sây khây vrŭq con de gĕh jêng en u vôq măt Siđăch Trôq Ănh je.3Payh canŏq, sô căh sĭq vlâq khây vrŭq con gĕh wŏq bây gĕh chăng. Sô tôq ôp bây nŏq chĕq palâq vôq. En hê con đăng căh iêh, Ănh dâl tât ca tamun can'hưn, bây con nhâng pành đăng gưt lăm lây Ănh tât tăm chŏl bây con.4Cồ canŏq, con gĕh khây tamun u Sat-đe, cồ khây tamun đăng ôp chhŭq cavơm su ao nơm, en khây nĕh gĕh saq bây Ănh sŭng su ao voq, mvăc khây nĕh yăh tăm dip.5Tamun sa vôq nhâng gĕh chuq lăp ao jong voq dân canŏq, Ănh đăng dâq lây bôih săq tamun nŏq ntrăch a Sirăq Hôm Mrĭh, bây Ănh nhai lŭh săq tamun nŏq u vôq măt Vap Ănh bây u vôq măt khây con gŭn Siđăch.6Vu lây gĕh tôr, sô chăng camvŭm Siđăch Wênh nhai bây khây Vatom Gŭn.”’7Sô chêr an con gŭn Vatom Gŭn u Phi-la-đen-phi-a de pành:‘Candranh gŭn, Candranh Nhâng Sŏng,Candranh gĕh păch krêh Đa-vit de,Candranh pơq nŏq đăng vu lây păng,bây păng nŏq đăng vu lây pơq,nhai caheq:8“Ănh gưt khây vrŭq con de (sên tĭq, Ănh gĕh chĕq u vôq măt con du lâm lapông hwi pơq cồ đăng vu lây gĕh prơn păng nĕh), mvăc con gĕh takiq prơn nhwa, en con gĕh tôq jơ camvŭm Ănh, bây đăng tamo hwât săq Ănh.9Sên heq, Ănh ôp khây nĕh cồ sĭq maq nhi vatom Sa-tan de, cồ khây nĕh an nơm pành tamun Yo Thai cồ nhâng đăng gal canŏq, palâq sĭq vlâq, khây nĕh ayh cồ nhai mvâr — Sên tĭq, Ănh nhâng ôp an khây nĕh pành canŏq caheq chĕq khây nĕh saq tât bây chŏl nkrŭng jưr u vôq jâng con, bây khây nĕh gưt pành Ănh sinđach con.10Mvăc con gĕh jơ camvŭm kram gajăp Ănh je, nŏq Ănh khoi nhâng jơ con ntrăch a vadâq long găn mơch tât vlơ lam dưnya, chĕq long găn khây vu lây cồ rĭh vlơ ntĕh.11Ănh pơq saq dâl tât sô lŭng heq. Căh jơ di gât vrŭq con gĕh chĕq đăng vu lây gĕh prơn nhŭp đuôn daq gŭn con de.12Tamun lây sa vôq, Ănh nhâng ôp an tamun nŏq jêng tơm pông jrŏng sŭng nhi cŭh Siđăch Trôq Ănh. Tamun nŏq nhâng đăng lŭh ntrăch a nŏq wŏq, bây Ănh chêr vlơ nơm nĕh săq Siđăch Trôq Ănh, săq palây Siđăch Trôq Ănh (Yê-ru-sa-lem me jưr a vlơ trôq, a gatŭq Siđăch Trôq Ănh je), bây săq me Ănh je.13Vu lây gĕh tôr, sô chăng camvŭm Siđăch Wênh nhai bây khây Vatom Gŭn.”’14Sô chêr an con gŭn Vatom Gŭn u Lao-đi-sê, pành:
‘Candranh A-men, Tamun Candân tôq camvân bây nhâng sŏng, Pơq Vôq sinlơ răq sun Siđăch Trôq de nhai caheq:15“Ănh gưt khây vrŭq ôp con de, pành con đăng la-iq, khoi đăng dŭh. Ngwân an con la-iq lŭh la-iq ha dŭh an lŭh dŭh!16Payh canŏq, mvăc con mrăm mrăm, đăng dŭh khoi đăng la-iq, nŏq Ănh mơch jăh con lŭh ntrăch a mŭnh Ănh.17Mvăc con nhai pành: "Ănh gan'hăp, ănh jêng lŭh canăh, bây ănh đăng hôm gĕh vrŭq cơnh lây lĕq," sŭng lăm con đăng gưt pành con nhâng rabăh rabơp, sinđach vòq âh, lŏh sat, khlông jingo nggâm bây sirôq.18Ănh vuôi con vro a tŭq Ănh mơh gĕh gâm jrŏh sŭng ŭnh chĕq con jêng gan'hăp jina, vro ao jong voq chĕq con chuq lăp chĕq đăng hôm pri lŭh vrŭq prênh haih mvăc sinlơ pôq rang nơm de, bây vro jrơu trŏq măt chĕq lap măt con de chĕq an con sên sây gĕh.19Hê vu lây cồ Ănh sinđach, nŏq Ănh chih lăh nggâm pâm tacăh. Payh canŏq, căh uĕh vrawŏq bây palâq vôq chĕq.20Sên tĭq, Ănh tao yăq u vôq pông bây gŏh. Hê vu lây chăng camvŭm Ănh bây pơq lapông, nŏq Ănh saq lăp bây nĕh nŏq, sa war bây nĕh, nggâm nĕh bây Ănh.21Vu lây sa vôq, Ănh an tamun nŏq gŭq bây Ănh vlơ vwây Ănh, dân ca Ănh gĕh sa vôq bây gŭq bây Vap Ănh vlơ vwây Siđăch.22Vu lây gĕh tôr, sô chăng camvŭm Siđăch Wênh nhai bây khây Vatom Gŭn.”’”
FAR EAST BROADCASTING COMPANY