Hebrews10
1Mvăc ravwŏq — lăm wŏq gĕh ayh gui khây sinlơ rom yăh cồ mơch tât, đăng gal cồ nơm rup nhâng khây vrŭq yăh nŏq de — đăng dâq lây cồ ôp an di jêng yăh gĕh khây vu lây tât mơch Siđăch Trôq nggâm bây khây con pađăc cồ khây nĕh gât wân lawân văt pađăc hao ăp mva.2Mvăc hê gĕh prơn, nŏq đăng gal khây con pađăc lĕq pâh lu gĕh pađăc hao, mvăc khây tamun cŭh sưmvăh đăng hôm sây văq njŏq bưn bap wŏq, lăm lĕq gĕh chhat rao jrŏh du dâq lôch lawân hàh?3Palâq vlâq, sĭq khây păch pađăc nŏq, gĕh du sinlơ chĕq tacăh sĭq bưn bap sŭng ăp mva.4Mvăc n'ham lamo kwŏng bây ve ve kwŏng đăng hwât bưn bap saq gĕh.5Payh canŏq, lăm lăp sŭng dưnya, Siđăch nhai:“Siđăch đăng cơnhcon pađăc bây păch pađăc,En Siđăch gĕh sŭmmrăp sưndăc du rup swan an Con;6Siđăch khoi đăng can'hir cơnhkhây păch pađăc cồ gwŭch lĕq bây trŏh ala bưn bap.7Alưr nŏq, ănh pành: ‘Wĭnh deng sên, Con tât —dăh bây camvŭm sŭng sirăq taklôn gĕh chêr sĭq con —chĕq ôp bây nuih cơnh Siđăch de, ơ Siđăch Trôq.’”8Lăm Siđăch nhai dân ca avlơ nŏq pành: “Siđăch đăng cơnh con pađăc bây păch pađăc, nggâm khây sinlơ pađăc cồ gwŭch bây wŏq bưn bap. Siđăch khoi đăng dĭh nuih khây sinlơ nŏq” (cồ khây păch gĕh pađăc hao bây ravwŏq pađau),9alưr nŏq, Siđăch nhai: “Wĭnh deng sên, Con tât chĕq ôp bây nuih cơnh Siđăch de.” Siđăch hwât tagayh vrŭq di muôi chĕq iơq hao vrŭq di var.10Payh ơ nuih cơnh nŏq, khây vơn heq gĕh jêng jrŏh soch don sinlơ pađăc rup swan Siđăch Yơt Dưnya Yêsu de ôp con pađăc du dâq lôch lawân.11Nhâng, Ăp ndu gru sipăm ăp năr tao yăq ôp vrŭq pân ôp bây wân lawân pađăc simơ khây con pađăc, cồ khây con pađăc đăng dâq lây hwât gĕh sinlơ bưn bap uy.12Aheq Siđăch, alưr lăm payh ơ sinlơ bưn bap pađăc ayh du con pađăc di tât wân lawân, nŏq gĕh gŭq a dăl ma Siđăch Trôq de,13câp nggơ a vadâq nŏq di tât lăm khây tamun chŏl sĭq vlâq Siđăch bị chĕq jưr chĕq ôp panâr nong jâng Siđăch.14Mvăc don ayh du con pađăc, Siđăch gĕh ôp khây tamun gĕh chhat rao jêng gayh jrŏh yăh di tât wân lawân.15En Siđăch Wênh khoi ôp candân an vơn, mvăc alưr nŏq gĕh nhai:16“Heq cồ tăm lăp ti cồ Ănh iơq lŭh bây khây nĕh,Alưr khây năr nŏq, Siđăch nhai,lăm chĕq ravwŏq Ănh sŭng nuih talaq khây nĕhĂnh khoi chêr ravwŏq lăp sŭng vôq tôr khây nĕh.”17En:“Ănh nhâng đăng hôm căh tât bưn bap khây nĕhbây khây vrŭq đăng ravwŏq khây nĕh wŏq.”18En gatŭq lây gĕh sinlơ chhat rao khây sinlơ tĭh bap nŏq, vi nŏq đăng hôm con pađăc trŏh ala bưn bap.19Payh canŏq, ơ pôp ŏh, mvăc gĕh nuih talaq chha kram an vrŭq tât lăp khây gatŭq gŭn gayh don ju n'ham Siđăch Yêsu,20cồ Candranh gĕh pơq lŭh an vơn du lâm con trong me bây rĭh găn ntrăch păng cŭmvai măq, nŏq cồ rup nơm Siđăch de,21bây du mvu gru sipăm măq mi vlơ lĕq jơ vôq nhi Siđăch Trôq,22nŏq vơn căh tât mơch Siđăch Trôq sŏq nuih talaq yăh nhâng sŭng sinlơ candân krit gât sinlơ tôq camvân de, nuih talaq gĕh vrŏh n'ham chhat rao ntrăch a nuih tôr viêm chhât bây rup swan gĕh rao a daq soch jrŏh.23Vơn căh gưt jơ di gân camvŭm nhai lŭh sĭq sinlơ camvân nơm de bây đăng jăl wăl, mvăc Candranh cồ pănggân lawân jơ camvŭm.24Bây vơn gưt chĕq nuih talaq tămhơch tât ndăng ganai chĕq saq tât vrŭq tăm jŭh jăh nuih talaq tăm sinđach bây khây vrŭq ôp yăh,25lăm đăng hwât tabayh sinlơ jŭm vatom tăm simơ sŭng ganai vơn de dân ca vrŭq cồ uĕh ôp sŭng takiq ndu, palâq vlâq nŏq cồ vrŭq jrông jrâng ganai, en hê pôp ŏh sây năr nŏq mơch tât dâng lây nŏq căh ôp canŏq di camhlăng dông wŏq.26Mvăc hê vơn panâr vôq ôp bưn bap alưr lăm gĕh wŏq sŏq sinlơ dân gưt vênh lôch sĭq sipơp gŭn, nŏq đăng hôm con pađăc lây chĕq trŏh ala bap wŏq,27nŏq cồ sinlơ câp nggơ phŭng candŭh lŭng âr nhâng bâng sĭq sinlơ sa dôih bây sĭq ŭnh ngit lahưp sindăc chĕq sŏh roq khây nĕh cồ tăm chŏl nŏq.28Payh cồ vu lây, hê hwât tagayh ravwŏq Môi-se pănggơih u var ha pe ndu ôp candân, nŏq chưt đăng yâh sinđach uy.29Pôp ŏh sinâng vồq nĕh cồ jot lât Con Siđăch Trôq de, bây sên n'ham sĭq vrŭq tăm lăp ti đăng lŭh păch lây chhŭq chhau — cồ don n'ham nŏq, nơm jêng jrŏh soch — bây ôp bap tât Siđăch Wênh sinăc yăh de, nĕh phải wŏq sinlơ sa dôih canjŏq dông cồ gưt dâng lây?30Mvăc vơn gưt Candranh gĕh nhai: “Sinlơ trŏh daq cồ Ănh je; Ănh nhâng trŏh daq.” Bây nhai pành: “Siđăch ôp dôih văl Nĕh.”31Tarŏh lăp sŭng ti Siđăch Trôq hôm mrĭh wân lawân cồ du vrŭq phŭng ranđih!32En căh sĭq vlâq khây năr lor heq, cồ gĕh sol silang sŭng khây năr nŏq, pành pôp ŏh gĕh wŏq du dŏq tăm chŏl măq mi gŏq sinlơ panhji panhlŏh,33dâq heq cồ vlam lawân sinlơ gơm sâh nggâm sinlơ pagơq a vôq măt văl ganơ, hôm dâq tĭq cồ jêng tamun tăm paq bây khây vu lây pŏh vlam bây tanrong nŏq.34Mvăc pôp ŏh khoi gĕh sŏq nuih sinđach khây tamun gŭq u vi jingo, nggâm bây wŏq vadâng vrŭq plôq avlăh păch caya nơm bây sinlơ vui hơn, mvăc gưt dân nơm gĕh caya yăh dông bây hôm diêt lawân.35Payh canŏq, pôp ŏh vâng hwât tagayh nuih talaq gân tôq nơm de, cồ vrŭq wŏq sĭq nơm du sinlơ trŏh song yăh măq mi.36Mvăc pôp ŏh gĕh pŏh pât sĭq vrŭq mbêr nuih wŏq vadâng, chĕq alưr lăm ôp bây nuih cơnh Siđăch Trôq de, pôp ŏh gĕh prơn wŏq gĕh camvŭm pănggân.37“Mvăc sŭng ndêt takiq jŏq wŏq,Candranh saq tât nhâng tât, bây đăng lĭh jŏq wŏq.38En tamun yăh sŏng Ănh je rĭh don ju sinlơ tôq camvân;en hê tamun n'hưn sĭq alưr, nŏq wênh nggui Ănh đăng vayh nuih sĭq nĕh nŏq.”39En di nơm vơn đăng gŭq sŭng sinlơ n'hưn sĭq alưr vaih tât gatŭq chưt lawăch, palâq sĭq vlâq cồ sŭng sinlơ tôq camvân dăh sĭq tât gatŭq chhwa sưt wênh nggui de.
FAR EAST BROADCASTING COMPANY