Luke4
1Siđăch Yêsu, vênh rămvi Siđăch Wênh, palâq sĭq a nlê Yô-đanh, bây gĕh Siđăch Wênh dơp lăp sŭng tamăn singot,2chĕq wŏq chaq yang lamvoch sŭng puôn jât năr. Sŭng khây năr nŏq, Nĕh đăng sa păch lây lĕq mŏh Nĕh pangot alưr lăm khây năr nŏq saq ntrăch.3En chaq yang nhai bây Nĕh: “Hê Cô nhâng Con Siđăch Trôq de, nŏq nhai bây tamô heq chĕq nĕh wâr lŭh bănh vồh.”4Siđăch Yêsu âh bây nĕh: “Gĕh camvŭm chêr pành: ‘Tamun vơn rĭh đăng don ayh u bănh ngăn.’”5En lăm gĕh têch iau Yêsu hao vi prĭh, nĕh pađau an Yêsu sên lĕq khây daq palây u dưnya sŭng du măt.6Chaq yang nhai bây Yêsu: “Ănh an cô sên vôq lĕq nggâm lawân sinlơ rom yăh vri heq, mvăc khây păch nŏq gĕh dơp sĭq ănh, bây ănh dĭh nuih dơp an vu lây hê ănh cơnh.7Payh canŏq, hê cô chŏl nkrŭng cŭh u măt ănh, lĕq khây sinlơ nŏq cô de.”8Chĕq âh camvŭm, Siđăch Yêsu nhai bây nĕh: “Gĕh camvŭm chêr: ‘May phải cŭh sưmvăh Siđăch cồ Cô Voq may, bây ayh ôp vrŭq Siđăch de vŏq.’”9En wŏq, nĕh iau Yêsu tât Yê-ru-sa-lem, chĕq Yêsu vlơ vôq duôl Nhi Cŭh, nggâm nĕh nhai bây Yêsu: “Hê cô nhâng Con Siđăch Trôq, jăc tatrŏh nơm jưr a tŭq heq vồh,10mvăc gĕh camvŭm chêr, pành: ‘Siđăch gĕh săng khây con gŭn Siđăch sĭq ndăl con, chĕq jơ sên con,’11en pành: ‘Khây gŭn iơq jrâng con vlơ ti, payh con tajŏh jâng nơm lăp tamô.’”12Chĕq âh vlâq, Siđăch Yêsu nhai bây nĕh, pành: “Gĕh camvŭm nhai: ‘May đăng gĕh long găn Siđăch cồ Siđăch Trôq may de.’”13Alưr lăm wŏng lĕq trong chĕq lamvoch, chaq yang saq ntrăch a Yêsu, câp lăm ndây wŏq.14Siđăch Yêsu palây sĭq Ga-li-lê sŭng prơn gŭn Siđăch Wênh de, bây vu chăng lơ sĭq Nĕh lam sŭng palây rawênh nŏq.15Yêsu tămti sŭng ăp nhi tăm vatom văl ganơ de, gĕh ăp ndu tapơ vŏq en.16Yêsu saq tât Na-sa-rét, gatŭq Nĕh gĕh tê a ken, bây dân ca ăp vadâq nơm de, Nĕh uĕh lăp nhi tăm vatom sŭng năr Sa-bat en tao yăq đŏc măq mŭnh.17Khwănh sirăq tiêng tri Ê-sai gĕh dơp an Nĕh, en lăm pơq khwănh sirăq lŭh, Nĕh wŏng vlam gatŭq cồ camvŭm gĕh chêr caheq:18“Siđăch Wênh Cô Voq de gŭq vlơ ănh, mvăc Nĕh gĕh lap yầu an ănh, chĕq nhai Sinlơ Yăh an tamun lŏh sat. Nĕh gĕh pađăr ănh nhai lŭh sinlơ yăh lahông an tamun cồ chaq yang trăng jơ, bây ôp yăh sĭq vlâq tamun jingo măt, chĕq dơp tamun cồ vu tân vôp gĕh lŭh ntrăch,19bây chĕq nhai lŭh mva yăh Siđăch de.”20Alưr lăm taklôn sirăq lăp trŏh vlâq an nĕh cồ dơp, Nĕh gŭq jưr. Lĕq săq tamun sŭng nhi vatom sên mrŏng mrŏng Nĕh.21En nŏq, Yêsu pơq nhai bây khây nĕh, pành: “Năr heq, camvŭm Cô Voq tât u tôr pôp ŏh nŏq avrêq jêng gayh èn.”22Ăp ndu ayh nhai candân yăh sĭq Yêsu bây khây nĕh sây krăq krây sĭq camvŭm vênh sinăc yăh lŭh a mŭnh Nĕh, bây khây nĕh tăm nhai: “Heq đăng gal pành con klô Yô-sép de hàh?”23Yêsu nhai bây khây nĕh: “Payh nhâng pôp ŏh nhai bây ănh camvŭm prau yau heq: ‘Ơ gru jrơu, sô ranăm an nơm di yăh. Gưt vagŏq vrŭq cồ khananh gĕh chăng lơ gĕh ôp u Ca-bê-na-um, nŏq Cô khoi ôp lŭh u heq, tŭq palây pala nơm de vồh.’”24En nŏq Yêsu nhai: “Nhâng bâng, ănh nhai bây pôp ŏh, pành đăng tiêng tri lây gĕh vu roc wŏq u palây nhi nơm.25Ănh nhai bây pôp ŏh pănggơih lăp vrŭq gĕh nhâng, pành gŏq ndu ur mrô cồ gŭq u I-sơ-ra-ên sŭng lăm Ê-li, dâq cồ trôq prăng krit sŭng pe mva prau khay, lăm nŏq, sinlơ pangot măq lŭng sẫy lŭh lam palây,26cồ Ê-li gĕh pađăr dâl tât payh cồ đăng mvu lây ndây sŭng khây nĕh, pành ayh tât Sa-rep-ta, u palây Si-đôn, dâl tât payh du ndu ur mrô siklô.27Khoi gĕh gŏq ndu rawŏq ramanh u I-sơ-ra-ên sŏng lăm tiêng tri Ê-li-sê, bây đăng gĕh du mvu lây sŭng khây nĕh cồ gĕh yăh, ayh Na-a-man tamun Si-ri.”28Lăm chăng khây camvŭm nŏq, ăp ndu sŭng nhi vatom hao nuih vyăq lŭng.29Alưr lăm pruh tao, Khây nĕh piêt dơp Yêsu lŭh a ling palây, bây têch Nĕh tâu vlơ vwây gŭng cồ palây khây nĕh gŭq vlơ nŏq, chĕq hwât Nĕh jưr.30Aheq Yêsu saq vi ndây alưr lăm saq găn ntrăch vlăc canđal khây nĕh.31Yêsu saq jưr Ca-bê-na-um, du palây u ntĕh Ga-li-lê, bây Nĕh pađau tămti văl ganơ sŭng năr Sa-bat.32Khây nĕh lêch nuih sĭq vrŭq pađau Yêsu de, mvăc camvŭm Nĕh tănlŭh nggâm bây prơn gŭn.33Sŭng nhi vatom, gĕh du mvu dip wênh chaq chhŭq chhau khlâm, bây nĕh sec cuôl măq mŭnh:34“Ah! Yêsu Na-sa-rét, khananh bây Cô gĕh vrŭq lây đăng? Gal Cô tât tachưt khananh hâng? Ănh gưt Cô cồ vu lây — cồ Candranh yăh soch jrŏh Siđăch Trôq de!”35Siđăch Yêsu chih canjâq nĕh, pành: “Gŭq krap chĕq, bây lŭh ntrăch a tamun heq!” Payh cồ alưr lăm phlâq tamun nŏq vông hlâq u ntĕh vlăc canđal mintan tamun vatom, chaq lŭh ntrăch a nĕh, đăng ôp tamun nŏq ji côr uy.36Sinlơ phŭng candŭh tât vlơ ăp ndu, bây khây nĕh tăm nhai sŭng ndăng ganai, pành: “Tanrong lây heq, tât daq bây nring măq mi nggâm prơn gŭn, Nĕh pơq camvŭm dăh chaq chhŭq chhau, bây khây chaq lŭh ntrăch?”37Vrŭq tapơ sĭq Yêsu lam lĕq ăp gatŭq rawênh nŏq.38Alưr nŏq, lăm pruh tao lŭh ntrăch nhi vatom, Yêsu lăp nhi Si-môn de. Payh nŏq, mê po Si-môn nĕh ji côr mvăc hao râng vyăq lŭng, en khây nĕh wĭnh lŭp Yêsu an nĕh.39Tao yăq nkêng nơm vlơ un, Yêsu lăh râng dŭh, bây ji râng lŭh ntrăch a un, en un pĭh păh pruh tao sŭmmrăp war sa an khây nĕh.40Lăm măt năr rŏh, lĕq săq răq ndu payh cồ gĕh ji râng bây lôch khây sinlơ ji côr lây, vu văt tât khây nĕh an Yêsu, en Yêsu ranăm yăh khây nĕh lăm chĕq ti vlơ ăp ndu sŭng khây nĕh.41Khây chaq lŭh ntrăch a gŏq ndu, lăm cuôl tayh en nhai pành: “Yêsu cồ Con Siđăch Trôq de!” payh ju vrŭq chih lăh, Nĕh đăng an khây chaq nhai lŭh, mvăc khây nĕh gưt Nĕh cồ Siđăch Yơt Dưnya.42Lăm pơq vôq du năr me, alưr lăm lŭh ntrăch gatŭq nŏq, Yêsu saq tât vi singot, en mintan văl saq wŏng Nĕh, bây khây nĕh gât saq di tât lăm vlam Nĕh nŏq gât jơ Nĕh sĭq vlâq, đăng an saq ntrăch a khây nĕh.43Aheq Yêsu nhai bây khây nĕh, pành: “Ănh khoi nhai Sipơp Yăh sĭq daq Cô Voq de an khây palây ndây wŏq, mvăc ănh gĕh pađăr sĭq vrŭq heq.”44En Yêsu pađau tămti wŏq u sŭng khây nhi vatom palây Yu-đê.
FAR EAST BROADCASTING COMPANY