Luke14
1Vrŭq sẫy lŭh lăm Yêsu saq lăp nhi du mvu sên vôq sŭng ndăng ganai Pha-ri-si sŏng năr Sa-bat chĕq sa war, en khây vu sŏq măt dâl sên mŏng mŏng dăh bây diêt Yêsu.2En tĭq, gĕh du mvu nŏq ji hao ayh rup nơm gŭq sŏng vôq măt Yêsu.3Lăm pơq camvŭm, Siđăch Yêsu nhai bây khây nĕh tămti ravwŏq nggâm tamun Pha-ri-si, pành: “Gĕh ranăm yăh u sŭng năr Sa-bat ha đăng?”4En khây nĕh krap ra'ngăp. En lăm iơq jrâng tamun ji, Yêsu ranăm yăh nĕh, bây an lŭh sĭq.5Yêsu nhai bây khây nĕh: “Vu lây sŭng khây cô gĕh du mvu con klô, ha du lâm lamo, tarŏh sŭng ntu sŭng năr Sa-bat en đăng di sô đưc nĕh hao?”6Khây nĕh đăng cammlăh vlâq gĕh sĭq khây camvŭm nŏq.7En Yêsu đơm an khây tamuôi gĕh panh tât du vrŭq prŭp, mvăc sây lĕq vrŭq khây nĕh wŏng tŭq gŭq yăh avôq, nŏq nhai bây khây nĕh pành:8“Lăm khây cô gĕh vu lây nŏq panh tât sa tăm sai, vâng gŭq lăp tŭq sa vi cồ yăh avôq, mŏq gưt gĕh du mvu ndây măq mi dông a khây cô gĕh tamun nŏq panh tât,9lăm tamun cồ panh pôp ŏh bây tamuôi tĭq saq tât, nhai bây khây cô: ‘Wĭnh chĕq gatŭq heq an nĕh heq,’ nŏq khây cô vaih cồ wŏq gatŭq can'hâm lĕq bây sinlơ prênh haih.10Palâq vlâq, lăm khây cô gĕh panh, căh tât, gŭq tŭq sa vi alưr lĕq, chĕq lăm nĕh cồ panh khây cô tât, nĕh nhai bây khây cô: ‘Ơ ganai vơn, wĭnh hao gŭq vi cồ prĭh dông.’ Lăm nŏq, gĕh sinlơ ta-iơq prĭh an khây cô u vôq măt ăp ndu cồ gŭq sa simơ bây nơm.11Mvăc vu lây iơq nơm hao vlam sinlơ tănjưr, en vu lây tănjưr dêh nơm gĕh iơq hao.”12Alưr nŏq, Yêsu khoi pân bây tamun cồ khwây panh Nĕh: “Lăm cô prang sa war năr tam vôp ha war mau, vâng panh ndăng ganai cô, ha pôp ŏh cô, ha chhe hwai cô, khoi đăng panh mĭh mayông sŭc palây cồ jina, mvăc pành, khây nĕh khoi panh vlâq cô, en vrŭq trŏh sinwơi khoi tât an cô.13Palâq vlâq, lăm cô parang war sa, căh panh khây tamun lŏh sat, cannwe cannwăt, jingo măt,14nŏq cô gĕh păch yăh, mvăc khây nĕh đăng gĕh prơn trŏh vlâq an cô. Mvăc vrŭq song trŏh chĕq ân cô iưn sŭng sinlơ hôm mrĭh sĭq vlâq an tamun sŏng yăh.”15Lăm muôi sŭng khây tamun cồ gŭq sa simơ chăng khây camvŭm heq, nĕh nhai bây Yêsu: “Yăh vŏq âr an tamun gĕh sa bănh sŭng daq Cô Voq de!”16Aheq Yêsu nhai bây nĕh: “Gĕh tamun tĭq parang war sa măq bây panh gŏq tamuôi.17Tât lăm sa, nĕh pađăr dĭch nĕh saq tacăh khây tamuôi cồ gĕh panh lor: ‘Wĭnh sô tât mvăc war sa gĕh sŭmmrăp sindăc en.’18En lĕq săq khây nĕh a ndu hwi vôq pành nôq. Tamun di muôi nhai bây nĕh: ‘Ănh gĕh vro du lôq tamăn, en ănh cơnh saq sên nĕh. Wĭnh cô an ănh trŏh camvŭm gĕh panh.’19Vu ndây nhai: ‘Ănh gĕh vro prăm yơu lamo, bây mơch saq sên long prơn lamo nŏq. Wĭnh cô an ănh trŏh camvŭm gĕh panh.’20Tamun ndây wŏq nhai: ‘Ănh me sai si-ur, en payh canŏq ănh đăng saq gĕh.’21Tamun dĭch nŏq sĭq, đơm vlâq khây vrŭq nŏq an nơm nhi nơm. Lăm nŏq, alưr lăm hao nuih, nơm nơm nhi nhi nhai bây dĭch nĕh: ‘Di sô saq jăc lŭh bây khây trong hwi bây trong hwêt sŭng palây heq en văt sĭq tu heq khây tamun lŏh sat, chhwơt nơm, khlông jingo bây cannwe cannwăt.’22Dĭch năc nhai: ‘Ơ cô, khananh ôp vrŭq cô gĕh pân pađăr, en gât hôm canăh tŭq gŭq.’23Nơm nhi nhai bây dĭch năc: ‘Sô saq lŭh bây trong palây nggâm poch bây vatip talong, en piêt vu saq lăp, payh chĕq di vênh nhi ănh.24Mvăc ănh nhai bây pôp pành đăng gĕh vu lây sŭng mintan tamun cồ gĕh panh tĭq gĕh sa war prang ănh.’”25Lăm nŏq, khây mintan văl gŏq săq saq bây Yêsu, bây lăm pale nơm vlâq, Yêsu nhai bây khây nĕh:26“Hê vu lây tât bây ănh cồ đăng ncom vap mê, si-ur con, pôp ŏh klô ha ur nơm, bây lawân sinlơ hôm mrĭh nơm de, payh tamun nŏq đăng ôp con tuyh ănh je gĕh.27Hê vu lây đăng tung chhơ pagăn nơm bây saq dăh alưr ănh, tamun nŏq khoi đăng gal con tuyh ănh.28Mvăc vu lây sŭng pôp ŏh cơnh tatao du rot nhi prĭh, cồ lor lĕq đăng gŭq chĕq chêr sên vagŏq jên caih — nơm lôch prơn chĕq ôp jêng en ha đăng?29Phŭng pành, alưr lăm pôp nŏq rung jâng chĕq cơl pông jrŏng en đăng lôch prơn chĕq ôp wŏq, lĕq săq khây vu lây deng sây mŏh pơq camvŭm gơm sŏh nĕh,30nhai pành: ‘Nĕh heq pôq cồ tatao nhi en chĕq diêt đăng jêng en uy!’31Ha vatau lây, lăm mơch saq iau pâm minsŭh bây vatau ndây u tŭq tăm pâm, đăng gŭq jưr, lor lĕq chêr sên pành payh nơm gĕh du tamơn congti, nŏq lôch prơn chĕq tăm jâl bây mintan congti saq tât tăm chŏl bây nơm gĕh di var tamơn congti tĭq đăng?32Payh pành sây đăng truh, nŏq lăm vatau tĭq hôm a ngai, vatau heq săng tamun nơm saq wĭnh rawa yăh tăm la-êr.33Payh vlâq, khoi dân canŏq, vu lây sŭng pôp ŏh en đăng hwât chĕq ăp sinlơ nơm gĕh nŏq đăng jêng gayh con tuyh ănh je.34Vŏh nhâng yăh ntiêt, en payh vŏh khoi pachĕq păch yăh ntiêt, nŏq nĕh gĕh sŏq chĕq doq pai an di ntiêt bây păch lây wŏq?35Nĕh đăng hôm don yăh an ntĕh khoi đăng chĕq ôp nchhuch gĕh. Vu ayh hwât tabayh nĕh tâu ling. Vu lây gĕh tôr chĕq iêt, sô iêt.”
FAR EAST BROADCASTING COMPANY