Revelation21
1En nŏq, ănh sây trôq me bây ntĕh me, mvăc trôq di muôi bây ntĕh di muôi lĕq saq ntrăch, en daq lênh đăng hôm wŏq.2En ănh sây palây gŭn, nŏq cồ Yê-ru-sa-lem me, jưr a gatŭq Siđăch Trôq vlơ trôq, gĕh sŭmmrăp dân ca său ur sindăc chĕq ân an siklô nơm.3Ănh chăng du camvŭm nhai tayh a vwây, pành: “Sên tĭq! Vadai Pănggơih Siđăch Trôq de gŭq bây con tamun, bây Siđăch rĭh bây khây nĕh, bây khây nĕh gĕh ôp văl Siđăch, bây nơm Siđăch Trôq gŭq bây khây nĕh.4En Siđăch jut lĕq daq măt ntrăch a măt khây nĕh, bây sinlơ chưt đăng hôm wŏq, khoi đăng hôm ji nuih, ha nhim rơp, ha jicôr. Khây sinlơ nŏq đăng hôm wŏq; mvăc khây vrŭq a daq vôq lĕq pành saq ntrăch èn.”5En Candranh gŭq vlơ vwây nhai: “Sên heq! Ănh ôp me ăp sinlơ.” Siđăch khoi nhai bây ănh: “Căh chêr sĭq vlâq mvăc khây camvŭm heq nhâng chĕq tôq bây sŏng nhâng.”6Siđăch khoi pân ănh: “Khây vrŭq nŏq chhŏng èn! Ănh cồ An-pha bây Ô-mê-ga, cồ pơq vôq bây chôch lĕq. Vu lây can'hir, Ănh an huch ngăn vòq lŭh a phong daq sinlơ rĭh.7Vu lây sa vôq wŏq sŏq khây sinlơ heq, bây Ănh heq cồ Siđăch Trôq nĕh de, en nĕh cồ con Ănh.8En sĭq khây tamun cồ uĕh la-ui candŭh, tamun đăng tôq, tamun chhŭq cavơm, tamun tachưt tamun, tamun cani camăn, nĕh cồ ôp vrŭq tăm săm, nĕh cồ cŭh rup swan, ngâm khây tamun nhai mvâr, nŏq gatŭq khây nĕh de cồ sŭng tanlô gĕh sŏh ngit a ŭnh bây ŭnh sănh, heq cồ pành sinlơ chưt di var.”9En muôi sŭng pâh con gŭn tât, cồ a khây con gŭn gĕh pâh nggan vadâng vênh pâh minlŏh minsat chôch lĕq, en con gŭn nŏq nhai bây ănh, pành: “Sô tât heq, ănh an pôp sây său ur, si-ur Dive Con de.”10En nŏq, nĕh dơp ănh saq sŭng Siđăch Wênh tât du vwây gŭng măq bây prĭh, en pađau an ănh palây gŭn Yê-ru-sa-lem rŏh jưr a gatŭq siđăch Trôq vlơ trôq,11gĕh sindraq sindil Siđăch Trôq de, sinlơ sindraq palây de dân ca palang tamô gŏch, dân gŏch sănh khlŏh silang trach dân pha lê,12palây gĕh păng ding măq bây prĭh, gĕh mât var lapông talong avôq nggâm mât var con gŭn u khây lapông talong avôq, bây khây săq gĕh chêr vlơ lapông, en nŏq cồ săq mât var chhe njang khây ŏh con I-sơ-ra-ên de.13Pe lapông talong avôq u maq vâh năr, pe lapông talong avôq maq king năr, pe lapông talong avôq maq cang năr, bây pe lapông talong avôq maq nhâp năr.14Ding palây gĕh mât var tơm njâng, vlơ nŏq cồ mât var săq mât var con tuyh Dive Con de.15Con gŭn nhai păch bây ănh gĕh du tong uĕh wĕh ôp a mơh chĕq vu wĕh palây, khây lapông talong palây bây ding palây.16Palây gĕh chêr wĕh tăm dip puôn mŭh simơ, maq jong palây tăm simơ bây maq hwi palây. Con gŭn nŏq wĕh palây bây chhơ wĕh, gĕh mât var ravu êt-ta-đơ (maq jong, maq hwi bây maq prĭh palây de nŏq tăm simơ).17Nĕh khoi wĕh păng ding palây, vâr du rayĕng puôn jât puôn cu-đê dăh bây sinlơ wĕh cơp con tamun de (en khoi cồ bây con gŭn de).18Păch chĕq tatao ding palây de nŏq cồ gŏch sănh khlŏh, en cồ nơm palây nŏq payh a mơh sưn, dân daq căt lô jrŏh soch.19Khây tơm jâng ding palây de gĕh ôp rom lôch a sinlơ tamô yăh. Tơm di muôi a gŏch sănh khlŏh, di var a gŏch sănh jăyh, di pe a gŏch sănh paho, di puôn a gŏch sănh tasăh,20di prăm cồ gŏch canang, di prau cồ tamô paho khlŏh, di pâh cồ gŏch ramưt, di pham cồ gŏch sănh daq, di sưn cồ gŏch sănh ramưt, di mât cồ gŏh phỉ túy, di mât muôi cồ gŏch ramưt paho, di mât var cồ gŏch sinđôch khlŏh.21Mât var lapông talong avôq cồ mât var gŏch krang daq lênh; sĭq bây ăp lapông talong gĕh ôp jêng a palang gŏch măq du păng, hôm trong saq sŭng palây a mơh sưn, dân ca daq căt lô silang phlat.22Ănh đăng sây gĕh nhi cŭh lây sŭng palây, mvăc Cô Voq cồ Siđăch Trôq, Candranh Prơn gŭn nggâm Dive Con cồ nhi cŭh palây de.23Palây đăng don măt năr ha măt khay chĕq sol silang an palây, mvăc sinlơ sindraq sindil Siđăch Trôq sol silang palây, en vlông ŭnh palây de nŏq cồ Dive Con.24Khây văl saq lŭh lăp don sinlơ silang palây nŏq, en khây vatau vlơ ntĕh văt sindraq sindil nơm lăp nŏq.25Rŏh năr, khây lapông talong avôq palây đăng dâq lây cồ păng krêh, mvăc đăng gĕh dŭng măng u nŏq.26Khây vu văt sinlơ sindraq sindil bây sinlơ iơq prĭh khây daq palây lăp nŏq,27en păch lây cồ chhŭq chhau ha tamun ôp vrŭq viêm vôt bây tagat palôm vu đăng vadâq lây pành gĕh lăp sŭng palay, ayh khây tamun gĕh chêr sŭng sirăq sinlơ hôm mrĭh Dive Con de.
FAR EAST BROADCASTING COMPANY