Luke17
1En Yêsu nhai bây khây con tuyh nơm: “Vrŭq đăng cồ pành đăng sẫy lŭh nŏq cồ vrŭq ôp tachơn tajŏh, en lŏh sat lŭng vu lây cồ ju nĕh, văt tât khây tachơn tajŏh!2Pành nhâng yăh an nĕh nŏq payh cồ du lâm lapăl tamô gĕh nchăp rawênh nco nĕh, bây trŏh nĕh sŭng daq lênh yăh dông a chĕq nĕh ôp tachơn tajŏh an du mvu sŭng khây con se heq.3Căh sên gưt jơ nơm! Hê du mvu pôp ŏh vơn bưn bap, nŏq chĭh tacăh nĕh nŏq; bây hê nĕh gưt palâq vlâq, hwât tabayh bap tih an nĕh.4Cồ tamun nŏq bap tih bây pôp ŏh tât pâh dâq du năr, bây pâh dâq palâq vlâq nhai bây pôp ŏh: ‘Ănh palâq vôq,’ nŏq pôp ŏh cơ gât hwât tabayh bap tih an nĕh!”5Khây con tuyh nhai bây Siđăch: “Wĭnh paq wŏq sinlơ tôq camvân an khananh.”6Payh en, Siđăch âh: “Hê pôp ŏh gĕh sinlơ tôq camvân dâng nggrăp ra'nga, nŏq lăm pôp ŏh nhai bây chhơ sach heq pành: ‘May tarơq diyĕh hao bây tăm jưr u sŭng daq lênh’ nŏq mŏh nĕh chăng bây mŭnh pôp ŏh.7Payh vu lây sŭng pôp ŏh gĕh dĭch năc saq laqwa tamăn ha saq tê dive a mơ sĭq cồ nhai bây nĕh: ‘Tât gŭq lăp panâr sa vồq’?8Palâq lăp nŏq, đăng gal nơm nơm nhi nhai bây dĭch: ‘Parang bănh pai an ănh sa, bây tăn chăp vŭt tachŏq an ănh sŭng lăm ănh sa huch, en alưr khây vrŭq nŏq, dĭch mơ sa huch’ ằm?9Tamun nơm nhi nŏq đăng chĕq nuih pành may mo dĭch nŏq mvăc nĕh ôp khây vrŭq cồ gĕh pađăr pân, gal đăng?10Pôp ŏh khoi canŏq, lăm lây pôp ŏh ôp en ăp vrŭq gĕh pân nơm ôp, căh nhai pành: ‘Khananh cồ khây dĭch năc đăng dip yăh heq, khananh gĕh ôp en vrŭq cồ khananh pân ôp.’”11Vrŭq sẫy lŭh sŭng lăm saq vlơ trong tât Yê-ru-sa-lem, nŏq Siđăch găn ntrăch gatŭq simơ vatip vlăc canđal Sa-ma-ri bây Ga-li-lê.12Lăm Siđăch lăp sŭng du palây tĭq, mât ndu rawŏq ramanh câp wŏq Siđăch, en khây nĕh tao yăq a ngai13en khây nĕh pơq mŭnh nhai: “Khwây gru Yêsu, wĭnh sinđach khananh.”14Lăm sây khây nĕh, Siđăch nhai bây khây nĕh: “Sô saq lŭh măt nơm bây khây sipăm.” Bây vrŭq sẫy lŭh sŭng lăm khây nĕh saq, khây nĕh gĕh jrŏh yăh.15En du mvu sŭng khây nĕh, lăm sây pành nơm gĕh yăh văh, nĕh palâq sĭq vlâq, măq mŭnh payom Cô Voq.16Nĕh pin măt jưr u jâng Yêsu, may mo Yêsu. Pôp nŏq cồ tamun Sa-ma-ri.17Payh cồ, lăm âh vlâq, Siđăch Yêsu nhai: “Đăng gal lĕq mât ndu gĕh yăh hàh? En vi sưn ndu tĭq wŏq?18Lŭh đăng sây vu lây palâq sĭq chĕq tapơ payom an Cô Voq ayh cồ du mvu tamun daq ndây heq?”19En Siđăch nhai bây pôp nŏq: “Sô tao yăq, bây saq vŏq, sinlơ tôq camvân pôp de ranăm yăh pôp.”20Lăm gĕh khây tamun Pha-ri-si lŭp lăm lây daq Cô Voq de tât, Yêsu âh camvŭm khây nĕh, bây nhai: “Daq Cô Voq đăng tât a bây sinlơ sên singgal gĕh.21Khây vu khoi đăng nhai: ‘Sên heq, u heq!’ ha ‘tĭq tĭq!’ Mvăc, sô sên vồq, daq Cô Voq gŭq u sŭng glăm khây cô.”22En Yêsu nhai bây khây con tuyh: “En gĕh khây năr pành lăm cồ pôp ŏh dŭh nuih cơnh sên sây muôi sŭng khây năr Con Tamun de, en pôp ŏh đăng sây gĕh.23En khây vu nhai bây pôp ŏh: ‘Tĭq, ơ tĭq!’ ha ‘Heq, u heq!’ Vâng saq tât, khoi vâng mprăng dăh bây khây nĕh.24Mvăc dân ca chhe lơp sindraq chir a tŭq jâng trôq heq sol sindil tât tŭh jâng trôq tĭq, nŏq Con Tamun khoi dân canŏq.25Canŏq vrŭq cơnh daq vôq lĕq an Siđăch cồ wŏq gŏq khây sinlơ rabăh rabơp bây đăng wŏq hwi vôq a khây nggơih heq.26Dân cồ vrŭq gĕh sẫy lŭh canŏq sŭng nggơih Nô-ê, nŏq nĕh khoi dân canŏq sŭng nggơih Con Tamun de.27Khây vu gât sa, huch, tăm lŭp, tăm sai — diêt tât năr Nô-ê lăp sŭng duq, en daq lĭch lâr tât bây tachưt lĕq jrŏh.28Khoi ca nŏq, dân vrŭq gĕh sẫy lŭh sŭng lăm Lot de — vu khoi ayh sa, huch, vro, tăch, swây tăm, tatao nhi,29en lăm năr Lot lŭh ntrăch a Sô-đôm, nŏq mi ŭnh bây tamô ŭnh a vlơ trôq rŏh jưr, en ŭnh sa lawăch lĕq.30Vrŭq gĕh sẫy lŭh khoi dân canŏq sŭng năr Con Tamun lŭh măt.31Sŭng năr nŏq, vu lây gŭq vlơ vôq duôl nhi en păch caya nơm u sŭng nhi, nŏq vâng jưr chĕq nhŭp situôn; bây khoi canŏq, vu lây u tamăn vâng palâq sĭq bây khây păch cồ hôm vlâq.32Căh sĭq vlâq si-ur Lot de.33Hê vu lây wŏng trong jơ sinlơ hôm mrĭh nơm nŏq cồ pachĕq nĕh, en hê vu lây hwât chĕq nŏq gĕh jơ yăh an nĕh.34Gru nhai bây pôp ŏh, sŭng măng nŏq, gĕh var ndu vĭq simơ du chơnơng. Du mvu gĕh têch saq, en du mvu tĭq chĕq sĭq vlâq.35Pành gĕh var ndu pĕh va sŭng du gatŭq. Du mvu gĕh iau saq, en vu tĭq chĕq sĭq vlâq.”36[Var ndu u ling tamăn, du mvu gĕh văt saq, bây tamun tĭq cồ chĕq sĭq vlâq.]37En lăm nhai wŏq, khây nĕh nhai bây Siđăch: “Cŭh Siđăch, u tŭq lây?” En Yêsu nhai bây khây nĕh: “Rup chưt vi lây, khlang râp khoi lamul vatom vlâq u nŏq.”
FAR EAST BROADCASTING COMPANY