John2
1En sŭng năr di pe, gĕh du rông tăm sai u Ca-na, ntĕh Ga-li-lê, gĕh mê Siđăch Yêsu de u nŏq.2Siđăch Yêsu nggâm khây con tuyh Nĕh de khoi gĕh panh tât war tăm sai.3Lăm alăc ramvu swuôt lĕq, mê Siđăch Yêsu nhai bây Nĕh: “Khây nĕh đăng hôm alăc ramvu.”4En Siđăch Yêsu nhai bây nĕh: “Ơ mê, vrŭq nŏq gĕh sinlơ ratênh lây tât Ănh bây mê heq? Vadâq ănh de hôm ndŏh tât.”5Mê Siđăch de nhai bây khây dĭch năc pành: “Căh ôp bây ăp vrŭq lây cồ Nĕh săng khamay ôp.”6U nŏq gĕh prau lâm drăp tamô gĕh chĕq lŭh ca-ayh an vrŭq rao jrŏh tamun Yo-thai de, ăp lăm drăp vadâng gĕh mơch var tât pe wĕh daq.7Siđăch Yêsu nhai bây khây nĕh: “Căh tŭh vênh daq lăp sŭng khây drăp nŏq.” En nŏq khây nĕh pŏh vênh daq tât mŭnh.8En Siđăch nhai bây khây nĕh: “Vrêq wŏh daq lŭh en văt tât an tamun sên vrŭq sa huch.” Nŏq khây nĕh văt saq.9Lăm tamun sên vôq vrŭq sa huch layĕp daq cồ gĕh wâr lŭh alăc (cồ nĕh đăng gưt alăc nŏq gĕh a vi lây, hôm khây dĭch năc — cồ khây tamun gĕh wŏh daq nŏq — gưt dân), nŏq nĕh cuôl sau klô,10en nhai bây nĕh: “Ăp ndu uĕh an huch alăc băq lor, en lăm chăm tamuôi huch vanhưl en, nŏq vu an huch alăc takiq jên dông. Hôm pôp đe jơ alăc băq an tât lăm vrêq heq.”11Heq cồ păch chin'hâu vôq lĕq Siđăch Yêsu gĕh ôp u Ca-na, ntĕh Ga-li-lê, Siđăch pơq an sây sinlơ sindraq sindil Nĕh de; en khây con tuyh Siđăch de tôq u Nĕh.12Alưr vrŭq nŏq, Siđăch Yêsu, mê Nĕh, bây khây ŏh klô nggâm khây con tuyh Nĕh de saq jưr tât palây Ca-bê-na-um; en khây nĕh gŭq u nŏq đăng gŏq năr.13Lễ Saq Ntrăch tamun Yo-thai de lĕq mơch tât, nŏq Siđăch Yêsu saq hao tât palây Yê-ru-sa-lem.14Siđăch sây sŭng nhi cŭh khây tamun tăch vưr, dive, bây sŭm vrăt, nggâm tamun gâl jên gŭq u nŏq.15Lăm tanh du tong rĕh a chhe en, Siđăch dăh lĕq khây nĕh lŭh ntrăch nhi cŭh, nggâm dive bây vưr, Nĕh khoi tŭh vrŏh jên tamun gâl jên de, en phlâq nra khây nĕh de.16Siđăch nhai bây khây tamun tăch sŭm vrăt: “Văt khây păch nŏq lŭh ntrăch a heq. Vâng ôp nhi Vap ănh de jêng gatŭq tăch vro.”17Khây con tuyh Nĕh de căh sĭq vlâq camvŭm gĕh chêr pành: “Nuih talaq uĕh vrawŏq sĭq nhi Cô Voq de sŏh roq ănh.”18Payh canŏq, tamun Yo-thai âh sĭq vlâq en nhai bây Siđăch: “Cô an kha nanh sây păch chin'hâu lây lăm Cô ôp khây vrŭq heq?”19Siđăch Yêsu âh camvŭm, Nĕh nhai bây khây nĕh: “Pâm talĭh nhi cŭh heq chĕq, en sŭng pe năr ănh nhâng tatao nĕh sĭq vlâq!”20En nŏq tamun Yo-thai nhai: “Nhi cŭh heq gĕh tatao sŭng puôn jât prau mva, hôm Cô tatao nhi nŏq sĭq vlâq gĕh sŭng pe năr êh?”21Cồ nhâng, nhi cồ Siđăch gĕh nhai tât nhai sĭq nhi cŭh rup swan nơm Nĕh de.22Payh canŏq, lăm Siđăch a gatŭq chưt tao rĭh sĭq vlâq, khây con tuyh Nĕh de căh sĭq vlâq pành Siđăch gĕh nhai canŏq, nŏq khây nĕh tôq Sirăq Gŭn bây camvŭm cồ Siđăch Yêsu gĕh nhai.23Sŭng lăm Siđăch gŭq u Yê-ru-sa-lem sŭng dŏq Lễ Saq Ntrăch, u vi mintan vatom, gŏq ndu tôq u săq Siđăch lăm sây khây păch chin'hâu cồ Siđăch gĕh ôp.24Cồ canŏq, Siđăch Yêsu Nĕh đăng chĕq nuih talaq tôq nơm de an khây nĕh, mvăc Siđăch gưt lĕq ăp ndu,25Siđăch đăng cơnh don tât vu lây chĕq nhai candân sĭq vu lây an Nĕh gưt uy, mvăc Siđăch nơm nĕh gưt vrŭq lây u sŭng ăp ndu con tamun.
FAR EAST BROADCASTING COMPANY