2 Corinthians4
1Payh ju vrŭq nŏq, lăm jơ vrŭq ôp heq bây prơn cồ khananh lăq gĕh sinlơ sinđach, khananh đăng hyoq chŏnh vông tôr.2Ala lăp nŏq, Khananh gĕh hwi vôq ăp sinlơ viêm vôt tăm pôn sưt, lăm đăng gŭq saq sŭng sinlơ mvâr mvir, khoi đăng valâm pale camvŭm Siđăch Trôq, nŏq don a vrŭq nhai lŭh camvŭm nhâng bâng, păng hyơ nơm khananh lŭh an con tamun sŭng glăm ăp ndu u vôq măt Siđăch Trôq.3Nŏq tât daq hê Sipơp Yăh khananh de gĕh tang sưt nggưt, en nŏq cồ gĕh tang sưt nggâm bây khây tamun pachĕq,4nŏq sŭng khây nĕh, yang ravang u vri heq gĕh ôp jingo chhu vôq khây tamun cồ đăng tôq nŏq de, tât daq sinlơ silang Sipơp Yăh sinlơ sindraq sindil Candranh Krit de, Candranh cồ nggui Siđăch Trôq de, đăng sol vlơ khây nĕh.5Mvăc khananh đăng yảng sĭq nơm khananh, nŏq cồ Candranh Krit Yêsu, nŏq cồ Cô Voq, hôm nơm khananh dân ca dĭch năc pôp ŏh de mvăc Siđăch Yêsu.6Mvăc Siđăch Trôq, Candranh gĕh nhai: “Sinlơ silang gĕh sol lŭh a vi jingo,” cồ Candranh gĕh sol sŭng nuih talaq khananh tămhơch tât vrŭq pơq silang sinlơ đom gưt sĭq sinlơ sindraq sindil Siđăch Trôq de u vôq măt Candranh Krit Yêsu.7Nŏq khananh vadâng păch caya yăh heq u sŭng ăp vaniêng ntĕh uq, chĕq sinlơ măq mi prĭh vlơ sĭq prơn gŭn nŏq cồ don a Siđăch Trôq, đăng gal a khananh;8cồ khây tamun vlam sinlơ piêt gatŏq sŭng lôch sinlơ, nŏq đăng gĕh tân vông; đăng gĕh jăl wăl, nŏq đăng vông tôr;9vlam vu ôp pagơq pahơn, nŏq đăng gĕh hwât chĕq; vlam vu pâm gông, nŏq đăng phơi chĕq;10wân lawân văq anh sŭng rup swan nơm sinlơ chưt Siđăch Yêsu de saq ăp gatŭq, chĕq sinlơ rĭh Siđăch Yêsu de khoi gĕh parang lŭh sŭng rup swan khananh;11mvăc cồ gĕh rĭh, khananh wân lawân gĕh dơp an sinlơ chưt mvăc Siđăch Yêsu, chĕq sinlơ rĭh Siđăch Yêsu de khoi gĕh parang lŭh sŭng săq swan cồ uĕh chưt khananh de.12Canŏq, sinlơ chưt ôp vrŭq sŭng khananh, en sinlơ rĭh nŏq gŭq sŭng pôp ŏh.13Nŏq lăm gĕh simơ du nuih tôr tôq camvân bây camvŭm gĕh chêr: “Ănh tôq, nŏq ănh nhai,” khananh khoi tôq, nŏq khananh khoi nhai,14mvăc gưt pành Candranh gĕh ôp an Siđăch Yêsu tao rĭh sĭq vlâq khoi gĕh ôp an khananh tao rĭh sĭq vlâq bây Siđăch Yêsu, nggâm gĕh iau lŭh măt khananh simơ bây pôp ŏh.15Nhâng, ăp vrŭq nŏq cồ payh ơ pôp ŏh, chĕq sinlơ yăh an ngăn, alưr lăm ôp an saq hao don gŏq ndu dông en, nhâng gĕh ôp an sinlơ may mo tât daq canăh vlơ chĕq an sinlơ sindraq sindil Siđăch Trôq de.16Canŏq, khananh đăng hyoq chŏnh vông tôr. An canŏq, tât daq hê tamun aling khananh de nĕh gĕh camvĭnh taha, en nŏq tamun sŭng glăm khananh de gĕh ôp me ăp năr.17Mvăc sinlơ rabăh rabơp nkhơch du măt khananh de gĕh văt tât an khananh du sinlơ sindraq sindil wân lawân, đăng gĕh pâh khăq, đăng gĕh păch lây dân canŏq,18lăm khananh đăng chĕq nuih ramŏng tât khây sinlơ sây gĕh, nŏq cồ ăp sinlơ đăng sây gĕh. Mvăc khây sinlơ sây gĕh nĕh dêh năr, hôm khây sinlơ đăng sây gĕh nĕh wân lawân.
FAR EAST BROADCASTING COMPANY