Revelation20
1En ănh sây du mvu con gŭn saq jưr a trôq, văt păch krêh vơc đăng gĕh đay bây du rawây chhe loih măq sŭng ti nơm.2Nĕh nhŭp sưmvŏh con dêr, nŏq cồ vanông vĭh ađơm, en nŏq cồ chaq camhôch, ha Sa-tan, en tănchăp nĕh sĭq vlâq sŭng du ravu mva.3Con gŭn hwât nĕh lăp sŭng vơc jru đăng gĕh đay, en păng bây tayh vlơ nĕh, chĕq nĕh đăng hôm tagat palôm khây daq wŏq di tât lăm du ravu mva gĕh sŏng lôch. Alưr nŏq, nĕh gĕh đŏh lŭh sŭng du vadâq khay năr dêh.4En ănh sây khây vwây nggâm khây tamun gŭq vlơ nŏq, bây kwiềng ôp dôih gĕh paq an khây nĕh, lawân wênh nggui khây tamun cồ vu păh camvôq payh ơ ôp candân an Siđăch Yêsu bây payh ơ camvŭm Siđăch Trôq de, nggâm bây lĕq săq vu lây đăng cŭh khwây con gŏng bây rup cŭh nĕh, khoi đăng wŏq tayh nĕh de vlơ krang vôq ha vlơ ti nơm de, khây nĕh tao rĭh sĭq vlâq bây sên vôq simơ bây Siđăch Yơt Dưnya sŭng du ravu mva.5(Khây tamun cồ hôm sĭq vlâq sŭng khây tamun chưt nŏq đăng tao rĭh sĭq vlâq di tât lăm chôch du ravu mva.) Nŏq cồ sinlơ tao rĭh sĭq vlâq dâq di muôi.6Yăh vŏq âr bây gŭn vŏq âr an tamun lây gĕh phần sŭng sinlơ tao rĭh sĭq vlâq dâq di muôi! Sinlơ chưt dâq di var đăng gĕh kwiềng lây vlơ khây tamun nŏq, en khây nĕh cồ sipăm Siđăch Trôq de bây Siđăch Yơt Dưnya de, bây nggâm nơm Siđăch sên vôq sŭng du ravu mva.7En lăm du ravu mva gĕh chhŏng en. Sa-tan gĕh pơq an lŭh ntrăch a tŭq trăng nĕh.8En nĕh lŭh saq lamvoch tagat khây daq u puôn mŭh vlơ ntĕh, văl Got bây văl Ma-got, chĕq vatom khây nĕh sĭq vlâq an dâq pâm minsŭh, Mintan congti khây nĕh dân ca chwŏh daq lênh.9Khây nĕh đưc hao lam gatŭq vlơ ntĕh bây talong rawênh vadai khây văl gŭn nggâm palây yâh sinđach, en ŭnh rŏh jưr avlơ trôq bây sŏh nđưt khây nĕh.10En chaq camhôch, cồ ti lamvoch tagat vu, bị hwât lăp tanlô ŭnh bây ŭnh sănh, cồ con gŏng bây tiêng tri mvâr gŭq sŭng gatŭq nŏq, en khây nĕh nhâng vlam minlŏh minsat năr ca măng di tât, wân lawân, hôm diêt.11En nŏq, ănh sây du vwây voq bây măq nggâm Candranh gŭq vlơ vwây, ntĕh bây trôq lôt du ntrăch a vôq măt Siđăch de, cồ đăng gĕh gatŭq lây gĕh chĕq ân an khây nĕh.12En ănh sây khây tamun chưt, lawân măq bây ken, tao yăq u vôq vwây, bây khây sirăq gĕh pơq lŭh, en du păng sirăq ndây gĕh pơq lŭh, nŏq cồ Sirăq Sinlơ Hôm Mrĭh. Tamun chưt bị ôp dôih bây khây sinlơ lây cồ gĕh chêr sĭq vlâq sŭng khây sirăq nŏq, dăh bây khây vrŭq ôp khây nĕh de.13Daq lênh văt trŏh khây vu chưt sŭng daq lênh, sinlơ chưt bây dưnjrang văt trŏh khây vu cồ chưt u sŭng nŏq, bây ăp ndu bị ôp dôih dăh bây khây vrŭq ôp khây nĕh de.14En sinlơ chưt bây dưnjrang bị hwât lăp sŭng tanlô ŭnh. Heq cồ sinlơ chưt dâq di var — nŏq cồ tanlô ŭnh.15Hê vu lây gĕh poch sên sây đăng gĕh chêr sŭng Sirăq Sinlơ Hôm Rĭh, nŏq nơm nĕh bị hwât lăp sŭng tanlô ŭnh.
FAR EAST BROADCASTING COMPANY