2 Thessalonians3
1Chôch lĕq, ơ khây pôp ŏh, wĭnh vơu ngwân an khananh, chĕq camvŭm Siđăch de di jăc pănliq lŭh nggâm gĕh tapơ payom, khoi dân ca gĕh sây u gatŭq pôp ŏh,2bây chĕq an khananh gĕh yơt ntrăch a khây tamun kranh vôq bây chin'hâc, mvăc đăng gal ăp ndu gĕh sinlơ tôq camvân uy.3Nhâng Siđăch, Candranh cồ ôp an kranh gajăp bây jơ sên pôp ŏh ntrăch a tamun viêm chhâc, Siđăch cồ nhâng gân.4Khananh tôq jăp u Siđăch sĭq pôp ŏh pành pôp ŏh gât ôp bây ôp padăng wŏq ăp sinlơ cồ khananh gĕh pân pađau.5Ngwân wĭnh Cô Voq têch iau nuih talaq pôp ŏh lăm sĭq sinlơ sinđach Siđăch Trôq bây saq tât sinlơ mbêr nuih Siđăch Yơt Dưnya de.6Cồ canŏq, ơ khây pôp ŏh, cuôl săq Siđăch vơn de cồ Siđăch Yơt Dưnya Yêsu, khananh nhai pân pôp ŏh, chĕq pôp ŏh diêr ngai ăp ndu cồ tôq en đăng rĭh bây di tơm ravwŏq nggâm đăng dăh bây rapui sinwơi cồ pôp ŏh gĕh wŏq a khananh.7Mvăc nơm pôp ŏh gưt rĭh pơch dăh bây têr rapui khananh canŏq caheq, mvăc khananh đăng rĭh tih a ravwŏq sŭng pôp ŏh,8khananh khoi đăng sa keq păch sa du mvu lây de, en măng năr ôp vrŭq sŭng sinlơ chŏnh n'hyoq bây canjŏq canjơng chĕq đăng vŭq canjŏq an du mvu lây sŭng pôp ŏh,9đăng gal mvăc khananh đăng gĕh kwiềng, mà chĕq khananh sŏq di nơm dân ca păng groi nơm an pôp ŏh chĕq pơch di dăn khananh.10Mvăc tât daq khananh lăm hôm gŭq bây pôp ŏh, khananh nhâng gĕh pân ca'hya pôp ŏh vrŭq heq pành: “Hê vu lây đăng cơnh ôp vrŭq vu nŏq khoi vâng sa vầy.”11Mvăc khananh gĕh chăng lơ pành sŭng pôp ŏh gĕh takiq ndu hôm mrĭh đăng dip bây ravwŏq, đăng ôp vrŭq en ayh tăm doq mŭnh lăp vrŭq vu ndây.12Cồ canŏq sŭng Cô Voq, cồ Siđăch Yơt Dưnya Yêsu, khananh pân ca'hya nggâm côt cĕh vuôi khây tamun canŏq, chĕq khây nĕh sŏq păch sa nơm de lăm ôp vrŭq bây gŭq yăh ra'ngăp.13Hôm khây pôp ŏh, pôp ŏh vâng n'niêt bây vuyh n'hyoq lăm ôp vrŭq yăh.14Măt ndây, hê vu lây đăng tôp jơ camvŭm khananh ju sirăq chêr heq, nŏq căh tămhơch tamun nŏq — chĕq đăng tăm mơch bây nĕh, chĕq an tamun nŏq sây gưt prênh tôr.15Vâng sên nĕh nŏq dân ca tamun tăm chŏl, en căh vuôi pađau dân ca du mvu pôp ŏh.16Ngwân wĭnh nơm Siđăch yăh iên paq an pôp ŏh sinlơ yăh iên sŭng ăp vrŭq sĭq ăp ti singging. Ngwân Cô Voq gŭq bây lĕq săq pôp ŏh.17Camvŭm khwây mơq heq ju ti nơm ănh — Phao-lô — nŏq cồ taih săq sŭng ăp păng sirăq. Ănh uĕh chêr dân canŏq.18Ngwân sinăc yăh Cô Voq vơn de, cồ Siđăch Yơt Dưnya Yêsu, gŭq bây lĕq săq pôp ŏh.
FAR EAST BROADCASTING COMPANY