1 Timothy1
1Phao-lô, con tuyh Candranh Krit Yêsu de bây camvŭm Siđăch Trôq de, cồ Siđăch vơn, bây Siđăch de, cồ Candranh Krit Yêsu, sinlơ camvân vơn de,2dơp an Ti-mô-thê, con nhâng ănh je sŭng sinlơ tôq camvân: Ngwân con gĕh sinlơ yăh an ngăn, sinlơ sinđach, yăh song săq a Siđăch Trôq, cồ Vap bây Candranh Krit Yêsu, Siđăch vơn.3Dân ca lăm saq tât Ma-sê-đwan, ănh gĕh pân ca'hya con gŭq vlâq u Ê-phê-sô chĕq con saq rach pađau khây tamun tĭq đăng an tăm ti sipơp ndây,4khoi vâng chĕq nuih tât khây prau yau mvâr mviq bây khây sirăq chêr chhe njang jong lahwêq, cồ ăp sinlơ dơp tât vrŭq tăm cammlăh, dông cồ vrŭq ôp jơ sên nhi Cô Voq, cồ vrŭq ôp don a sinlơ tôq camvân.5Nhâng gatŭq tât sĭq camvŭm pân săng heq nŏq cồ sinlơ sinđach phŭch lŭh a nuih talaq yăh jrŏh soch bây play nuih yăh nggâm bây sinlơ tôq camvân đăng mvâr mvih,6en takiq ndu, mvăc chroc a gatŭq tât, en palâq tabayh chĕq tămhơch tât vrŭq tăm nhai vôt gala mvăq mvây,7cơnh ôp gru pađau ravwŏq, lăm đăng gưt đăng gal ayh khây camvŭm nơm nhai nŏq hôm sĭq ăp sinlơ cồ nơm tôq camvân.8Nhâng, vơn gưt pành ravwŏq nĕh mơ yăh hê vu gưt ôp bây nĕh an di dip,9mvăc gưt păch heq, nŏq cồ ravwŏq đăng gĕh văt lŭh an tamun yăh sŏng, nŏq an tamun cồ đăng gĕh ravwŏq bây đăng ôp bây, tamun cồ đăng tôq nggâm bưn bap, tamun đăng yăh sŏng bây chhŭq chhau, tamun tachưt vap bây tachưt mê, tamun tachưt vu,10tamun cani camăn, ur cơnh ur klô cơnh klô, tăch vro con tamun, tamun nhai mvâr, candân mvâr palôm, bây an khây vu lây tăm chŏl bây sinlơ pađau dip gal,11dip bây Sipơp Yăh sindraq sindil Siđăch Trôq yăh vŏq âh de, cồ vrŭq nŏq ănh lĕq gĕh dơp an.12Ănh may mo Candranh cồ paq prơn nhwa an ănh, nŏq cồ Candranh Krit Yêsu, Siđăch vơn, mvăc Nĕh gĕh sây ănh gĕh du nuih candưl, lăm chĕq ănh lăp sŭng vrŭq ôp,13an lor aheq ănh cồ tamun mơ viêm chhâc, nhŭp tăn bây pagơq sưmmrâh, nŏq ănh nhâng wŏq gĕh sinlơ sinđach mvăc lăm đăng gưt, ănh khoi gĕh ôp păch sŭng sinlơ đăng tôq.14Nhâng, sinlơ yăh an ngăn Siđăch vơn de cồ măq mi lôch lam bây sinlơ tôq camvân nggâm sinlơ sinđach sŭng Candranh Krit Yêsu.15Sipơp heq cồ nhâng bâng bây yăh chĕq wŏq an di lĕq, nŏq cồ: “Candranh Krit Yêsu gĕh tât sŭng dưnya chĕq yơt con tamun bưn bap” — nŏq sŭng nŏq ănh cồ tamun saq a vôq lĕq.16Nhâng, ănh wŏq gĕh sinlơ sinđach mvăc vrŭq heq, nŏq cồ chĕq Candranh Krit Yêsu Nĕh văt lŭh lĕq nuih talaq tănjưr nơm sŭng ănh, tamun bưn bap a vôq lĕq, dân ca du dŭng an khây tamun gĕh tôq u Siđăch chĕq gĕh sinlơ rĭh wân lawân.17Ngwân sinlơ măq prĭh bây sinlơ sindraq sindil sĭq maq Vatau ăp nggơih, cồ Siđăch Trôq ayh muôi wân lawân, đăng gĕh nggui, an tât wân lawân. A-men.18Ti-mô-thê, con ănh, ănh dơp camvŭm heq an con, bây khây camvŭm tiêng tri lor heq sĭq con, chĕq don a nĕh, con nhâng mprăng lăp sŭng vrŭq tăm pâm tăm păh măq mi,19lăm jơ a jăp sinlơ tôq camvân bây con tamun sŭng glăm yăh, nŏq gĕh takiq ndu, mvăc đăng wŏq, lĕq ôp vông jŏch sinlơ tôq nơm,20sŭng nŏq gĕh Hi-mê-nê bây A-lec-san-đơ, cồ khây tamun nŏq ănh lăq dơp an Satan chĕq an khây nĕh gĕh pađau tăm ti chĕq đăng thêng nhai viêm tât Cô Voq.
FAR EAST BROADCASTING COMPANY