Revelation13
1En nŏq, ănh sây du lâm con gŏng saq hao ntrăch daq lênh, gĕh mât nke bây pâh vôq, en vlơ khây nke nĕh de cồ mât đuôn vatau, en avlơ khây camvôq nĕh de gĕh du săq bưn bap măq.2Con gŏng cồ ănh sây nŏq dân ca yau gavrăch, lapăng jâng nĕh de ca sicau, hôm mŭnh nĕh nŏq ca mŭnh yau chamhưr, bây dêr dơp prơn camhlăng nơm an nĕh, nggâm bây vwây nơm bây prơn măq mi lŭng.3Muôi sŭng khây camvôq nĕh de dân ca gĕh dâq bị pâm tât chưt, cồ laq chăch mơch chưt nĕh de gĕh ranăm yăh. Lĕq ntĕh tapơ tôq en saq bây con gŏng,4en vu cŭh khwây dêr mvăc nĕh gĕh paq prơn măq an con gŏng, khây nĕh khoi cŭh khwây con gŏng, pành: “Vu lây dân ca con gŏng, bây vu lây gĕh prơn ôp minsŭh chŏl vlâq nĕh gĕh?”5Du lâm mŭnh nhai camvŭm lơq săq bây bap tât Cô Voq gĕh paq an con gŏng, prơn măq khoi gĕh paq an nĕh chĕq lŭh ti sŭng puôn jât var khay.6Nŏq mŏh con gŏng pơq mŭnh nĕh de nhai lŭh khây camvŭm bap chŏl Siđăch Trôq, răh raq săq Siđăch bây vadai cŭh Siđăch de — khây tamun gŭq vlơ trôq.7Con gŏng pành gĕh an wŏng trong chĕq tăm pâm bây khây tamun gŭn bây sa vôq khây nĕh, prơn măq khoi gĕh paq an nĕh vlơ ăp nđuôi njang, văl ganơ, trong nhai bây daq palây.8Ăp văl ganơ vlơ ntĕh vaih pành cŭh khwây nĕh, payh cồ vu lây pành săq nĕh nŏq đăng gĕh chêr sŭng Sirăq Sinlơ Rĭh Dive Con de, Candranh cồ bị tachưt, a lăm vưt vri dưnya.9Hê vu lây gĕh tôr, nŏq căh chăng.10Hê vu lây pành chĕq ân vrŭq ôp dĭchnĕh nŏq nhâng pành saq con trong heq,hê vu lây cồ pành chưt a pĭh taq,nĕh nŏq mŏh vlam chưt ju pĭh taqHeq cồ sinlơ mbêr nuih wŏq vadâng bây tôq camvân khây tamun gŭn de.11En ănh sây du con gŏng ndây saq hao ntrăch a ntĕh, bây nĕh gĕh var lâm nke dân ca dive con, en nĕh chĭh nhai dân con dêr.12Nĕh wŏq sŏq ăp prơn măq con gŏng di muôi u vôq măt con gŏng nŏq, en nĕh ôp vrŭq don prơn nŏq sinâng pành ôp an di gĕh ntĕh nggâm văl ganơ vlơ ntĕh cŭh khwây con gŏng di muôi, nŏq cồ con gŏng gĕh laq chăch mơch chưt gĕh ranăm an yăh.13Nĕh ôp lŭh khây chin'hâu măq mi, tât daq nĕh nhâng gĕh prơn ôp an ŭnh rŏh avlơ trôq jưr tu ntĕh sŏng u vôq măt con tamun.14Don khây păch chin'hâu cồ nĕh gĕh an chĕq ôp u vôq măt con gŏng, nĕh palôm mvâr văl ganơ vlơ ntĕh, lăm pađăr văl ganơ vlơ ntĕh ôp rup con gŏng gĕh laq chăch payh ơ pĭh taq en gât hôm mrĭh.15Nĕh gĕh phep paq sinlơ tanâm an rup nŏq cồ con gŏng de, chĕq rup con gŏng tât daq nhai gĕh, bây ôp an vu lây đăng cŭh khwây rup con gŏng chơh vlam sinlơ tachưt.16Nĕh khoi ôp an ăp ndu con tamun, ken khoi ca măq, gan'hăp khoi ca lŏh sat, lahông khoi ca dĭch năc, pành ôp di gĕh prơn dơp an vu du têr tayh vlơ lapang ti ma khây nĕh de ha vlơ krang vôq khây nĕh,17chĕq đăng gĕh du mvu lây vro gĕh ha tăch gĕh hê tamun nŏq đăng gĕh têr tayh nŏq, cồ săq con gŏng, ha số săq nơm nĕh de.18Sinlơ vanŏh cồ u heq: Vu lây gĕh sinlơ dân gưt, nĕh nŏq sô cơp số con gŏng de. Mvăc nŏq cồ số du mvu de, en số nĕh de cồ prau rayĕng prau jât prau.
FAR EAST BROADCASTING COMPANY